مسا الخير
كيف حالكم يالغاليات
ومشرفاتنا العزيزات شخبارهم
والله بيني وبينكم أنا أبي أسوي مسح للمتزوجات عن المكالمات عشان أحاول أصير زيهم
صار لي سنتين متزوجه والحمد لله سعيده جداً مع زوجي ومرتاحه ...
بس قاهرتني سالفة مكالماتنا ، زوجي بطبيعة عمله دايم يغيب مده أو يسافر، فأتصل عليه بس الله لايوريكم ولا عمري كلمت زوجي مكالمه طويله(طبعا زوجي قليل كلام)حتا بفترة الملكه تخيلوا أطووول مكالمه مدتها 13دقيقه < كنت حاسه أني مسويه انجاز ههههههههه والبنات يجلسون بالساعاااات مع خطيبهم
((طبعا فيني طبع شين إني إذا شفت الطرف المقابل ساكت أنهي المكالمه فورا أو اللقاء حتا أذكر لما يزورني بالملكه وخلاص ماعاد بقى شي نقوله أبدا أتثاوب يعني اطلع يلا ههههههه والله أنحرج من لحظات الصمت)) وبما ان وزوجي قليل كلام وهادي فمايمديه كلم إلا سكرنا
ياربي أشوف الحريم مايبقا شي مايسولفون فيه بالجوال وأنا يادوب الاخبار الأساسيه (وأنا اللي أتكلم) وأسكر..
حتا اختي تقول لي لما انام بيت اهلي وهو مسافر:انت ليه ماتكلمين زوجك بالليل وتقرقون للفجر؟؟؟(مثل ماهي تسوي مع زوجها ماشا الله) جربت مره دقيت عليه وهو نااايم قال شفيك داقه قلت بس اسولف قال بكرا اكلمك حبيبتي بنام عندي قومه الصبح< ابد مو موده سهره وكلام حلو ع الجوال
هذا سالفتي والحمد لله ماهب مشكله لاحد يقول لي احمدي ربك وشوفي مصايب غيرك ، انا ماأقول هذي مشكله بس ودي أضيف لحياتي أكثر بالذات لما يغيب ودي أتواصل معاه أكثر كفايه على ملكتنا اللي خلصت مااستمتعنا بالمكالمات الليليه والرومنسيه !خل أعوض بعد الزواج ع الأقل:/

جمان تركي @gman_trky
عضوة جديدة
يلزم عليك تسجيل الدخول أولًا لكتابة تعليق.

S.2008
•
ياقلبي هذي مو مشكلتك هذي مشكلة زوجك الازواج يختلفون انتي على بالك البنات الجريئات في الملكه ويتكلمو بالساعات هما كذا من نفسهم جريئات لا مو كلهم طبعا اكثر شي يعتمد على خطيبها او زوجها يسحب في الكلام منها الين ماتتجرأ وتصير عادي ولا اذا راحت زياره لأهلها يجلس يسولف معها ووينتظرها تكلمه ع الجوال اذا كان بعيد اما انك انتي تحاولي وهو كلامه محدود مررره صعبه لازم من الطرفين انتي معاكي حق تكوني كذا لان زوجك يعتبر هذا الشي ماله اهميه وانا كمان نفس معاناتك بالضبط الحوار عنده الاشياء المهمه وبس وتأقلمت على دا الوضع ولا يهمني اصلا ،...

نسيت اقولك قليل الكلام مهما سويتي مايتغير هذا طبع.
وبعدين لاتجلسين تراكضين وراه يعني لاخرج من البيت تتصلين عليه واذا عند اهلك تتصلين عليه
خليه يشتاق لك
وبعدين لاتجلسين تراكضين وراه يعني لاخرج من البيت تتصلين عليه واذا عند اهلك تتصلين عليه
خليه يشتاق لك

اسمعو بنات يامتزوجات ياقلبي ماراح تلقون رجل كامل يعني مافيه عيوب اصلا ابو سروال وفنيلة كل عيوب الدنيا فيه هههههههه

ashjan1
•
الله يعينك ويعيني يارب
ذكرتيني بخطيبي اطفففش اذا كلمته وربي مكالمتنا ماتجي اكثر من دقيقه
الحين صايره اكرره اكلمه ماعنده مواضيع كلما قال ابي اكلمك اعتذر له ماابي اكلمه مكالمتنا ممله
السبب من النوعية الرجال هذي
واتوقع طبعهم كذا :(
ذكرتيني بخطيبي اطفففش اذا كلمته وربي مكالمتنا ماتجي اكثر من دقيقه
الحين صايره اكرره اكلمه ماعنده مواضيع كلما قال ابي اكلمك اعتذر له ماابي اكلمه مكالمتنا ممله
السبب من النوعية الرجال هذي
واتوقع طبعهم كذا :(
الصفحة الأخيرة
يعني ليش الكلام مو وجه لوجه ليش يعني مكالمات