ماأبغى هالزواج يتم !!!ايارب يتفركش

بصراحة انا جدا مقهورة ومحتارة ووالله ماكتبت الا اني واثقة انكم ماراح تبخلون علي بالتوجيه . الحكاية من البداية اني متزوجة من خمس سنوات ومنذ اللحظات الأولى لدخولي بيت زوجي واخته شانه علي حرب بدون سبب طبعا هي كبيرة بس متأخرة عن الزواج والله سليييييييطة اللسان لأبعد حد وتتكلم علي وعلى اهلي وعلى قبيلتي لأني من قبيلة ثانية وتعيبهم وزوجي كان يقولي دافعي عن نفسك وكأنه ماله دخل وياما رحت لبيت أهلي وانا دموعي على خدي واروح اقابل امي واشكي لها منها وطبعا كان اخوي يشوفني ويزعل عشاني بس كنت حريصة انه مايدري ابوي عالسالفة ابغى احافظ على بيتي ولأنه ابوي شديد بالحيل وكلمته سيف ماتتغير ومرت السنين وقويت وصرت مااسمح لها كلمة بكلمة بعد ماجلست اول سنتين وانا ساكته وهي تاكلني اكل.. المهم الأسبوع الماضي حصلت الطامة كنت نايمة الا وجاني زوجي يصحيني يقول ابوك عند ابوي تحت جاي يخطب اختي؟؟؟لأخوك وزوجي فرررحااان لأنه أخوي فيه كل المواصفات اللي تتمناها اي بنت موظف وملتزم ووسيم واصغر منها والله موعشان اخوي بس بشهادة الجميع انا انصدمت ..طلع انه الوالد راح من نفسه وبدون مايشاور الوالدة او اخوي وخطب وحدد كل شي وهم ماكذبوا خبر طايرين من الفرحة وطبعا رفض اخوي لانه كان يسمعني فحلف عليه ابوي يشوفها واشتد رفضه بعد الشوفة اللي انهارت في الموضوع امي لانها بين اخوي المظلوم وابوي وعناده واغمي عليها ولما شافها اخوي رجع يقول انا موافق وخلاص راضي فيها مسكين يحاول يتصنع قدام امي واناقاعدة احاول تصنع اني فرحانه قدامهم وش السواة لو تم الزواج وصار اي مشكلة بينهم وهذا اكيد بيصير لانها .... بترجع ع راسي وش تنصحوني