السلام عليكم ورحمة الله وبركاته
حيــاكم ربي
ألاحظ كثير من المشاكل المطروحة في القسم متشابهة ..
وحلها في شيء واحد ..
موضوعات كثيرة :
منهم اللي تقول جالسة بالبيت ومالقيت وظيفة
ومنهم اللي تقول مريضة ومالقيت علاج
ومنهم اللي تقول جربت كل شي ولارزقني الله بولد
ومنهم البنت اللي تقول مضى عمري ولاتزوجت
ومنهم اللي خايفة على عيالها من المستقبل وكيف تأمنه لهم
ووو ......
تختلف مشاكل الناس باختلافهم ..
وللأسف ..
نمرض بس من الهم اللي نشيله لكل أمر مايحصل لنا الآن
مع أننا ماندري يمكن يكون مكتوب لنا في المستقبل
تلاحظون يابنات
كثرت عدد المصابات بالسكر والضغط والقولون ووو ....
هذا غير الأمراض النفسية من قلق واكتئاب
ماعمركم فكرتوا ليه هالأمراض طلعت فينا ولاكانت موجودة أول ؟؟!
أو نقول ماكانت موجودة بهالكثرة ..
طيب ليه ؟؟
للأسف ..
احنا ناس تحب تشيل هم أي شي
ولاتحب تجلس مرتاحة
تحب تشغل بالها وتتنكد وتعيش على أعصابها بقلق وتوتر
لاتقولون الدنيا هي اللي أجبرتنا ..
لأن الدنيا ماصفت لأحد .. بس الناس تختلف !
لو فكرتِ شوي ..
ربي كتب أرزاقنا وآجالنا قبل لانولد أصلا
كل شيء كتب في اللوح المحفوظ
يعني لو تطيرين مو صاير لك الا المكتوب
فليه تشيلين هم ؟!
ليه تتعبين وتفكرين يرزقك
وربي كتب لكل شخص رزقه
ومستحيييييييييييييييييل
أحد ياخذ رزقك أو أحد ياخذ رزق مو له
تدرون يابنات وش ينقصنا ؟؟!
ينقصنا التوكل على الله ..
لو كنا فعلا متوكلين والله ماكان حالنا كذا
تعرفون وش معنى التوكل ؟
التوكل :
الاعتماد المطلق على الله تعالى في جميع الأمور من جلب المنافع و دفع المضار .
اعتماد مطللللللق .. يعني ماتتوكلين على أحد سواه سبحانه ..
خلاص تفوضين أمرك له وتستسلمين للمكتوب ..
لكــــن ..
مو معناها ماتاخذين بالأسباب ..
لا .. افعلي الأسباب لكن توكلي على رب العالمين
إن فعلتي الأسباب ولاحصل لك اللي تبينه .. فهذا لأن ربي ماكتبه لك
وثقي ثقة تامة إنه ربي صرفه عنك لشر ..
مثلا :
اللي تدور على وظيفة مدرسة
سمعت بمدرسة محتاجين معلمات .. وهالمدرسة رواتبهم حلوة وتعاملهم حلو وووو ....
طارت البنت وقدمت أوراقها وسووا لها مقابلة
لكن للأسف ماقبلت !
وتبدأ الدموع أربع أربع
وإلا يضيق صدرها وتكشر وتتنكد !
ليه ؟؟!
مو أنت متوكلة على ربي في أمورك كلها ؟!
طيب خلاص انت سويتي اللي بيدك وقدمتي لكنها مو هي رزقك
وبإذن الله ان ربي كتب لك رزق أوفر من هذي
والله يابنات لو فكرتوا فيها زين
واستشعرتوا معنى التوكل الحقيقي ماكان شلتوا هم لشي ولاتضايقتوا لأي أمر
تأملوا معي هالكلام :
قال سبحانه واصفاً عباده المؤمنين في معرض الثناء والمدح: {إِنَّمَا الْمُؤْمِنُونَ الَّذِينَ إِذَا ذُكِرَ اللّهُ وَجِلَتْ قُلُوبُهُمْ وَإِذَا تُلِيَتْ عَلَيْهِمْ آيَاتُهُ زَادَتْهُمْ إِيمَاناً وَعَلَى رَبِّهِمْ يَتَوَكَّلُونَ}
وفي السنة المطهرة تكاثرت النصوص الموضحة لأهمية التوكل والحض عليه، ومن ذلك ما رواه الإمام أحمد والترمذي والنسائي ابن ماجة عن عمر ابن الخطاب رضي الله عنه قال: قال رسول الله صلى الله عليه وسلم «لو أنكم تتوكلون على الله حق توكله، لرزقكم كما يرزق الطير، تغدو خماصاً وتعود بطاناً».
قال الحافظ بن رجب رحمه الله: "هذا الحديث أصل في التوكل، وأنه من أعظم الأسباب التي يستجلب بها الرزق، قال االله عز وجل: {وَمَن يَتَّقِ اللَّهَ يَجْعَل لَّهُ مَخْرَجاً وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ}
ودل حديث عمر المذكور على أن الناس إنما يؤتون من قلة تحقيق التوكل، ووقوفهم مع الأسباب الظاهرة بقلوبهم، ومساكنتهم لها، فلذلك يتعبون أنفسهم في الأسباب، ويجتهدون فيها غاية الاجتهاد، ولا يأتيهم إلا ما ما قدر لهم، فلو حققوا التوكل على الله بقلوبهم لساق الله إليهم أرزاقهم مع أدنى سبب، كما يسوق إلى الطير أرزاقها بمجرد الغدو والرواح، وهو نوع من الطلب والسعي، لكنه سعي يسير، وهذا ما يشير إليه قوله صلى الله عليه وسلم: «لرزقكم كما يرزق الطير...»
ومعناه أنها تذهب أول النهار خماصاً، أي ضامرة البطون من الجوع، وتتجه إلى غير وجهة محددة، تطير وتبحث وتسعى ثم ترجع آخر النهار بطاناً، أي ممتلئة البطون.
وصح عن النبي صلى الله عليه وسلم فيما رواه عنه جابر بن عبدالله رضي الله عنه أنه قال: «إن نفساً لن تموت حتى تستكمل رزقها، فاتقوا الله وأجملوا في الطلب، خذوا ما حل ودعوا ما حرم».
سبحان الله !
فعلا لو توكلنا على الله حق التوكل .. كان ارتحنا كثيييييييير
يكفي مجرد يقينك التام إن رزقك ماياخذه غيرك
وانت مابتاخذين رزق غيرك
لو فعلا هالأمر حطيناه ببالنا كل وقت وفي كل أمر ..
ماكان حالنا كذا أبدا !
الله المستعان
اقرؤوا يابنات في معنى التوكل وتفسير الآيات اللي
ورد فيها ذكر التوكل
وبإذن الله بتلقون الرااااحة والطمأنية
ربي يسعدكم دنيا وآخره ..
: )
يسمح بنقله دون ذكر المصدر ..
وقلنا توازنوا
وقلنا اعقل وتوكل
وقلنا الله الله بانفسكم
وخذوا واعطوا
الق\
طبع وعادة وامور اصبحت ادمااان بالمجتمع
والله يعينهم
يمكن اعود مرة اخرى
بارك الله فيك
دمتم بود