ماشاء الله تبارك الله
بعد رد مخلصه لزوجها لامجال لتعقيبنا

ولكن احب أضيف هذه النقطه التي اراها مهمه جدا
الا وهي الدعاء
ادعي الله دوما بأن يسخركما لبعض كما تحبان
أكثري من هذا الدعاء وبألحاح
(اللهم سخر زوجي لي كما احب وسخرني له كما يحب..وسخرنا لك كما تحب وترضى )

فغلا يالغاليه يامشرفتنا لوسي
رد مخلصه جدا رائع

والدعــــــــــــــــــــــــــاء ايضاً رائع

وجزاك الله خيرااا

الاخت اللي تقول فشليه واشتريله هديه عليها القيمه اقوها لالا
لاتسوي زي ماتقول ترى مرات كثيره اسويها واشتريله هدايا غاليه جوالات وزراير ذهب وكرافتات وحركات والاقيه يقول شكرا احلى هديه ويحطها على جنب ويسوي اللي يبغاه معايه وتمشي الايام وانا انتظر رد حلو او هديه الاقيه ولا هو معايه
اخاف تخسر روحها على الفاضي

حبيبتي ....اول شي وقبل الهديه ..لازم تغيرين اسلوبك معاه وطريقة كلامك...يعني الرجال يحب الدلع ...دلعيه على قد ماتقدرين..لمايجي من بره ضميه بشوق وحسسيه بفرحتك برجوعه...
ولازم البيت بارد جوهادي ..ريحه حلوه..ودائما لابسه لبس حلو وشعرك ومكياجك وريحتك كأنك بتستقبلين ضيوف..."والضيوف مو احسن من زوجك"
واهم شي ..اهم شي ابعدي شبح الروتين عن حياتك الزوجيه حتى مايشعر بالملل زوجك...
يعني مره مثلا ...البسي لبس سهره..وحطي ميك اب كامل وسوي شعرك تسريحه بسيطه "من عملك" او استشوار..يعني كأنك رايحه زواج..وسوي عشاء مميز وخلي البيت كله على ضوء الشموع...وبعد العشاء عصير بارد..وجلسه حلوه ..
والله راح يفرح ..لأنك سويتي كل هذا عشانه..وطبعا هذي الحركه خليها كل شهر مره..عشان ماتسير عادي...
ودائما حسسيه ان سعادته و راحته وصحته تهمك واجتهدي لهذا الشي ...
وممكن كمان تشترين باقة ورد وتحطيها في مويه وتخليها على التسريحه ..راح تعطي جو ثاني..
وتعودي ترسليله رساله حلوه كل بعد كم يوم حتى لومايرسل بس حيتذكرك في كل مكان "سوي بحث عن مسجات في المنتدى او في جوجل وملي صفحه "واذا مافضيتي في بعض الأحيان ارسليله كلمة احبك ..او اشتقت لك..
ولاتنادينه الا حبيبي ..تاج راسي ..حياتي ....الخ والبنات في قسم الحياه الأسريه ماقصروا..
ولاتفوتين مناسبه حلوه مرت بينكم الا بهديه"يوم زواجكم ..يوم الملكه...يوم العيد....الخ"
والله هذي الأشياء كلها راح تأثر فيه ويتغير معاكي ...وخليها قاعده على قد ماتعطيه راح يعطيكي ..وتذكري كمان انك مأجوره ان شاءالله...
وتذكري انه فضلك على كل البنات واختارك زوجه له...وتذكري كمان انه لكي لوحدك وانه اذا ماحس بالراحه والسعاده عندك راح يدور على الحرمه الثانيه..الله لايبلاني ولايبلاكم ان شاءالله..
معليش طولت عليكي وخرجت كثير عن الموضوع بس كلام في نفسي ..وكان نفسي اقوله لكي..
وان شاءالله يارب تكونين من اسعد الزوجات...