ماادري البيت مسكون ولا انا فيني بلا رجاء اللي تخاف لاتدخل

‏(‏قسم بالله العلي العظيم بهاالشهر الفضيل اني صادقه بقصتي ) من البدايه احنا استاجرنا بيت قديم بس مرمم يعني حليو ماهو بطال المهم من سكنت البيت وانا احس ان معي احد بالغرفه حتى لو كنت لحالي المهم من فتره وانا اعاني من جواثيم رغم اني ماانام الا وانا مصليه وطاهره وبعدين تطور الوضع ان صارت تجيني حاله غريبه انه لما انجضع على السرير تجيني نعاس شدييييد بعدين ادخل بحاله بين النوم واليقضه ماادري كيف افسرها المهم يقومون الجن الله يكفيني شرهم بأذيتي يا يسكرون فمي غصب او يشدون يدي او يكتموني وانا مااقدر اصارخ واحيانا بس يلعبون بشعري او يدغدغوني الغريبه تجي هالحاله حتى وانا مشغله البقره ومره ماانساها دهنت جسمي كله بزيت مقري الا رقبتي من ورا وظهري وشغلت البقره ونمت والله اللذي لا اله الا هو ان جتني يد اظافرها طويييييله مثل يدين الوحوش اللي نشوفها بالافلام وسحبتني من ورا وضغطت على رقبتي من ورا وانا اردد لا اله الا الله وحده لاشريك له الين قدرت اتخلص منها وولدي الي بأول يقولي يمه شفتك بالممر تو مسرعه كأنك سرعة سياره وانا كنت بالغرفه مامريت ولا شي انا قريب انهبل والرجل لو اموت مايصدقني لانه ماعمر حصل له او شاف شي وهذي غريبه ثانيه ا
الحين هذا كله ولا شي عند اللي صار لي بعد احداث غريييبه قسم بالله والاغرب مايشوفها الا انا وبنتي وامي وولدي الصغير‏‏
ماعليش اسمحولي نعست ابصلي وانام وان شاء الله الليله اكملكم الباقي الله ياجرني ان شاء الله ويخلف على صبري بالجنه والفرج آآمين يارب