ماابغي اربي يتيم ... كفايه لقبي اليتيمه

السلام عليكم ورحمه الله وبركاته

اعرف انه هاذي سنه الحياه و في موت باي وقت :(
بس ياريت تقرون الي رح اكتبه ... لا امر عليكم


والله ماعرف شلون ابدا بالموضوع بكتابه حلوه ومتوازنه بس رح اخش بالموضوع بشكل عشوائي

انا فتاه عمري 22 سنه متزوجه من 3 سنـوات و حمدلله وعندي طفل القصه و مافيهه انه انا توفي والدي و عمري 5 سنيين و امي كانت صغيره جدا في السن عمرها كان 25 سنه لما توفى والدي 000 وانا كلما اطلب منها طلب صغير ان كان ايي شيء تقول انا ماعندي زوج واليد الواحده لا تصفق ودائما على هالموال ولما صار عمري تقريبا 14 الى 15 سنه وانا يمكن طولت لساني شوي على امي والله يسامحني ان شاءالله :( وقلت لها ليش كله تقولين ماعندي زوج ماعندي زوج و دائما حزينــه حالج حال كل النسوان الي توفى ازواجهم 000 ودعوت علي دعوه :( الله يسامحها قالت لي ان شاءالله زوجج يمووت بعد 6 سنوات :( عشان تمرين بنفس حالتي و تعرفين ليش المراه تحتاج للرجل (وانا والدي توفى بعد 6 سنوات من زواج امي) ...

المهم راحت الايام واجت الايام و تقدم شخص لخطبتي وانا فرحت طبعا و نسيت دعوه امــي
و فرحانه بتجهيز العرس و هالكلام الفاضي المهم بعد زواجي وبعد ولاده طفلي 000 يوم كنت وحدي و استرجع ايامي الي فاتت (انا دائما كذا استرجع الماضي دائما) تذكرت دعوتها وصار القلق يراودنــي واحسب السنيين يوم بعد يوم ... اعرف انه الموت سنه الحياه بس ماابغي اربي يتييييييييم :icon33: كفايه كنت اسمع من الناس هاذي يتيمه ماعندها اب 000 ماعندها اب يحسسني بضعف وحزن دائما و ملامح الحزن على امــي وكئابه البيت

وفي الفتره الاخيره زوجي صار يقولي تعالي يا فلانــه تعالي تعلمي هذا و تعالي تعلمي هذا يمكن امووت شي يووم وش تسوين انتي ... ومره كنا نتكلم عن الشغل و البزنز وقلت له ليش ما تفتح لك بزنز خاص لك ونكسب منه ان شاءالله (وهو شوي عنده ديون و يشتغل ليل نهار عشان يوفيها ) فقال يبغاله راس مال قوي رح اموووت ومااحلم بهالراس المال <<< صار مرتين يكررها :(
وش يعني هذا قلبه دليله؟

طيب نفرض لا سامح الله مات انا وش اسوي وين اروح وش اسوي مع ابني ؟ كيف اربيه ولد يحتاج لاب ابببببببببببببببب :(
مابغى منكم الا الماواساه و الله يصبرني 000 لو كنت لحاااااالي و ماعندي طفل والله مااامااااااانع ابدااا على مشيئه الله بس ماابغي ابنــــــــي يمر نفس حالتي و يقولون يتيييييييييم و خصوصا هو ولـــد مش بنت عشان تكون دائما معاي ... والله والله احيانا اقول يارب يصير شيء بابني بس شعااااان ماربي يتيم لاني والله متعقدددددددده (استغفرك يارب)

لا حول ولا قوه الا بالله العلي العظيم والحمدلله كل شيء صرت اخطط احيانا وش اسوي اذا مات زوجي والله صرت اتعلم كللللللششششششييييءءءءءءءءء في البيت وحتى اشياء الي مايسووها الا الرجال صرت اتعلمها شوي شوي اقول عشان المستقبل ماضمن وش رح يصير 000 بالرغم من امي الحين تدعيلي بالموفقيه والنجاح و حفظ عائلتي وتدعيلي بكل صلاه من كل قلبها بكل خير بس يمكن لحظه غضب (ودعوه الوالدين مستجابه )...