ماابي اجرح بنتي

يعني بالله وش نوع اللعب الي
بتلعبينه معها ويزيدك تعب!
العاب بسيطه
تلوين
X O
اونو
سلم وثعبان
يعني أشياء مافيها تعب

ياعزيزتي العبي و انبسطي و كوني ذكريات معها و الله ماتنساها ، عيالي الحين بالثانويه وهما صغار كنت العب معهم لعبه انا ديتول و هما الجراثيم و يركبون على ظهري و انا احبي و اهرب منهم و اصارخ معهم اقول ابتعدوا ياجراثيم و كانوا ميتين ضحك ... الان يذكروني فيها يقولون يمه ليتنا نرجع و نلعبها ، اقول يالله نلعبها و احنا كبار بس نجري ...
و مشاكلك و تعبك وعلاقتك مع زوجك هي مالها دخل فيها ، عيشي معها ب عالمها ماعندها الا انتي ...

اذا قالت بنلعب جري او فيها حركه قولي ابشري على خشمي وانتي مالك نفس قولي وش رايك نلعب لعبه ثانيه ، او سولفي معها ، او قولي يالله نلعب بس اخلص شغله انتي وش تحبين و اذا كبرتي اعطيها وجه

من الواضح انك مخلية بنتك معتمدة عليك في كل شي حتى باللعب الي هو مصدر سعادة الطفل،،، ترى الطفل يعرف يلعب لحاله لأن خياله واسع يقدر يتخيل شخصيات مو موجودة وتلاقيه منسجم باللعب وما يحس بملل بس يمكن بنتك ما تعودت تلعب الا معك وهالشي حلو بوقت انت تكوني رايقة لان بيقوي العلاقة بينكم ويخلق الذكريات الحلوة بس بالمقابل هالشي يخليك دائما تحت ضغط بأنك اهملتيها او جرحتيها اذا رفضتي اللعب معاها وهالشي مو بس ضدك هو مو بصالح بنتك لأن أنت ممكن تجي على نفسك وتضغطي عليها وتلعبي معاها حتى لو ما تبين بس ما فكرتي ان ممكن طفل ثاني أو عمتها أو خالتها ما توافق تلعب معاها وقتها ايش حتسوي لهم حتجبري الاطفال يلعبون معاها؟؟؟
ضروري تعودي نفسك ترفضي بعض طلباتها ولازم هي تتعود تسمع كلمة لا وما أريد لان العالم ما هو مثالي والناس ماراح تركض تلبي طلبات بنتك ولازم ما تحس رفض طلبها هو رفض لها لذلك كرري الرفض على فترات متباعدة وبادري مرات من نفسك باقتراح اللعب عشان توازني حتلاقيها بعد فترة تقبلت رفضك وحتلاقي هي البديل وتلعب مع نفسها أو مع اخوها لما تكوني مو أنت مو موجودة بالبيت وما حتلاقيها طفشانة تنتظرك عشان تلعبين معاها خلي لها عالمها الخاص ومسموح لك تشاركيها فيه بحسب وقتك وطاقتك.

.

يعني مو حابه تجرحيها عشان اللعب وقلت لها زعلانه من بابا ترى الزعل بين الزوجين يأثر كثيير نفسيا على الأطفال ويحسوا بعدم الأمان إذا ذروا عنه
تعذري منها بأشغالك وقولي لها مثلا راح نتفق نلعب مع بعض ساعه باليوم فقط

ماما اليوم تعبانه وما أقدر ألعب بعدين نلعب مع بعض مع بوسة وحضن