بسم الله الرحمن الرحيم
السلام عليكم ورحمة الله وبركاته
اخواتي الغاليات .. كيف حالكم ؟ وكيف اخباركم ؟
اتمنى من المولى العزيز ان اموركم تكون في احسن حال ..
حبيباتي في الله ..
اكيد كل وحده فينا ، مابين فتره وفتره ترتب دولابها وتطلع الملابس القديمه ..
وترتب اغراضها وتطلع الاشياء اللي ماتبيها ..
وممكن هالاغراض تكون بحاله جيده وممكن غيرنا يستفيد منها ويستخدمها ..
فـ شرايكم لو غسلنا ونظفنا الملابس ولو فيها شي يحتاج تصليح مثلا زر طايح نخيطه ونضبطه ..
ونجمع البكلات اللي مانبيها .. و ياحبذا لو حطينا علبه عطر ولو من النوع الرخيص ..
ولو عندك العاب اخوانك مايبونها ..
لو عندك جزم ( كرمكم الله ) ماتبينها
لو عندك عبايات ( بشرط تكون محتشمه وساتره ) تصدقي فيها
واحتسبي اجر انك ساعدتي امراه مسلمه على التعفف والتستسر
ثياب اخوانك ، غترهم وشماغهم ..
بنات لا تتهاونون في اي شيء
حتى شنط المدرسه او دفاتر ولا اي شيء ما تحتاجونه
لو عندكم فائض من ذبايح او عزايم
لا تترددون وترسلونه للعوائل المحتاجه
لان رسول الله صلى الله عليه وسلم قال: (من كان معه فضلُ ظهر فليعُد به على من لا ظهر له, ومن كان له فضل من زاد فليعد به على من لا زاد له), فذكر من أصناف المال ما ذكر حتى رأينا أنه لا حق لأحدٍ منا في فضل" رواه مسلم
تذكري هذا الحديث الثابت من أحاديث النبي صلى الله عليه وسلم إذ يقول عن أبي هريرة رضي الله عنه :
(إن من أحب الأعمال إلى الله إدخال السرور على قلب المؤمن, وأن يفرِّج عنه غمًا, أو يقضي عنه دينًا, أو يطعمه من جوع)
أخرجه البيهقي في شعب الإيمان, وحسنه الألباني في الصحيحة 1494
وفي رواية للطبراني " " إن أحب الاعمال إلى الله تعالى بعد الفرائض : إدخال السرور على المسلم ، كسوت عورته ، أو أشبعت جوعته ، أو قضيت حاجته "
وللطبراني أيضا عن عائشة رضي الله عنها " من أدخل على أهل بيت من المسلمين سرورا لم يرض الله ثوابا دون الجنة "
وله عن أنس رضي الله عنه قال " ” مَن لَقيَ أخاهُ المُسلِمَ بِما يُحِبّ لِيَسُرَّهُ بِذلك ، سَرّهُ اللّهُ عزّ وجَلّ يومَ القِيامةِ”
وفي الصحيح قول النبي صلى الله عليه وسلم " من فرج عن مسلم كربة من كرب الدنيا فرج الله عنه كربة من كرب يوم القيامة ومن يسر على معسر يسر الله عليه في الدنيا والآخرة والله في عون العبد ماكان العبد في عون أخيه "
حبيباتي .. انها عباده
خلونا نجمع هالاغراض ونعطيها الاسر المحتاجه ..
والله ماتتخيلون قد ايش الفرحه اللي بتدخل قلوووبهم ..
وحطوا في نيتكم انها صدقه وهديه للعيد .. ومن باب ادخال الفرح والسرور على قلب مسلم ..
خواتي شرايكم بالفكره ؟؟؟
واعرف ان عندكم افكار احلى واكثر فائده فلا تحرمونا من افكاركم الحلوه ..
واحتسبوا الاجر .. و ذكروا اقربائكم ومعارفكم ..
فالمسلم اخو المسلم .. ومن واجبنا اننا نقضي حوائج اخواننا المسلمين ونسعى في مساعدتهم ..
::
الافضل اننا نوزعها يد بيد للعوائل المحتاجه
حتى نضمن ان العائله وصلتها الاغراض
فما تدرون ممكن لو استعنتي بجهه معينه
توزع لعوائل دون عوائل
خصوصا ان بعض العوائل تتعفف عن الطلب
فالافضل اننا احنا نزورهم ونعطيهم من غير وسيط
بنات ..
اللي تعرف عناوين وارقام عوائل محتاجه في الخبر والمنطقه الشرقيه ككل ..
ياليت لو تفيدنا الله يجزاها خير ويجعله في ميزان حسناتها ..
ارفعوا الموضوع الله يرفع درجاتكم قولوا آمين ..
راجيه رحمته @ragyh_rhmth
محررة برونزية
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️