في العشره ايام اروح لأهلي مره ،، بيتهم قريب مني ثلث ساعه وانا عندهم اجلس عندهم من العصريه لحد 12 الليل وارجع بيتي ما افتكر نمت عندهم ليله. متزوجه من 8 سنوات

انا اشتاق لبيتي بس اروح لاهلي انام عندهم بالاسابيع لان زوجي بمدينه ثانيه 

نفسي استقر ببيتي مع زوجي وولدي ادعولي الله يسعدكم 

وسبب ضيقك من اهلك لانك تعودتي تنامي مع زوجك وبغرفتك وتحسين بالراحه اكثر ببيتك وبطلي عادة النوم عند اهلك خميس وجمعه حتى مايتعود 
بيتك قريب نامي فيه وحاولي تشغلين زوجك طلعات وملاهي ومطاعم 

اذكر وحده الله يذكرها بالخير كانت هبله وغبيه دايما تتكلم قدام زوجها واهل زوجها انها ماترتاح الاببيتها
وصار ووقعت في مشاكل مع زوجها وتركت البيت والله انه هو واهله شمتانين فيها يقولون ماراح تقدر تعيش مرتاحه عندهم وراح ترجع ذليله ومكسوره وفعلا المسكينه رجعت بعد فتره وجنت على نفسها براقش
الله يالدنيا بعد ماعشنا سنيييييييين في بيت اهلينا صرنا نتضايق منهم الحين
اوك حبيبتي لو مو مرتاحه في بيت اهلك انتبهي الله يسعدك لاتوضحي هالشي لزوجك عشان مايمسكه ضدك
انتبهوا يابنات والله انها تشكي لي من تصرفاتهم ووقاحتهم وبصراحه هي السبب

صدقتي وربي ياموسلينا
عقب ماكان بيتهم منبع طفولتك الحين لا وووع
ليش الاهل مالهم حق تناموا عندهم
امك مالها حق تنامي عندها تجددي وقتها وتساعديها بشغل بيتها اذ ماعندها شغاله
وابوك تفرغي له من وقتك وتقومي الصباح تفطرينه
ياحلو جمعه الاهل والاخوات والاخوان والرجووع لمه ببيت واحد والنفوس زينه
مو لازم تجلسوا بالايام حسب مايتيسر لك ولزوجك
ومو لازم اذ امك او ابوك يتضايقوا من جمعكم كلكم بعيالكم وازعاجهم تجتمعوا سوا يصير كل فتره. واحد يجلس
تخيلي بكره بنتك تقول نفس كلامك وانها ماترتاح الا ببيتها
الدنيا فانيه وربي ان الايام تجررري اعطوا كل ذي حق حقه

نفس الحاله وبسبب هذا الشعور صرت اطول عنهم كثير

احس بيتي اخذ حريتي فيه اكثر واطفالي ياخذون راحتهم اكثر في بيتهم لايزعلون احد ولااحد يزعلهم