مااحب حياتي مع زوجي وبدون سبب يارب صبرني

سجلت بالمنتدى بس عشان اطرح مشكلتي واتمنى القى منكم الاهتمام

انا لي سنه متزوجه وماعندي اطفال
مشكلتي تجيني اوقات احس اني كارهه كل شي بحياتي واشوف الحياه صارت سوداء كئيييبه وممله وماعندي قناعه بأي شي ،، انا متوكله على ربي ومحسنه الظن فيه سبحانه. بس هالشعور يجي غصب عني

احس كرهت بيتي وزوجي ماعدت متلهفه له مثل الاول وتجيني حالة قلق مو طبيعيه واعيش بدوامه من الكآبه
لدرجة ابكي من شدة ضيقة الصدر
طلعت من بيتي وقعدت عند اهلي فترة راحه وخفت الحاله تقريباً لكنها مازالت موجوده

اللي محيرني شعوري تجاه زوجي كنت اموت عليه بالملكه وفي بداية زواجنا بس اللحين مدري وش صار.
يابنات تمر عليّ اوقات احس اني ماابغاه مااتخيل نفسي معاه في بيت لحالنا
احياناً بيني وبين نفسي ادور فيه عيب بأخلاقه وبشكله صرت احسه اقل الرجال ماعاد يملي عيني بس ماابين له

رغم انه ماضايقني ابداً بالعكس مقدر وضعي ويحاول يساعدني بس وربي يابنات مو بيدي.
انا نفسي مااعرف وش جرى لي ليش كذا طايح من عيني ليش احس الرجال الباقين احسن منه

والحمدلله ان هالحاله مو ملازمتني دائماً يعني هي كل يومين تجيني .. و لما تروح عني ارجع طبيعيه حتى مع زوجي عاادي بس لما تجيني انقلب وحده ثانيه تماماً


ابي اعرف فيه وحده منكم مرت بهالحاله بعرف انا طبيعيه والا لأ ؟؟كيف تتكدر الحياه كذا بدون سبب ؟! هل هو فتور الزواج اللي يقولون عليه والا وشو ؟

تكفون جاوبوني واللي ماعندها جواب لاتنساني من صالح الدعاء

بانتظاركم ،،،