ماااااااااااااااااااك ....ساعدوني

انا بعطيج اسعارهم بالدرهم الاماراتي واعتقد نفس الشي فالسعوديه ما تفرق وايد
الفرش انا خذت وحده صغيره للحواجب ب82 درهم ووحده ثانيه ب75
واتورطت في غلوس قالتلي انه من المجموعه اليديده ب 102 لونه ما عجبني وااايد
يعنى اتجنبي المجموعه اليديده لان اسعارها غاليه وما تفرق عن المجموعات القديمه الا في شكل العلب والسعر.

بودرتهم لا تفوتج لان تغطيتها حلوة انا بشرتي جافه فأستخدم بودرتهم المضغوطه للبشره الجافه ولا احط قبلها كريم ولا شي . فعليج بالبودره
اما الفرش روحي لمكياجي نفس الفرش والأسعار اقل والغلوسات غلوسات ماك ألوانها حلوة لكن تقطع لي شفايفي وتخلص بسرعه بعكس غلوسات لانكوم وهيلينا روبنشتاين اسعارها معقوله واتم عندي وايد لانى كل شوي اعيد عالغلوس او ازيد فأحتاج شي اقتصادي.
ادري طولت عليج وحشرتج خخخخخخخخخخ

اسعار الارواج اتوقع 72 درهم بس مب متأكده بس تقريبا في هالحدود .. وبالنسبه لكريم الاساس ب 129 درهم .. و البودره اللي استخدمها انااا اللي هي استوديو فكس ب 119 درهم ... عندهم الكحل اللي ما يتبرا وعندهم من الوان انا خذت اللي لونه اسود فعلا عجيب وما يسيح ... ب 76 درهم ..

والشدو مالهم .. على 65 درهم او في هالحدود .. ممممم وشو بعد ... خذت منهم بودره اضاءه مضغوطه مب لووز ب 102 درهم اول شي اشتريه وما ندمت عليه من المكياج قيمته فيه روعه روعه روعه .. يعطيج لوك منور بدون تكلف .. وبعد عندهم ستروب كريم كريم اضاءه خفيف تحطينها قبل الاساس يشل عنج مظاهر التعب والارهاق وفيه لمعه خفيفه وبعد اذا بشرتج مافيها مشاكل تقدرين تستخدمينه اروحه بدون اساس .. بس بالنسبه للارواج والغلوسات بصراحه ماحبيتهااا صح الوانها روعه بس تجفف الشفايف ..
وبالنسبه وين بتحصلينهم والله مادري لان نحن في الامارات موجود المحل تقريبا في كل مول .
اسمحلي على الاطاله اتمنى اني افدتج .