لو انا صار لي مثلك برتب اللي اقدر عليه وبالطقاق ليه احمل نفسي فوق طاقتها شافت الحوسه او ماشافت كيفها اهم شي حسن الاستقبال

غلطانه وخلاص الموقف انتهى

وألف سلامة عليك

ياحليلك انا جوني وانا مفلوزه وجوني في الليل عشا وانا شنطتي جاهزه بسافر الفجر
وجوني واولادي عندهم اختبارات
وجوني وانا نفاس
طبعا مايكلموني ابدااا
يكلمون زوجي. وعاد زوجي مسسستحيل يقول لااااا مع انه شايف حالي
وهم ثلاث عوايل 💔💔💔

عادي تصرفك مافيها شي
وعاد انتي ام زوجك تستأذنك. انا ام زوحي تدرعم علي بدون أستاذان او تكلم زوجي وهو مستحيل يعتذر لو اني ميته قدّامه
وأهل الزوج فيه الطيبين وفيه اللي يا ساتر من لسانهم ينتقدون ويعلقون وهاذولا تعملين الف حساب لدخلتهم عندك
انتي خلي زوجك يشيل عياله ويروح لهم يشوفونهم وانتي مريضه معذوره. وكفى الله المؤمنين شر القتال

يعني نتحملكم غصب عشان الأجر اللي بتاخذونه!
انا ماتحمل زيارات باوقات نقاهتي ومرضي ومو مجبوره بالناس اللي ماتفكر الا بنفسها
مايصدقون تصير الوحده نفاس الا يسوون عزبه ببيتها!
قسم بالله كرهوني بالحمل والولاده كلها. مابغاهم يجون عندي بالنفاس
كل وحده جايبه ثلاجتها معها ويتقهوون وطق حنك مع بعضهن واخذات الدعوه وناسه وفله
طيب انا مانمت طول الليل والصباح البيبي مسهرني ابنام شوي باريح الا يبدا جدولهم اليومي
والوحده اذا جلست ماتقوم
تخيلي تجلس بالساعات😳
ويتجمعن وحده ورى وحده ومستحيل يروحن اذا باقي حريم جالسات
المفروض الزياره بس بالمستشفى بالبيت ممنوع باتفرغ لراحتي
عالاقل بالمستشفى مايقدرون يتعدون وقت الزياره ينطردون غصب
والمفروض اللي تبي الاجر من جد مو تاخذ الدعوه وناسه
تجي تجلس٥ دقايق بالكثير ١٥ دقيقه وتمشي
يعني لين متى جالسه!!!
الحرمه تعبانه تبي ترتاح اعتقوها لوجه الله..