:) انا ملاحظه شي ثاني ان الطفل في بطن امه اصلا لما يكبر ويوصل الشهر التاسع تكون حركته بسيطه مب مثل الشهور اللي قبل وهذا يرجع لكبر حجمه وضيق المكان وبما ان الاطباء دايما يقولون ان الطفل المولود حديثا

:) انا ملاحظه شي ثاني ان الطفل في بطن امه اصلا لما يكبر ويوصل الشهر التاسع تكون حركته بسيطه مب مثل الشهور اللي قبل وهذا يرجع لكبر حجمه وضيق المكان وبما ان الاطباء دايما يقولون ان الطفل المولود حديثا يتغير عليه الوضع ويصارخ لانه افتقد الجو اللي كان فيه يعني كان شبه مقيد ويسمع دقات قلب امه باستمرار فاعتقد ان اللف يقيد حركت الطفل ( طبعا مب اللف المبالغ فيه ) بشكل يشبه تقيد حركته في بطن امه باخر شهر
اللي ابي اقوله ان الطفل بوجهة نظري يحس بالامان اكثر اذا مهدتيه ولفيتيه عدل وتحسين ان نومه اريح وشيله وترضيعه بعد اريح لك لانه لما يرضع يسمع دقات قلبك ويحس بحنانك لانه يسمع صوتك وانفاسك ويحس بالامان لما تشيلينه لانك انتي نفسك تحسين بالامان لما تشيلين طفل امهد او مقمط وماتخافين تعورينه او تمصعينه او يطيح من يديك خصوصا الامهات البكريات واحساسك بالتالي ينتقل ويحس فيه طفلك انتو ماتلاحظون ان اكثر الاطفال اذا كنتي عصبيه كان مزاجهم سيئ وقامو يصارخون يعني يحسون باللي تحسين فيه :39:
انا شخصيا مع هالعاده على الرغم من كلام الكثيرين وبعض الدراسات الحديثه اللي ماتنصح بتقميط او تمهيد الطفل لاني كام لاحظت ان الطفل يكون اهدا لما تلفينه عدل وما اعتقد ان اللف له دخل بقوة العظام لان الاوربيين اجسامهم وعظامهم قويه لما يكبرون لانهم يمارسون الرياضه وخصوصا المشي باستمرار واكلهم صحي اكثر بينما احنا عيالنا واكلنا كله حلويات ومعلبات وعيوش وما نمشي ولا نسوي شي قاعدين نربي كروش وبس يعني لو رجعنا لاهلنا في الماضي كانت صحتهم احسن بوايد من صحتنا وهذا يرجع لحركتهم واكلهم الطبيعي والصحي
نفس عادت التكحيل او دهن الشعر بالزيوت وتحنية اليدين تحسين عيال العرب عيونهم احلى واوسع ولونها اغمق وبعد شعورهم اقوى واطول واغلظ وجلدت ايديهم ورجولهم اقوى نفس الشي المهاد تحسين عيالنا من الاربعين اذا وقفتيه على ريوله وقف وصلب جسمه اما اللي مب مقمطين او مهدين لما توقفينهم على طول يضمون رجولهم وفي فايده للقماط اكتشفها الطب الحديث وهي ان القماط يساعد على علاج الرجل المقوسه انتو تعرفون ان علاج تقوس القدمين عباره عن علاج طبيعي وهو تقييد القدمين وضمهم لبعض كذا ساعه باليوم وهذا كلام وحده راحت المانيا تعالج ولدها من تقوس في رجله قالت بالاضافه للعلاج سوو له علاج طبيعي وهو تقييد رجوله جنب بعض كل يوم لفتره زمنيه معينه وبعد نصحوني بانه يلبس حذاءه بالعكس يعني اليمين في اليسار واليسار في اليمين
ادري طولت عليكم بس منكم السموحه :27:

معليييييش انا قصدي صحة الغرب الي كويسه واحسن من العرب

========
واااااااااالله انا معاك سراحة ماشاءالله تلقين الواحد منهم معفس وجه من الكبر
ونشيط ويتحرك بسرعة

السلام عليكم جميعا

والله أنا من رايي أن العرب مايسوون شئ عبث ، أكيد هذا الشئ وراه حكمه مايعرفونها ، لأنها متوارثة أباً عن جد وبعدين لوتتبعت أصل هالعادة عند العرب الأوليين أكيد بتعرفين السبب عالعموم أختي والله عندنا أشياءأحسن مليون مرة من الغرب اللي ماعندهم سالفة يعني مثلا المرأةاللي في النفاس عندهم هل تراعي نفسها مثلنا أحنا يالعرب تشوفين الوحدة منهم يادوبها والد وقاعدة تنطط وتروكض لا ولابسة بدون هدوم ولا تعرف من أمور النفاس اللي عندنا ولا شي هل هذا معناه أنهم أحسن منا لا والله أرجع وأقول ترى شغلنا وشغل أهلينا قبل كل السناعة فيه حتى لو ماعرفنا السبب وارجعي للدراسات والأبحاث الحديثة تشوفينهم يكتشفون أشياء مفيدة أحنا نسويها من عهد ابونا أدم والمساكييين توهم يتوعون عليها
وآسفة على كثرة الهذرة لأني أنا عندي حساسية من كل ماهوغربي كذا خلقة ـــ الله يثبتنا على الحق ـــ

وتقبلوا تحيات أختكم