ماأدري وين أحط رقعة وجهي !!!!!!!!!!! إستبانة عن رمضان

بسم الله الرحمن الرحيم ....

السلام عليكم ورحمة الله وبركاته ..

كيفكم يابنات والله إنكم وحشتوووني موووووووووووت ..
معليش سامحوني على التقصير وإني ماعد أشارك معاكم في المنتدى بس والله هذا
كله علشان المدرسة .. بس معليش إعذروني ..

اسمعوا يابنات أبي أطلب منكم طلب بس والله إني منحرجة منكم وما أدري وين أحط
رقعة وجهي .. لأني عارفة إنكم راح تقولون هاذي طاسة وجهها لها فترة والحين ردت تبي شي بس معليش اعذروني وسامحوني ووالله إني ماطلبتكم إلا من عشم ومن حب فيكم .. وإني متأكدة إن شاء الله إنكم الوحيدات اللي راح تساعدوني ..


أقولكم وش هو الطلب ...

اليوم في المدرسة جتنا أبلة التعبير وقالت أبيكم تكتبون موضوع إستبانة عن رمضان
وأبيكم تجيبونه يوم الإثنين وراح يكون آخر موعد .. وبصراحة أنا ماأحب التعبير أصلا
وإن جا مني وعبرت ماراح أعرف أكتب موضوع إستبانة .. فالله يسعدكم ياأخواتي
أبيكم تساعدوني وتوقفوا معاي لأني بصراحة ماأحب إني أنقص في الدرجات ..

وأنا طلبت مساعدتكم في هذا القسم لأني واثقة إن شاء الله إنكم راح تقدروا تساعدوني ..





ملاحظة: للتوضيح .. الإستبانة عبارة عن أسئلة وكل سؤال يحتوي على ثلاثة إختيارات تكون اـ نعم ب ـ لا ج ـ أحيانا أو تكون ثلاث إختيارات مختلفة
غير نعو ولا وأحيانا ..
ولما تجي تقرأين السؤال وتبي تحلين السؤال تختارين فقرة وحده ولما تخلصين كل الأسئلة تشوفين وش أكثر الحروف طلعلك يعني كم مرة تكرر الحرف الواحد .. وتشوفي إذا كان حرف الألف تكرر أكثر من مرة تروحين عند النتائج وتشوفي وش مكتوب عند حرف الألف تطلعلك نتيجة إختياراتك فهذا يدل على شخصيتك وهكذا ..

أتمنى أخواتي إنكم ماتخيبوا ظني وتساعدوني ..
ولكم دعوة في ظهر الغيب ...





ولكم مني أرق وأجمل تحية ..
محبتكم : غصوونة :27: