مااحب احد لما يكلمني يثبت عينو بعيني . اعتبرها وقاحة , ارائكم ؟

السلام عليكم بنات .بسالكم انا من النوع اللي لما اتكلم مع الشخص اكون مركزة على وجهه يعني عيوني مو بعيونه بالتمام يعني بطالع فيه بشكل اجمالي ,لانو بحسها اول حااجة وقااحة جددداا لما احد يحط نظره بنفس نظر عينك, يعني المفضل لما تتكلمي تطالعي فيا بشكل عام في وجهي بس ماتركزي على عيوني , المهم اكتشفت بعدين انو في دول كتير عندهم المبدا دا انو عيب التركيز على عيون الشخص , وطبعا انسو انو لما تطالعي في العيون بالظبط وتتعمدي النظر فيها من الثقة بالنفس هاداك شئ ودا شئ ان شاء الله فاهمين نقطتي المهم
انا في موضوعين في صحبتي دايما لما تحكي مواضيعها تقول : انو انا كنت بحكي مع فلانة وبتطالع فيا وتشيل عينها
او والله اللي بتدرسنا لاحظت فيها انو لما اطالع فيها تشيل عينها مني
المهم انا اتضايقت انو هيا تركز للدرجة دي لانو غالبا الناس لما بتتكلم بتاخد راحتها يعني مابتركز كيف نظراتي لانو لو ركزت حتتعب المهم كلمت وحدة من صحباتي وقلتلها فلانة احسها تركز عالنقطة دي كتير واحس انو بتخليني ادقق على حالي ونظراتي ومابحب كدا بتضايق صراحة منها , فرجعت للبنت اللي اتكلمنا عليها وقلتلها انا قلت عليكي كدا عشان ماتكون غيبة وضحي لي مقصدك المهم من اليوم اللي بعدو صارت لما تتكلم عيونها بتطالع بالجهة التانية فهمت غلط ودا صار يضايق اكتر يعني غريبة صراحة
2- عندنا دكتورة احس اخدة كورس انو الثقة بالنفس لازم تطالعي بعيون الانسان وترا كدا مررة مو حلو احس وقااحة احد كل مايتكلم معاكي يطاالع بعينك اي كلمة يقولها بعينك يعني مثبتها ومايحركها نهاائي ! ممكن لربع سااعة والله مو حلوو
لازم احترام خصوصية الشخص الاخر
ممكن الموضوع انا اخدتو زيادة عن اللزوم بجدية =)
ارائكم
========
تعقيب ^_^
ههههههههههههه
بنات لاتتحمسو مرة ^_^ انا اقصد بالزبط انو لما احد يثبت عيونو بعينك حاجة مو مريحة
ممكن ماوفقت باختيار وقاحة بس منجدد , وجابتها اللي تحتي انو العشاق يطالعو ببعض ,, بس كدا عادي ؟ لما تجي وحدة لما تتكلم معاكي تثبت عيونها بعيوونك من اول الكلام لحد اخر الكلام انا مااقصد لما تنسجمي وتركزي لا انا اقصد اللي حاطين في راسهم انو لازم نركز بالعيون عشان ابين انو واثقة !!!!!
وطبعا مو كتير هما قليل
2- انا لما اقول كدا مو قصدي ابين انو ماعندي ثقة وجرئة بالعكس بسم الله ماشاء الله تبارك الله انا شخصيتي جريئة بادب وواثقة بس اقصد مثلا لما بنجلس بنتكلم مع البنات كلنا بنتكلم عادي مافي مشكلة وبنطالع عادي في وجوه بعض يعني اققصد مافي تركيز على منطقة معينة المهم بنكون طبيعيين جددددا , بس في ناس لا بيركزو بالعييين بيثبتو عيونهم بعيونك زي لما العاشقين بيطالعو ببعض من دون ماينزلو يعني مايدوكي فرصة تسترجعي معلومة او تركزي بشئ لا هما في عيونك 24 ساعة ان شاء الله احد فهمني ,
انا مااتريق والله في احد ولا ادقق باحد