مااتفكرين تجيبين شغالة وعندك بزارين .. وأهلك مو عندك ؟ كيف منظمة وقتك .طلعاتك.وشغلك ؟

انا سكنه بشقه وعندي بنوته عمرها سنه
ماني شايفه اني بحاجت الخدامه لان شغلي مو كثير حيل حتى طبخ مو كل يوم اطبخ وغسل ملابس والكوي
وتنضيف الحمامات والصاله مايبيله شي بساعه اخلص
وين ماروح اخذ بنتي معاي اذا مسيار تلعب مع الجهال وتكون تحت مراقبتي واذا سوق وله مستشفى ابوها يشيلها
واذا عرس احد قريب يعني مثل حماي وله اخوي استاجر خدامه بس يوم واحد لاني لازم اقوم بالعرس وطبعا تكون هي والخدامه معي وتحت اشرافي واذا عرس ناس بعيدين اخذها وقعدها بحضني وبس

انا نفس مشكلتك

ما اطلع او اروح زواجات عشان بناتي وهالحين كل المناسبات ممنوع اصطحاب الاطفال فاجلس عشانهم
الله يرزقني برهم يارب

اجيب شغالة بين فترة وفترة باليوم تنظف وتروح
اذا عندي ضيوف احاول ارتب وضعي قبل ما يجون واشتري احيانا من المطعم

انا مثلك اهلي بعيدين وعندي بنوته الله يحفظها

ما افكر اجيب شغاله ابداااااااا من كثر الخطف والبلاوي كرهتهم

والله لايحوج الانسان لهم دامنا بصحتنا نتعب شوي ماعليه

شقتي صغيرونه

وممنوعه من حضور الزواج هههه عشان بنيتي

وحتى اذا رحت لاهل زوجي اتعب نفسيا لان البنيه صغيره وتحتاج اهتمام

افضل هم يجوني

المهم

كل فتره اتصل على الجارات والصديقات واعزمهم على قهوه

واحدد يوم

مثلا الاثنين يجوني

السبت انظف البيت زييييين
والاحد اعمل الحلويات والمعجنات احطها بالفريزر
والاثنين البس واكشخ واشيك على البيت

احيانا اذا احد كلمني وقال بجيك بكره

اعمل حلى نوعين واحطها بالثلاجه

والمجنات من برا اشتريها

وبسسسسسسسسس

سبحان الله كأنك تتكلمين عني...نفس حالتك
اهلي واهل زوجي برا الرياض...ونفس المعاناة
مالها حل الا لين يكبرون الله يصلحهم
او شغالة تكتم انفاسك في بيتك......

طيب
ليش ما تتفقوا مع أزواجكم إنه لمن يكون عندكم زواج هما يمسكوا الأطفال ( إذا كانت العزيمة للحريم فقط )

بالله مو حرام ...طول ما أحنا نايمين ..قاعدين ..و نشتغل بالبيت و مريضين و في عزيمة عند الحريم و ما شاء الله الأطفال فوقنا فوقنا ...طيب ليه ..والله أنا ما أستغرب و أستعجب إلا من الحريم إلي يروحوا عند الكوفيرات و برررررررضه معتهم الأطفال ..لييييش كلها نص ساعة برضة ما نرتاح يعني ...

أصلا من وجهة نظري ( بعض الحريم ) يستحقوا إلي يجرالهم هما معودين رجالهم على كذا مسويه المرأة المثاااااليه و تعمل ذا كله فووووق طاقتها ..زي ماله حق إنه يخرج و يسهر و ينبسط ..حتى إحنا من حقنا برضه ..مو عيالنا مع بعض و لا عيالي لوحدي ...

لا تجي واحدة قروية و تقول كلامي مبالغ ..لا والله ..مثلا لمن أروح كوفيرة أقص أو أو ...لو أموت ما أشيل عيالي معايا ...لأني عودته من زمان حتى أنا من حقي أنفرد بنفسي شوووووويه بس ....و إذا كان فيه زواج مهم ليا ..طبعا العيال عنده بس ما أتأخر في الزواج إسم رحت و أديت الواجب و أعرف أجلس زي خلق الله ...


أسفة خرجت عن الموضوع ..بس لازم تعودوا أزواجكم على التعاون ...إحنا والله بنتعب حيل ..أنا ما عندي شغالة ...بس أفضل شئ والله تتفقي مع شغالة تجيكي مرتين بالأسبوع تنفض البيت تقشيع و كذا لأنه الشغل يهد الحيل و من الجهل إلي تعتبره رياضة ... لأنه وجود الشغالأت هم على القلب


أسأل الله أن يوفقنا فيما يحبه و يرضاه ..و أسفة يا صاحبة الموضوع أخذت راحتي بس مقهوره على أخواتي في الله