***مااااااااااااجمل ان نحيا بالامل *** مواقف دعويه**

"" من لزم الاستغفار جعل الله له من كل همٍ فرجا ومن كل ضيق مخرجا ومن كل بلاء عافيه ""

قال تعالى : "" فقلت استغفروا ربكم إنه كان غفارا .. الايات .. ""

, , ,

الحج العام الماضي .. كان حجزنا للعودة يوم 14 ذي الحجة , وعجلنا في العودة يوم 12 , وأنا و أخواتي نبي نرجع للرياض يوم 12 أو 13 الفجر لسبب ما , كلمت على الحجز مافيه لا ok ولا انتظار حتى , طلعنا لمطار جدة , العالم مووت عند مكتب الانتظار , أخوي راح للمكتب العادي على طول الموظف طلع له 4 بوردنق مقصوص وجاهز

سبحان الله ما كملنا نص ساعه في المطار إلا واحنا راكبين الطيارة .. طول الوقت في البيت و المطار و الطريق بس استغفر وأنا كنت موقنة إن ربي ماراح يخبيني ..

ــــــــــــــــــــــــــــــــــــــــ

انا هقول تجربتى مع ذكر بحبه جدا
"رضيت بالله ربا وبالاسلام دينا وبمحمد صلى الله عليه وسلم نبيا ورسولا"
طبعا عارفين ان نتيجته "كان حقا على الله أن يرضيه"

وأنا الحمد لله أكثر منه ودايما ادعى ان ربنا يرضينى بقضاؤه وقدره
وسبحان الله أى محنة او مشكلة اتعرض ليها أحس برضا عجيب رغم ان
كل اللى حوالية بيكونوا متوقعين انى زعلانة أو حزينة .. بس فعلا والله
بحس ان فى حاجة بتقولى : هوة دة الأحسن مادام ربنا اللى قدرهولك ..

والله ياجماعة بوصيكم بالذكر دة .. ليه مفعول عجييب بس المهم
تقولوه من القلب ..

ــــــــــــــــــــــــــــــــــــــــــــــــــــــ

سأشارككم بحادثة حصلت لي منذ وقت قريب ( تحديدًا في شهر رمضان المبارك ) استشعرت من خلالها معنى حديث الرسول - صلوات الله و سلامه عليه - حين يقول " لا يرد القضاء إلا الدعاء " ..

حصلت منذ حوالي الشهرين على رخصة القيادة .. فصرت أعتمد على نفسي في مسألة الذهاب إلى العمل و العودة منه .. و كانت الأمور تسير معي على خير ما يرام و الحمد لله .. حتى جاء ذلك اليوم الذي كنت أقود فيه سيارتي عائدةً إلى المنزل بعد انتهاء العمل .. و كنت أردد - على نحو لم أعتده - دعاء " اللهم احفظني من بين يدي، ومن خلفي، وعن يميني، وعن شمالي، ومن فوقي، وأعوذ بعظمتك أن أغتال من تحتي " .. و بقيت على حالي هذه حتى وصلت إلى مخرج في إحدى الطرق السريعة و أردت الانعطاف كي أدخله .. لأفاجأ بأحد السائقين على يميني " يلف " علي بشكل مفاجأ - لا و من زين الطبايع - أوقف سيارته بشكل كامل .. فيما أنا آتية من ورائه مسرعة .. و لا مجال لدي للالتفاف ، فالسيارات تتدافع عن يميني و عن شمالي !

و رددت في نفسي " أكيد حادث ! " .. لكن مشيئة الله كانت فوق كل شي .. و لم أشعر بيديّ إلا و هما تدورّان المقود بشكل سريع و محترف يمنةً و يسرة .. و كأنهما يدا شخصٍ آخر .. لا يداي !

خرجت من الحادث بأعجوبة .. و هي حتمًا أعجوبة الدعاء ..!

" يا رب لك الحمد كما ينبغي لجلال وجهك و عظيم سلطانك " ..



أوصيكم يا إخواني بالدعاء .. فهو سلاح خفي يحفظ الإنسان و هو خير ما يتقرب به العبد لربه

ــــــــــــــــــــــــــــــــــــــــــــــــــــــــــ

في يوم ظلمتني رئيستس ظلم عظيم
ماسويت الا التحسب عليها
غابت اسبوع ونصف ثم جاءها نقل الى قارة أخرى ودارت الدنيا وصارت تحتاجني وتبحث عن مساعدتي لها وبالذات بعد ان توليت منصبها
سبحان مغير الأحوال
ـــــــــــــــــــــــــــــــــــــــــــــــــــــــــــ
بسم الله توكلت على الله ولاحول ولاقوة الا بالله
^
^
^
^
هذا الدعا اقوله لاركبت السياره واذكر ذاك اليوم جانا حادث والحمدلله ماجان شي لا انا ولاهلي
الله يحفظ الجميع
ـــــــــــــــــــــــــــــــــــــــــــــــــــــــــــــــــــــــــــ
(( و استعينوا بالصبر والصلاة و انها لكبيرة الا على الخاشعين))

(( ومن يتق الله يجعل له مخرجا ويرزقه من حيث لا يحتسب))

(( فقلت استغفروا ربكم إنه كان غفارا يرسل السماء عليكم مدرارا ويرزقكم بأموال وبنين... ))


** قصص رائعه قرأتها عن اثر الاستغفار (وهو من الدعاء والذكر)

*كان الإمام أحمد بن حنبل يريد أن يقضي ليلته في المسجد ، ولكن مُنع من المبيت في المسجد بواسطة حارس المسجد ،،
حاول مع الإمام ولكن لا جدوى ، فقال له الإمام سأنام موضع قدمي ، وبالفعل نام الإمام أحمد بن حنبل مكان موضع
قدميه ، فقام حارس المسجد بجرّه لإبعاده من مكان المسجد ، وكان الإمام أحمد بن حنبل شيخ وقور تبدو عليه ملامح
الكبر ، فرآه خباز فلما رآه يُجرّ بهذه الهيئة عرض عليه المبيت ، وذهب الإمام أحمد بن حنبل مع الخباز ، فأكرمه ونعّمه ، وذهب الخباز لتحضير عجينه لعمل الخبز ، المهم الإمام أحمد بن حنبل سمع الخباز يستغفر ويستغفر ، ومضى وقت طويل وهو على هذه الحال فتعجب الإمام أحمد بن حنبل ، فلما أصبح سأل الإمام أحمد الخباز عن إستغفاره في الليل ،
فأجابه الخباز : أنه طوال ما يحضر عجينه ويعجن فهو يستغفر ،
فسأله الإمام أحمد : وهل وجدت لإستغفارك ثمره ، والإمام أحمد سأل الخباز هذا السؤال وهو يعلم ثمرات الإستغفار ،
يعلم فضل الإستغفار ، يعلم فوائد الإستغفار ,,
فقال الخباز : نعم ، والله ما دعوت دعوة إلا أُجيبت ، إلا دعوة واحدة !! ,,
فقال الإمام أحمد : وما هي ,
فقال الخباز : رؤية الإمام أحمد بن حنبل !!!! ,,
فقال الإمام أحمد : أنا أحمد بن حنبل ،، والله إني جُررت إليك جراً !!!!


* يقول الداعية خالد السلطان من يقولها لكم :

في ليلة من ليالي التشريق (أيام الحج) وبالقرب من (البيت العتيق) القيت كلمة عن الاستغفار
ومعناه وفضله وأثره وكان كلامي فيه الدليل والمنطق والعقل فلما انتهيت من كلمتي القصيرة (وهي عادتي)
طلب احد الحاضرين الحديث معي على انفراد فقبلت الحديث معه فبدأ بسرد قصته مع الاستغفار.
بو يوسف: انا تزوجت ولله الحمد ولكن زوجتي تأخرت بالانجاب فقمت ببذل الاسباب، ما سمعت عن طبيب إلا زرته
ثم سافرت بعد ذلك للخارج التمس العلاج والكل يؤكد بقوله (ما فيك إلا العافية انت وزوجتك) فرجعت الكويت
وكلي رجاء بالله (والله على كل شيء قدير).
قلت: اسأل الله ان يرزقك الذرية الصالحة يا بو يوسف وعليك بالدعاء خاصة انك في ايام عظيمة
وفي مكان عظيم وأنت اليوم مجاور (البيت العتيق).
بو يوسف: آمين لكن بعد ما خلصت قصتي.
قلت: كمل يا بو يوسف كلي اذن صاغية.
بو يوسف: في يوم من الايام وأنا استمع لإذاعة القرآن الكريم (السعودية) سمعت من يقرأ الآية التي ذكرتها يا شيخ
في كلمتك من سورة نوح (فقلت استغفروا ربكم انه كان غفارا يرسل السماء عليكم مدرارا ويمددكم بأموال وبنين
ويجعل لكم جنات ويجعل لكم انهارا).
فشرح الشيخ الآية وبين ان الاستغفار طريق لجلب الاطفال فعلقت الكلمات في بالي فلما رجعت للمنزل
قلت لزوجتي ما سمعت وعزمنا على اخذ العلاج (الاستغفار) ليلا ونهارا سرا وعلانية (تدري يا شيخ ما حصل؟!!).
زوجتي حملت بنفس الشهر الذي استغفرنا فيه وجاء (يوسف) والحمد لله.
قلت: ما شاء الله صدق الله وهو خير الصادقين (والله لا يخلف الميعاد) وقال تعالى: (ومن أصدق من الله قيلا)
(ومن اصدق من الله حديثا).
بو يوسف: شيخ إلى الان لم تنته قصتي بعد.
قلت: خلاص جاك الولد (شنو بعد).
بو يوسف: لما انتهت زوجتي من النفاس قلت لها: استغفري يا ام يوسف للثاني
فاستغفرنا مثل الأول فحملت بنفس الشهر وجاء الثاني بحمد الله ولما انتهت من نفاسها الثاني
قلت استغفري يا أم يوسف نبي ثالث فاستغفرنا فجاء الثالث ولله الحمد فلما انتهت زوجتي من نفاسها
قالت يا بو يوسف وقف عن الاستغفار (بنية الاولاد) شوي حتى يكبر الأولاد وبعدها نرجع نستغفر للرابع بإذن الله.
قلت: الله يبارك لك بما رزقك ويجعل ذريتك قرة عين خاصة أنك رأيت آية من آيات الله فيك وفي زوجتك وفي ذريتك.
بو يوسف: آمين الله يستجيب دعاك لكن يا شيخ ما خلصت بعد من قصتي.
قلت: ما انتهت الاحداث بعد! اكمل يا ابا يوسف.
بو يوسف: بعدما كبر الاولاد قليلا قلت لأم يوسف عندنا ثلاثة اولاد ونرجو من الله ان يرزقنا (بنت حلوة)
استغفري يا ام يوسف وأنت ترجين بنتا.. فسكت بويوسف.
قلت: الله يرزقك البنت كما رزقك الأولاد يا أخي الكريم.
بو يوسف: ابشرك يا شيخ أنا اليوم جئت الحج وزوجتي في النفاس مع بنتها الجديدة (انتهت قصة بو يوسف).

*القصة السابقة فيها عدة أمور لازم نتعرف عليها حتى تكتمل المعاني:
(1) بان معك الاستغفار وفضله وآثره.
(2) الاستغفار يؤثر على حسب نية المستغفر اي لأي شيء تستغفر
لطلب مال.. ولد. نجاح.. توبة.. فعلى نية المستغفر يكون الأثر بإذن الله.
(3) يحتاج الاستغفار لنية صادقة ومخلصة لله وأن تدرك معناه
وأن تفهم المراد منه فالنية لها اثرها في حياتك كلها.
(4) الله لا يخلف الميعاد وإذا تخلف الاثر فاعلم ان هناك امرا تسبب به.
(5) الاستغفار كالدعاء اما يأتيك ما طلبت وإما يأتيك غير طلبك واما يصرف عنك سوءاً
بسبب استغفارك او ان يدخر الله لك ما استغفرت ليوم القيامة فيجازيك جزاء الضعف عنده جل وعلا.


** اذكر العام في الحج
عورني ضرسي مرره وماكان معي غير كتيبات وبنادول
والبنادول مايجيب مع ضرسي نتيجه .. اعرفه !
وانا اقرا بورقة اذكار لقيت بالهامش دعاء الألم.. نسيته بس يقال سبع مرات ..
والله قريته من هنا ..الالم طااار من هنا ...

ـــــــــــــــــــــــــــــــــــــــــــــــــــــــــــــــ

8
8

دعاء الألم : تضعين يدك اليمنى على الوجع وتقولين : بسم الله الرحمن الرحيم ثلاث مرات ، بعدها اعوذ بعزة الله وقدرته من شر ماأجد واحاذر سبع مرات

سبحان الله كل ماقريته وقلبي حاضر ومستشعره عزة الله وقدرته بنفس اللحظة يختفي الألم


الحمدالله يارب ، في كل امور حياتي مالجأ حتى لأهلي ، مؤمنة ان امري كله بيد الله

اكثر دعواتي اللهم اطل في عمري واحسن في عملي ، اللهم استر عوراتي وآمن روعاتي ، اللهم طمن بالي وهدي سري ، اللهم لاتفجعني لافي نفسي ولافي اهلي ولافي مالي


في رمضان كان فيه موضوع في بالي ابغاه يصير ، ومن الصيف اقنع اهلي وبداية رمضان وافقوا ، الموضوع سهل ويسير ولكن على اجراءاتي صارت فيه مشاكل وحسب كلام الموظفين الموضوع بيطول ، حاولت بكل الطرق الممكنة احل هالمشكله ابداً مانفع

خلاص انهرت عندها ، جلست ابكي على سريري واردد يارب مالي غيرك وكنت اذكر الله ، سبحان الله صحيت لقيت الموضوع صار وبنفس الليله تم كل اللي في بالي الحمدالله



ـــــــــــــــــــــــــــــــــــــــــــــــ

بقولكم سالفه صارت لي مع شخص رواها لي بنفسه حيث انني قبل كم سنه اذا رحت مطار الملك خالد بالرياض ماارجع الا وانا محمل معي ركاب واحد او اثنين او اي شي المهم احلل المشوار .
كنت كل مااجي اوقف انتظر ركاب كان اصحاب التكاسي الخاصه يزعلون علينا ويشتموناا لاننا نقطع رزقهم وانا مااكلم احد منهم .
ركب معي مسافر هو وزوجته وابنته صغيره جايين من حفر الباطن عندهم مراجعه للبنت باحد مستشفيات الرياض ،
سلم علي وقال ياخي الحسد في هالناس منتشر الايام هذي مع كثرة النعمه ،
قلت له : ليه وشفيه ؟
قال لي ان واحد من اصحاب التكاسي قال لي ان الي يكدون يسرقون الشنط من اهلها ويسرقون الناس الي يركبونهم .
كل هذا عشان لايركب الناس مع الي يحملون ركاب على سياراتهم الخاصه ، وهذا رزق من الله لو انهم يخلون عنهم الحسد كان الله يرزقهم من واسع فضله .
قال انا بقولك قصه صارت لي انا شخصيا :
انا عندي زوجتين وبيتي مليان عيال وحالتي مايعلم فيها الا الله سبحانه ،
يقول عندي سياره احمل عليها بضاعه واروح ابيعها عند المساجد والاسواق ، خضره او خرده او اكسسوارات او اي شي اقدر اشتريه .

في احد الايام خربت السياره وجلست عشان انا معوق (اعرج) ماعندي وظيفه وجلست في البيت ، والله ماعندي فلوس اصلح السياره لان الي ابيعه اشتري فيه اكل واغراض للبيت وهذا موالي ،

بعد ان تعطلت السياره لم استطح تصليحها وضاقت علي الارض بما رحبت لامعاي فلوس اصلحها ولا عندي فلوس اجيب اكل واشتري اغراض للبيت ، ووالله ان البيت فاضي مافي اي شي ناكله والعيال ماتعشوا ولا في شي يفطرون عليه بكرا.

يقول تسكرت الدنيا بوجهي وجتني هموم الدنيا كلها وتعوذت من الشيطان وقمت توضيت ورحت للغرفه وصليت وانطرحت على الله ادعيه ، يارب فرج كربتي ، يارب سهل علي وارزقني ، يارب وسعلي في رزقي ، يارب ارحمني برحمتك ، يقول خشعت في صلاتي وانا في السجود ادعو الله وادعوه ان يهون علي ويرحمني ثم بعدها انتهيت من الصلاة .

بعد وقت قليل يقارب الساعه سمعت الباب يطرق وخرجت واذا هم الجمعيه الخيريه بحفر الباطن ومعهم عشاء !!!!

سلم علي الرجل وقال لي حنا من الجمعية الخيريه ومعنا عشاء زايد بعد حفلة زواج الليله بقي كثير من الصحون وجينا نوزعها على اهل هذا الحي الي باين انه حي فقير نوعا ما .

يقول والله انهم دخلوا علي صحون ولائم عليها ذبايح كامله ماحد لمسها ولا احد اكل منها ، فأدخلناها واكلنها منها ووضعنا الزائد بالثلاجه عشان ناكل منه لين يخلص وحمدنا الله بعد ان تعشينا على هالنعمه الي ساقها لنا من دون تعب ولا شي .

بعد العشاء بوقت ليس بالكثير سمعت الباب يطرق فخرجت فاذا به رجل لاااعرفه سلم علي وادخلته وقلت له انني على باب اللله ووالله حتى الشاهي ماهو عندي لكن اذا تبغا عشا الحين الجمعيه جابوا لنا عشاء واكلنا منه اذا تبي نجيب لك ، قال مشكور الله يعافيك بس انا جاي من الرياض مرسل من احد التجار هناك ادور في الاحياء الفقيره واوزع فلوس عليهم وانا كان معاي ثمانين الف ريال وكلها وزعتها بالاحياء القديمه واحياء الفقراء بالحفر ولو دريت عن حالتك كان اعطيتك الثمانين الف كلها ،
يقول فقام ليخرج وقال لي تعال معي ورحت معه للسياره واعطاني ظرف قال لي هذا المقسوم واذا جيت مره ثانيه الحفر بحسب حسابك ان شاء الله ، وشكرته ودخلت البيت ويوم فتحت الظرف واذا فيه خمسة الاف ريال يقول طرت من الفرحه وبكيت بكاء فرح وحب وايمان بالله لانه لايضيع عبده وسجدت سجده شكر لله سبحانه وتعالى ان ارسل لي هذه الارزاق بفضل ركعه لوجهه سبحانه في اخر الليل
في اخر الليل عندما نزل ربي الى السماء الدنيا توجهت اليه بقلبي وجسدي وجوارحي طلبت منه ان يرزقني من واسع فضله وان يوسع لي في رزقي وبالفعل ماهي الا دقائق معدوده وجائني طلبي ولو انني ذهبت الى احد اقاربي او زملائي وطلبت منه سلف لما اعطاني ولو اعطاني لاجائني ن الغد يطلب ماله ، ولكن هذا الرب ملك الملوك يعطي بلا منه ويسبغ علينا النعم التي لاتعد ولا تحصى فياربي لك الحمد .

يقول ذهبت وسددت الدين الي علي بالبقاله وصلحت سيارتي واصبحت اكد عليها زي اول اشتري بضاعه واروح ابيعها وتوسعت اموري وتيسرت بفضل صلاة اخر الليل ودعاء من عنده خزائن السماوات والارض

ـــــــــــــــــــــــــــــــــــــــــــــــــــــــ


اولا جزاك الله خير موضوع يحمس للدعاء واللي ماتحقق له اللي يبي يحمس يظل يدعي اكثر واكثر

الاستغفار والدعاء مفعولهم عجييييييييييييب قبل سنتين تقريباً كنت ادعي بشي شبه مستحيل بخاطري وادعي ليل ونهار وخاصة بسجودي.. ان ربي يحققه وكنت استغفر يوميا مئة مره والله العظيم بعد سنة تقريبا وانا مستمره بالدعاء فجئة تحقق لي زي مادعيت بالظبط وزود لله الحمد بس الاهم اني كنت موقنه بالاجابة ..

***وحالياً تاركه الاغاني وادعي ربي طول الوقت يثبتني ويمنعني عن سماعها عاد نازل شريط رابح خاطري اسمعه احب اغانية قسماً بالله من دعائي ولله الحمد صرت اصدع لو اخواني شغلو التلفزيون على اغاني او ركبت معهم السياره قسمن بالله اصدددددددددددع واحس بألم بأذني ماعمري حسيت به واقول اكيد هذا بفضل دعائي

وابشركم ماسمعت رابح ولابسمعه

ــــــــــــــــــــــــــــــــــــــــــــــــــــــــــــــــ

في احد المرات كنت جالس في استراحه وجلست اسولف مع شخص راعي دين وصلاح وقريب من الله في قلبه وعمله .

كنت اذكره من زمان انه ماتوظف ،،

سألته هل توظفت ام لا ؟

قال لي : للحين مابعد تظفت الدعوى كلها وسايط وانا اساسا مامعاي شهاده تسوى لكن ربك يفرجها ، وذكر لي قصه صارت له ...

قال لي :

مره رحت لاحد القطاعات الحكوميه ومعي ملف فيها شهاداتي وجيت عند مدير التوظيف في هالقطاع ،،

سلمت عليه وجلست لان فيه ناس قبلي وانا اشوف معهم ملفات توقعت انه جايين يقدمون على نفس الوظايف الي معلن عنها الي انا جيت اقدم عليها .

قال لي المدير : تفضل اشعندك حسيت انه بكلمته هذي يقول انجز علينا وعرفت انه بيصرفني ،،،

قلت له انا جاي اقدم على الوظايف الي عندكم ابي اي وظيفه لاني متزوج ولا عندي راتب اصرف فيه على عيالي .

قال للاسف اوراقك غير ملائمه للوظائف الي عندنا مع العلم ان الوظائف عاديه ولا تحتاج اي شهاده بس هو يقول كذا عشان يصرفني .

قلت له يااخي جزاك الله خير اوراقي كامله اذا ناقص منها شي قلي وانا اروح اجيبه لكن لاتقزل انها مهيب كامله

يقول الرجال رفع صوته علي بغضب قال لي ماعندي لك شي ...

قلت له الله يهيدك الحين عشان مامعي واسطه منت موظفني وهذولي الي قاعدين كل واحد معه واسطه واكيد كل واحد منهم جايب له ورقه من مسؤل توصيه فيها عشان توظفه وانا ماعندي واسطه

ياخي احتسب الاجر عند الله واعتبر ان واسطتي الله سبحانه عشان تلاقيه يوم القيامه ...

رفض رفضا شديدا وعصب علي قال اقول ماعندي لك شي واطلع من مكتبي لاتقطعني عن عملي وماني فاضيلك انت وخاربيطك وانا داري انه يصرفني ،،،

يقول انا شبت نار بقلبي بس كتمت غيظي وصبرت قلت له : حسبنا الله ونعم الوكيل هو الي بياخذ لي حقي اذا انت ظالمني ، قالي ايه بس رح !!!!

يقول جلست اردد هالكلمه وطلعت من المكتب وجلست على كرسي وانا ارددها حسبنا الله ونعم الوكيل ...

بعد تقريبا 20 - 30 دقيقه قمت وطلعت برا بروح البيت وانا افكر وش الحيله ووش الدبره وانا مره ضايق صدري ..

يقول صاحبنا لما جيت بطلع مع الباب اذا الاسعاف يجي مسرع وينزلون سرير الطوارئ ويدخلون داخل المبنى انا استغربت مدري وش السالفه رجعت اشوف بحكم ان فاضي لاشغل ولا مشغله واذا بالناس كلهم متجمعين حول مكتب المدير الي انا رايح اقدم عليه ، ولما سالت قالوا لي ان مدير شؤن الموظفين طاح عليهم والحين الاسعاف يعملون له انعاش وشابكين فيه الاكسجين

يقول سبحان الله شف كيف الله استجاب لي دعوتي واخذ لي بحقي

يقول لي الشخص تخيل وش صار لهالرجل ....

لقد مات هذا الرجل في مكتبه لم يمهله الله لانه ظلم ولم يراعي كلامي له لقد طردني وانا قد توسطت بالله عنده ولم يراعي حق الله ولم يحتسب الاجر والثواب عند الله ...

انه خان الامانه التي ولاه المسؤلين عليها ولم يرعى حقوق الناس ولم يعدل في وظيفته فانتقم الله منه .

وانا هنا لااستهزئ به بل اذكر لك هذا الموقف الذي حصل لي شخصيا واسال الله ان يتغمده بواسع رحمته ...

والحمدلله قد رزقني الله بوظيفه افضل منها ووسع لي برزقه بفضله ومنته .

هذه رسال الى كل مسؤل ان يخاف الله في نفسه والا يظلم احد فدوعة المظلوم مستجابه

ـــــــــــــــــــــــــــــــــــــــــــــ

حبيت اشارك بهالمسج الي جاني عن الدعاء ،،

ان الدعاء من اجـّـل العبادات،،!
بل هو العبـــــــاده ... كما قال الرسول " صلى الله عليه وسلم "
ذلك لان فيه من . . .
ذل السؤال،، وذل الحاجه ،،
والافتقار لله تعالى،، والتضرع له ،،
والانكسار بين يديه ،،
مايظهر حقيقة العبوديه لله تعالى
ولذلك كان اكرم شئ على الله تعالى
كما قال النبي "عليه السلام " : ( ليس شئ اكرم على الله من الدعاء )
رواه الترمذي ،،


ـــــــــــــــــــــــــــــــــــــــــــــــــــ

الاسبوع الماضي رحت مطار الملك خالد بالرياض

وكنت مسرع اكثر من 140

مع العلم ان السرعه على طريق المطار110 كلم فقط

وشفت سيارة المرور متخبيه بين الاشجار ،

وكان مركب الرادار حق السرعه

عرفت انه بيسجلون علي مخالفه وتذكرت الدعاء

( اللهم اكفنيهم بما شئت وكيفما شئت انك على كل شيئ قدير)

فصرت اردد هذا الدعاء الى ان وصلت الى نقطة التفتيش وفيها

رجال المرور يسجلون مخالفات لبعض المسرعين

فسبحان الله وصلت لهم وانا اردد هذا الدعاء ..

لما شافني العسكري قعد يناظر فيني شوي بعدين اشرلي بيده يعني رح !!

فحمدت الله انه فكني منهم بسبب هذا الدعاء الي يقال عند الخوف من ظلم او تسلط احد عليه ..




ــــــــــــــــــــــــــــــــــــــــــــــــــــــــــــ

احد زملائي في العمل غاب احد الايام عن العمل لان عنده مراجعه في المستشفى

وبعد مرور شهر تقريبا اتصل موظف من قسم شؤن الموظفين

طلب منه احضار تقرير من المستشفى او احضار الورقه حقت الموعد او اذا لم يحضرها بيسجل عليه غياب يوم

زميلي انقهررررر وزعل من جد لانه بالفعل عنده عذر

اتصل على الموظف في شؤن الموظفين قال له الوظع كله

الموظف رفض وقال له لازم تجي عندنا نسوي معاك افاده عن سبب غيابك وبرضه بنسجلك غياب لانك مااستأذنت

وقال له بالحرف الواحد انت غايب غايب وبنخصم من راتبك وبنسجلها في ملفك

بس تعال للاداره نسوي معاك تحقيق عشان نحطها في ملفك

زميلي زعل مررررره وارتفع ضغطه

انا جيت عنده واخذت ورقة تقويم كتبت فيها دعاء ..

قلت له بكرا ان شاء الله اذا نويت تروح للاداره عشان موضوع الغياب هذا

اقر الدعاء الي في الورقه هذا وكرره لين توصل عند شؤن الموظفين وان شاءالله بتتيسر امورك باذن الله

لما جاء بكرا الصباح حوالي الساعه 11 تقريبا

اتصل علي زميلي وهو مستانس وفرحان

قلت بشرررر قال انا تصلت عشان اقول لك جزاك الله خير على الي كتبته لي

قلت له وش صار

قال وانا رايح بالطريق قرأت الدعاء كررته لين وصلت الاداره

وتخيل لما دخلت قلت بروح لمدير شؤن الموظفين اول شي

دخلت على المدير ولما شافني قام سلم علي وشرحت له الوظع

قال ابد ياعبدالرحمن انت موظف معروف عندنا ولا تشيل هم موضوعك اعتبره منتهي وهذي ظروف واحنا نقدر الظروف

يقول فرحت واستانست ورحت للموظف الي كان يهددني بالتلفون بانه بيخصم علي وبيحقق معي

لما دخلت عنده جلسني على الكرسي وقال ابد انا من زمان ماشفتك واشتقنالك قلت ابيك تجي عندنا نسولف معاك

تدرون ايش كان الدعاء الي في الورقه

دعـــــــاء

الله اكفنيهم بما شئت وكيف ماشئت انك على كل شيئ قدير

قرأه عبدالرحمن منذ ان خرج من منزله الى ان وصل الى الاداره فحفظه الله وكفاه الشر الذي كان سيقع عليه

حيث ان هذا الدعاء يقال عند الخوف من احد او الخوف من ظلم ظالم ...


ــــــــــــــــــــــــــــــــــــــــــــــــــــ

:26: :26: :26:

اللهـ يجزاكـ الفـردوس الأعلـى
على هالموضوع الـرائـع والقصص المعبـرهـ

( استفدتـ منهـ كثيـر وتجدد الأمـلـ معيـ )

مشكــورهـ ياعســـل اللهـ يوفقـكـ ويستجيـب لنا دعواتنـا ..

دمتــ بخير ــي

:26:

رررررررررررررررررررررررررررررررررروووووووووووووووووووووووعة
بارك الله فيكي اخية
وجعل يمينك التي جمعت وسطرت ممن تحمل كتابها يوم تلقاه

ســmsـــــاره

متيمة حائل

الف شكر على المرور والله يجزاكم خير على هالدعوات ولكم بالمثل يااارب


اتمنى من لديها موقف دعوي ان تشاركنا لتبث الامل فى النفوس وتحثنا على المزيد والمزيد من الدعاء

للرفع