ماأحس بالأمـــــــــان

حبيبتي :
لاتحسبي كل وحده متزوجه سعيده او عايشين حياتهم كلها كلام حلو وضحك ....لا ياما ناس تشوفينها تضحك وتمدح زجها انه مافه مثله ..وتكتشفي ان بيتها كله مشاكل ..
وبعدين حاولي تشوفي الاشياء الحلوة اللي يصلحها زوجك وتصرفاته معاك لان الزوج يوضح حبه لك من افعاله .......
اما عن طريقة التفكير فمشكلتك مثل مشكلتي <<انا طبعا اصغر منه ب10سنوات..ولما نكون نبغى نتفاهم كل واحد يبغى يثبت للثاني انه هوا الصح <<وللزوج بالنهايه الانتصار ..وانتي تكوني الغلطانه حتى لو انه عارف انك انتي صح.....
اما عن<والله اني قبل لأتزوج غييييييييير حتى ثقافتي وعقليتي احسها

احلى من الحـــين>فكثري منها وزيدي عليها حبتين ..احس اني صايرة غبيه وماافهم .........
حبيبتي :
وسعي صدرك ولمل تكوني طفشانه او متضايقه من الموضوع صلي لك ركعتين واقراي قرآن واكثري من الاستغفار .....
واسفه على الاطاله ...لكن حبيت افيدك ........

انا احس مثل احساسج ويا كثر هالكلمه ما اقولها ليتني ما تزوجت
بس انا الحين عندي ثلاث اطفال
اتعلمت انه هذا هروب من الواقع الى نعيشه ليش؟لانه مش مثل ما كنا نحلم فيه قبل الزواج واشياء كثير صارت غصبن عنا ولازم نرضا ونتقبلها ..... وهالشي ما كنا مجبورين فيه قبل الزواج
الحل حبيبتي .... في مشاكل تنحل وفي مشاكل مستحيل تنحل بس نقدر انطنشها لانه في شي في حياتنا مثلا يقولنا لازم تصبرون مثل الاولاد ..انا اطنش زوجي واحيانن كثير استحمله بس عشان اولادي ...
يعني في امور تستاهل اطنشين زوجك عشانها واشغلي نفسج بامور مفيده وحلي حياتج حتى لو فكرتي انك تعيشينها لنفسك مو لزوجك ..وانصحج لازم تحبين نفسج وادللين روحج
وصدقيني بترضين وايد عن نفسج اما زوجك لو ما تغير شو بتسوين انا اقول طنشيه

ابليس يجري مع ابن ادم مجرى الدم

خلي عنك الوساويس والافكار الهدامه وش طلاقه وش خرابيطه نار زوجي ولاجنه اهلى ولاتتوقعين اهلك بيتحملون عيال الناس

خليك بيت رجلك حبيه واقنعي نفسك فيه وحاولى تصلحيه لاتياسين ادعي واذكري ربك واستغفري وتصدقي وبشري بسعدك

أقولها لك بكل كل صرااااحة ..
أنا وحدة جالسة مع زوجي عشان استر على حالي ..

حياتي قبل الزواج كانت أحلى بألف مرة ..
كنت ألبس وأكشخ .. وأشتري ماركات .. وملابس غالية ..
وكنت دايم أطلع مع خواتي وبنات أختي .. والله كانت الدنيا ونااااسة ..
وأنا قلت أبغى أتزووووج ..

كان عمري لما تزوجت 23 .. وأنا إلي كنت مصرة على الزواج ..
على بالي الزواج كله رومانسيات وأناقة ..

تزوجت وانصدمت بالواقع المرير ..
تغير زوجي .. وما عاد مثل ايام الخطوبة ..
ما يرضى أشتري ملابس غالية .. لأن أهله يلبسون من السوق المتنقل ..
وهو يقول رخيص وحلو .. وما يرضى نشتري أكل غالي وجاتوه وهالسوالف ..
في بيت أهلي كانت الدنيا غييير ..

حتى لما أروح بيت أمي خواتي يقولون لي دانة انتي مرة مرة تغيرتي ..
وين مرحك؟؟ وين الضحكة إلي ما تفارقك؟؟
نحسك انخمدتي بعد ما كنتي شعلة من المرح والنشاط ..
قمتي ما تلبسين مثل أول ولا تفرفشين .. وش سوى بك الزواج؟؟

هذا غير تفكيره البعيد جدا عن تفكيري ..
أنا أحب أناقش وأتعلم وابحث في التاريخ .. قراءة التاريخ الحديث جدا تمتعني ..
كنت في بيت أهلي أدخل في حوارات فكرية مع أخوي .. ألحين بس أفتح له أي موضوع ..
يقول قومي اعملي عشى .. تخيلي ..

مرة أقول له اتصدق برغم الدمار الهائل إلي خلفه العدوان على غزة ..
وعدد القتلى والجرحى إلا أن حماس انتصرت واسرائيل ما قدرت تحقق أهدافها العسكرية ..
تدرين وش قال لي؟؟ قومي سوي عشى .. قال ايش قال غزة وحماس .. أنا وش يدخلني !!!

وحياتي معه نصها مشاكل .. بسبب وبدون سبب ..

نصيحة حبيبتي ..
زوجك باين عليه مثل إلي عندي ..
أنا اقول لك صدقيني هو أحسن من ناس كثير .. عالأقل يصلي ويصوم .. ويخاف ربه ..
لو انه مش رومانسي ومش صاحب حركات .. وعقليته صغيره ..
بس خلاص .. وقع الفاس في الراس وتزوجتي ..
امسكيه حبيبتي .. المرة مو كل يوم لها رجال .. حاولي تتأقلمين معه ..
وعودي نفسك على سواليفه البايخة .. ولا تفتحين له مواضيع تهمك لأنكم بتتصادمون ..

حاولي تكسبينه وتريحينه بشتى الطرق ..
وهو راح يحسسك بالأمان إلي انتي فاقدته ..
تدرين ليش؟؟
لأن هو نفسه مو حاس بالأمان معك .. كيف تبغينه يمنحك هذا الأمان؟؟
فاقد الشيئ لا يعطيه ..

أنا حاولت أسعده .. قمت ألبس وأستحم بعطور .. وأحسسه هو الملك والسلطان بالبيت ..
قمت أسولف معه في كل شي هو يحبه .. حياتي كانت أول الزواج على كف عفريت ..
ما تغيرت وحسيت بالأمان إلا لما أنا غيرت من نفسي .. ولا هو ولا على باله ..

صلي على النبي حبيبتي ..
الشيطان أمنيته يفرق بينكم .. لا تعطينه مراده وتخربين بيتك لو مجرد بتفكير سلبي ..
دائما فكري كيف تسعدين زوجك .. والمنتدى مليااااان مواضيع لإسعاد الزوج ..

اللع يوفقك حبيبتي ..
استغفري كثييير وراح تشوفين العجب ..

..دانة الدنيا..

سبحاااااااااان الله لو تسالين اغلب المتزوجات

تبي تقولك تفكيري مو مثل تفكيره حتي لو كانوا متقاربين

من الناحيه الثقافيه او العمريه .........

تدرين ليش؟؟؟؟؟؟؟

لان طبيعة المرأه تختلف عن طبيعة الرجل وكل واحد يكمل الثاني

فهوني المسأله ولاتكبرينها والحياه صعبه تبيلها صبر...

ولاتنسين ان المشاكل في كل بيت وان كانت المشكله صعبه

حاولي تتعايشين معاها حتي ماتتعبين وتنكسرين ....

الله يوفقنا لما يحبه ويرضاه...