مااتعلمته من حياتي الزوجية وكيفية معاملة الزوج (دعوى للحوائيات)

السلام عليكم ورحمة الله وبركاته
اليوم يابنات باكتبلكم كلام ياريت تستفيدو منه الاخص اللي توهم متزوجات اكثر شئ لانهم دخلو حياة جديدة

انا لاحظت كثير من البنات يوم يتهاوشو مع ازواجهم يطلعو من البيت

انا اعطيكم نصيحة لا تخربي بيتك بنفسك حاولي وقت العصبية تمتصي غضبه بانك لا تردي عليه وخليه يقول اللي عنده كله وبعدها روحي اجلسي لوحدك في غرفة اذا هو ماخرج من الغرفة اللي صار فيها النقاش
تاني شئ حاولي انك تصبري عليه يومين عشان يهدا وانتي تهدي بعدها اتكلمي معاه باسلوب حلو وهادئ يعني تحسسيه بالغلط بدي الطريقة تقدرو تتوصلو لحل للمشكلة بإذن الله
اهلك لا تدخليهم في المشاكل اللي بينك وبين زوجك اتخيلي انك لوحدك في العالم دا ايش حاتسوي اعتبري دا الشئ واقعي
لا ترفعي سماعة على احد من اهلك في نفس اللحظة اللي صارت فيها المشكلة لانه كده بتكبر المشكلة خاصة انه الرجل يكون معصب وقتها وانتي معصبة يعني ممكن تتوقعي اي شئ منه ممكن ضرب ممكن شتم ممكن طلاق لا سمح الله واحنا مانبغا دا الشئ

في حالة الضرب شوفي حالته النفسية اذا عنده مشاكل مادية او في عمله استميحي له العذر وبعدها حاولي تتكلمي معاه وتوضحي له انه هو غالي على قلبك وانه انتي معاه في كل شئ وحسسيه انه هو الدنيا كلها عشان تكبري بعينه ولا يعيدها
اما الرجل اللي الضرب عنده زي سلام عليكم دا له تصرف ثاني ولازم احد يتدخل

انا يابنات ماكتبت دا الكلام الا من تجارب مريت بيها ومن خلال سنوات زواجي استنتجت الامور دي
زوجي انسان عصبي جدا وكنت مشاكل معاه اول زواجي لاني كنت ارد عليه دايما وقت المشكلة ومع الوقت عرفت كيف اتصرف معاه والحمدلله لما بتصير مشكلة تلقيني اعرف اتصرف
والضرب ضربني مرتين في حياتي مرة كانت اوضاعه المادية عدم لا وظيفة ولا عندنا ايجار وعندنا طفل وانا سكتت وصبرت بالعكس وضحتله اني شاريته واني مراعية ظروفه واني عايشة معاه في الحلوة والمرة
والمرة الثانية لاني طولت لساني عليه و طبعا انا غلطانة 100% والحمدلله بعد ماجبت طفلين صار يقولي انا ندمان يوم مديت يدي عليكي انتي صبرتي عليا في ظروفي انتي ام عيالي مستحيل ومااتخيل اضربك
والحمدلله الحياة علمتني وحبيت اكتب الكلمات دي للي تمر بظروف صعبة واللي توها متزوجة جديد عشان تتعلم كيف تتعامل مع الزوج والحياة الجديدة
معليش حاولي تضغطي على نفسك وتستحملي عشان في الاخر ترتاحي و تكون حياتك الزوجية سعيدة