مااحب ازور بيت اهلي + امي وقسوتها 💔

السلام عليكم
خواتي مابي منكم الا المشوره والتوجيه الصحيح او الدعاء لي😔

بدخل في الموضوع بدون مقدمات …

مشكلتي غير عن مشكلات الحريم اللي دايم نسمعها
من الموضوع 👆🏻اكيد بكتب لكم السبب



اي نعم انا اتضايق وبسرد لكم الوضع


ابوي متزوج على امي وعايش حياته وامي شبه منفصله ( ابوي مزواج عنده 3 حريم )

صارت بين امي وابوي مشاكل من يوم كان عمر ي 15 سنه
يعني بمتوسط

احنا 4 بنات وولد واحد 1

( الين هذا اليوم امي مقهوره ان خلفتها بنات وتسب في رزقها وحظها !! )

امي مع الاسف كانت مطلقه من رجل ثاني وربي ماكتب لها السعاده هم مع ابوي … 💔


امي حاولت تقلب علاقتنا مع ابونا بكل الاتجاهات
ومهددتنا بالويل والضرب واقسى كلام ممكن تسمعونه بكل شي حتى لين تزوجنا !!!

يعني 👆🏻( ماتبي احد يتجرأ
يتواصل مع ابوي حتى لو بالمكالمة ) !!!


تربينا على معاني الخوووف والحذر والتسلط من أمي ….


درسنا ،عانينا ، ماكانت تبي نختلط بأحد عشان محد يعرف او يسألنا عن ابوي انه تزوج على امي.!!

بحكم انها كانت مطلقه من رجال ثاني ماتبي احد يلومها للمره الثانيه
طبعا كل هذا القلق على حساب سعادتنا ونفسيتنا ووو الخ

صرنا زي المقطوعين من الشجره لا اهل ابو ولا اهل ام !!!!💔


دارت الايام واحنا البنات تزوجنا ورحنا بنصيبنا



صارت امي تتدخل بحياتنا بشكل غريب
وهذي نماذج بسيطه :


ليش تقولين كذا كان قلتي كذا احسن ( لاتاخذين حقك اسكتي + الناس هم الصح وانتم الغلط حتى لو كان الحق معكم !!)

اكمل …
اذا زوجك جاب طاري ابوك سكتيه !
احذفي رقم ابوك مو جوال زوجك
قولي ابوي مريض عشان كذا مايجي البيت
اذا سأل عن ابوك قولي كذا


مثلا ليش بنتك تحرك يدها ( عمرها 4 شهور) شكلها فيها مرض تقول لنا الاطفال الطبيعين يجلسون ساكتين ومايتحركون زي الصنممعناها خوش تربيه وادب وهدوء !
( والله مااخفي عليكن عيالنا صاروا معقدين من كثر مانوصيهم ومن المراقبه حتى ماتنزعج امي يكفي انهم ينبسطون اذا زاروا اهلابوهم ويحسون بالفرق 💔

قاعدين على اعصابنا طول الوقت
اكمل ..
ليش ضايفه فلانه في السناب ؟؟؟

حتى بالسوالف مع خواتي تتسمع من بعيد
وفجأه تجلس تقول ترا سمعتكم ليش وليش وليش وليش


وربي شاهد علي في كل شي امي تتدخل فيه باللبس ،
بالاكل ،
بحياتنا الزوجيه
بكلامنا!!!
بالحبه اللي تطلع في خدي <<< وربي ماابالغ كلام مايصدقه العقل مع الاسف 😞

، سببت مشاكل لي ولخواتي حتى مابين عيالنا !!!
كانت تفرق بين عيالنا بشكل والله صعب علي اني اكتبه لكم
نوع من العنصريه من لون بشرة ووو

حتى بالمصروف اللي يعطونا ازواجنا احنا البنات
كم يعطيك ؟
وليش ماتعطيني !!
لاتخلينه يعطي امه فلوس انتبهي !!
لاتروحين بيت اهل زوجك
شللللووون تتحملين تجلسين مع اهل زوجك (وع ) بيتهم يسد النفس

( على فكره كلنا احنا البنات اخذنا من من عيال اخوها وعيال اختها !!!!!!


رغم ان امي مصروفها يجيها {كل شهر }من ابوي !!

( ابوي موظف ارامكو وماشاء الله راتبه عالي بحكم مستوى الوظيفه )

يعني من الناحية الماديه امي مكتفيه واحنا عارفين وساكتين من باب البر والاحسان ….

ي جماعه
ماله داعي تفتش امي بشنطتنا وتشوف كم عندنا من فلوووس عشان نعطيها! !!😫)


خواتي الكبار حاولوا يشيلون يدهم من امي يعني بالصريح م يعطونها من راتبهم او مصروفهم !!!

يعني اذا حبوا يعطون يعطون من انفسهم وكنهم مسوين خط احمر⛔️. رغم انهم موظفات في وظايف عليا !!! ( شخصيتهم اقوى منشخصيتي انا و اختي اللي اصغر مني)

يعني( انا واختي )اللي اصغر مني
ماعندنا كلمه نهائيا 😞صرنا نزورها بعد كل اسبوعين او 3 اسابيع قدر المستطاع

على كل زياره لازم اعطي امي فلوس ( هذا الشي الوحيد اللي يبسطها)


واذا شريت لها هديه تقول لاتعطوني هدايا عطوني فلوس ، والهدايا اشتروا حق اخوكم ماعليه

والله ماابالغ
بس شافتني توظفت في شركة في (المنطقه الصناعيه)😞💔 وراتبي والله مايتجاوز 3 الف ريال


صارت امي تسسسسحب مني سحبوتطنز وتتمسخر علي على وظيفتي وليش ماادور غيرها !!


صارت امي تعزم الناس وانا اللي ادفع
اذا طلعت معاها (مول ) تخليني اشتري لها بدون ماتفكر فيني الين تخلص بطاقتي !

اذا جيت انا واختي نزورها ماتبي تطبخ ولا تبي نساعدها
او نطبخ بانفسنا
تخيلوا


من يوم جيتنا انا واختي اللي اصغر مني من (الخميس الين السبت) واحنا ندفع للمطاعم على كل وجبة !!!!! وهذا غير حساب الكوفي
وللضيوف اللي تجيبهم معها !!!!!!!!!

( رجاءا لحد يقول ليش تنامون😞 صعبه لان آْنَـا واختي نسكن في منطقه تبعد عن امي ساعتين ف مضطرين نبات هالكم يوم + ازواجنا تيزورون اهلهم اللي بنفس المنطقه اللي فيها آمي )



ومع الاسف ماعندنا الا اخو واحد
واتكالي واناني ماعليه الا من نفسه

يحب يدلع نفسه ويتباهي بفلوس تجيه ببلاش تعود ان الفلوس تجيه (منا )بعد مانعطي امي + من مصروف ابوي اللي يعطيه امي !!!

حصلت له وظيفه ( بالواسطه) وماكانت امي تاخذ عليه ريال !! وهذا الغريب

كنا نطلع جميع وتخلينا انا وخواتي ندفع
وامي تقول له لاتدفع ريال انتبه خواتك اهم اللي يدفعون !!

ماتبي حتى يشارك معنا !

طبعا مافلح في الوظيفه !! وطردوه
صار عمر اخوي 28 سنه من غير وظيفه ولا زواج
والغريب امي واخوي يعايبون على إللي يشتغلون اي شغله ( مثلا اللي يشتغل بائع )

امي ماتبي اخوي يتوظف في منطقه غير عن المنطقه اللي عايشه فيها

امي مو مستوعبه ان اخوي كبر !!ولازم يشتغل ويكد على نفسه ويسترجل والشغل مو عيب !!
امي ليش ماتفكر ان العمر يمضي !!
وان أخوي من حقه يتزوج. ويعيش حاله حال الناس

!!!





مع الاسف ابوي مسجل لنا اراضي بأسمائنا كلنا عشان بعد عمر طويل .. وعشان لاتصير مشاكل لاسمح الله مع اخواني اللي من ابوي 💔 يحاول يرضينا بعد ماتركنا واحنا صغار

( يرضينا بس بالماده ؛
وعشنا حياتنا في بيت زي الزريبه للامانه يعطي فلوس بس مايتعب نفسه ويعدل البيت !
زي ماقلت لكم تزوج وعايش حياته


طبعا البيت هذا بأسم امي
تقول لاخوي انتبه لاتبيع ارضك يمكن ابوك بعد. عمر طويل يجون يشاركونك خواتك في الورث
!!!!💔💔

شوفوا امي كيف وصلت لاي مرحله من التفرقه ومن حب الماده !!
😭

البيت اللي امي واخوي انتهى عمرررررره

ولا تبي اخوي يبني له او يشتري بيت جاهز وجديد
ولا حتى يرمم )

صرنا ننحرج من ازواجنا ماعندنا أب يستقبلهم او حتى يعزمهم !

ولا عندنا أم تعوضنا وترقع ع الاقل لنا الوضع اللي نعيشه حتى ماتبي تضيفهم !!!
تفشلنا ماكأن ابونا في ارامكو !!

ولا عندنا مكان مهيئ نجلس فيه زي الاوادم حتى غرف نومنا امي حذفتها !!! صرنا ننام في المجلس انا وخواتي !!!!

امي واخوي اهم شي عندهم الشكليات واللبس والعزايم اللي يروحونها والمطاعم الفخمه اللي يدفعون فيها كل يوم والتصوير بالسناب !!
هالشي عندهم اهم من كل شي

وامي صايره تحسد فلانه على بيتها كيف حلووووو
وكيف الاثاث ليت هذا بيتي وتحش في فلانه وعلانه !

امي


تبي بيت عدل يجيها ببلاش ومغلف من غيرها بدون ماتدفع شي ومع الاسف اخوي نسخه من امي !!!

حاولنا انا وخواتي نجيبها بأسلوب وادب ماتتخيلون كيف
سفلت فينا ماتم كلمه ماقالتها لنا
وبس نتكلم ياويلنا
(لسانها يجرح اكثر من الضرب والله )..

😔💔
بعطيكم موقف ( امي واخوي قاعدين يتطنزون عشان ولد خالي يشتغل مصفف ارفف في صيدلية

وبس اناعلقت ان الشغل مو عيب وحرام نتكلم ف الرجال ) ووقتها كنت لابسه عباتي انتظر وصول زوجي ورانا طريق

خلت اخوي يطردني انا وعيالي برا البيت والله الشاهد علي في كل كلمة كتبتها

اشوه وقتها زوجي في الطريق جايني عشان نمشي )
والله ماانسى نفسي يوم انتفض وارجف واصيح قدامهم وامي تناظرني وانا ارجف وكانت عافسه وجهها حتى ماسمت ( تسمي علي بالله ) !! وانا وراي طريق ساعتينبالسيارة
وعيالي صغار شافوني وخافوا علي
وانا دموعي تطططططيح طول ماانا في السياره
وزوجي يسأل ليش ابكي
وانا امثل قدامه اشتقت لأهلي 💔

!!


تخيلوا خلت اختي الكبيره توصل لي كلامها ان لازم اعتذر من اخوي بسسسسرعه لاني انا البنت والبنت لازم تنكتم وحلال اخوها يدوسهاويطردها


بحكم انه الولد المدلل
ومر كم شهر …..
ووقتها مجبوره انزل ازور امي وانا كارهه اني انزل
لان زوجي هم يبي يزور اهله
وانا وين اروح !! مردي برجع لأهلي وانطق بهالمكان عشان لايحس زوجي
وانا بالعتها وممثله قدام زوجي أني سسسعيده مررره لين جيت ازور اهلي


تعبت من حياتي وتعبت من التمثيل قدام زوجي وعيالي
تعبت من تفكير امي
تعبت من تحريض امي وتدخلاتها في كل صغيرة وكبيره

ماصرت اقدر اتكلم وشخصيتي ضعيييييييييفه ومهزوزه ومااحب اجلس مع الناس 😞
تكفون شششششوروا علي


ملاحظه خواتي الكبار باعدين نفسهم ومنشغلين بحياتهم العمليه💔
مافي الا انا واختي اللي دايم نزورها وننغث بكل زياره