حلاتك نصيحه لله لاتخلين الشيطان وبعض الردود تزيدك
شوفي مافيه أحد كامل..خاصة شي اسمه(زوج)
وانتي عشتي معه7سنين
لاتقولين طلاق
بكره لوكتب الله تطلقتي ثم تزوجتي واحد حاط لك خصوصيه او خلينا نقول مقطوع من شجره ماله أهل 
بتقولين آه ياليتني تحملت عيب فلان ولاجربت غيره
يمكن يطلع أساسا مايقضيك ولايطببك سوق أبد
تظنين كل الرجاجيل كاملين
اقري المشاكل هنا
وشوفي الناس اللي حواليك
ماحد مرتاح
خاصة اللي تطلق وتزوج ثاني لابد تحن على اشياء تعودت عليها مع الأول
لوتروحين عند أهلك شهر وشهرين وتخيلين أنه خلاص ماهو لك ساعتها بتطيرين له
تقدرين تحملين اول مايطلقك تسمعين خبر خطبته ثم زواجه وانتي الله أعلم متى بيجي نصيبك..صح الواحد يتوكل على الله والرازق الله بس غالبا المطلقه تاخذ أردى من الأول
نادرا طبعا موكلهم..
لوتسألين وحده مطلقه عن رأيها بزوجك كعريس
انا متأكده انها بتوافق عليه وبتكون مستعده تتحمل الأشياء اللي انتي تشتكين منها 
زوجك يحبك يابنت الحلال لايلعب عليك الشيطان
وترى اللي فيه يمكن طبع مايقدر يغيره
وكل أمورك الخاصه اشريها مع أهلك اريح لك وله
وادعي وحاولي فيه وبإذن الله بيتغير
والدنيا ماهي باقيه على كذا يمكن يتغير وخواته بيتزوجون وينشغلون..
اخوي الكبير هو وزوجته إذا تجهزوا لمناسبه اول مايدخلون رحنا لسوق كذا وشريت من محل كذا وبسعر كذا وهواحيانا يقول عندي بروح اوديها كذا بتشري كذا 
وهي إذا رجعت تنزل من بيتها ومعها اغراضها وتقيس ملابسها وتاخذ رأينا فيها حتى القماش نشوفه قبل تفصله وتعلمنا حتى عن مناكيرها ولون اكسسواراتها
وهالأيام بتصبغ شعرها وتشاورني أي مشغل وتعلمني بأسعار المشاغل اللي راحت لهم وتعلمني انها بتصبغ بيوم كذا وبتحط لون كذا..والله احس عااادي ماضريناها بشي يعني من تسكر الموضوع ننساه حتى إذا شرت عطر او شافت عطر اعجبها وبتشريه تعلمني وتسولف لي فيه
وعادي من تسكت انسى الموضوع..وإذا نادتني لبيتها فوق تجيب كل انواع الأكل عندها وتقدمه لي
يعني انا اخت زوجها اعرف عنها كل شي وماشوف ان جتها مضره بسبب انها فاتحه كتابها قدامي
وانتي طنشي يمكن اهل زوجك ماجابوا خبر لكلام اخوهم
والله حتى اخوي رحنا لمطعم كذا وأكلنا كذا ..ولامره فكرت بكلامه سالفه وقالها وانتهت ولاتهمني بشي..

ونسيت اقولك هي احيانا يوم ترجع من السوق تكون شاريه لأمي عطر او قماش وامي تطير من الفرحه كأنهم جايبين لها قصووووور مع ان امي الحمدلله موبحاجة أحد وتلبس من أغلا شي بس اشوفها تفرح بهدية اخوي وزوجته

صدقيني أن زوجك من الرجال اللي نادر وجودهم وأنه مستحيل بيوم يبيعك
لأنه عرف قدر المرأة ومانسى فضل أمه عليه
لو منك بحتسبها لله عشان ربي يصلح لي عيالي
وحطي قناعة بنفسك أنه من حبه لك حب يعطي أمه مثل ما أعطاك
وذوقك أكيد حلو عشان كذا دايم يبين لأهله قد ايش ذوقك بكل مكان يعجبه
لو منك بفرح وبنفس الوقت لو وأخذ أهله مشوار بشتغل بأي شيء وبطنش أحساس الغيرة
لأنه الزوج مشروع تكاملي ولكل شخص حياة مستقله لأنه موب تملك
يعني عيشي نفسك وأستقلي وخلي كم نقطة مشتركة مع زوجك
وبالنسبة لأهله ترا بيحبونك من حب زوجك
والله يكون بعونك وتحبين أهله ويحبونك :)

الحرمه تقوووول انها عادي من ناحية يبرها ماقالت يرميها بدار العجزه اتمنى كل كهله بذا المنتدى قبل ماترد تفكر وتخيل نفسها مكانها اللي جاي يتفلسف عليها شكل عمرها 50 فخلاص تحس انها وحده سخيفة طيب فكري على الاقل لو انك بسنها بشخصيتها بيكون قاهرك اكيد لاتجي كهله مر عليها كل شي وتقول على الحرمه صاحبة الموضوع انها غلطانه:wink2:

ارتفع ضغط ضغطي من ردود البعض ايش يعنى في ناس أحسن يعني تنجرح منه وتقول الحمدلله في حريم يعاملونهم أزواجهم اخس البنت بس فضفضت بس بسسس اعوذ بالله ما الوم ازواجكم فيكم