اختي فيه بنت سألتك عن الحالة هذي جاتك في بيتك الاول ولا بعد ما نقلتي لبيتك الجديد؟؟؟؟؟؟؟

لانها فعلا تفرق اذا من قبل تشوفينهم فا عندك المشكلة اما اذا بعد ما نقلتي فالظاهر انه البيت مسكون

ماشاءالله على صبرك وشجاعتك ربي يصرفهم عنك وعن المسلمين

انتبهي اختي من تصديق الاحلام لان الشيطان يحاول بها التفريق بين الناس ويوحي لك بان فلانه سحرتك او نظلتك وهو كاذب واحيانا يفرق بين الاخوات والعوايل فتعوذي بالله من الشيطان وحافظي علي الاذكار والاستغفار

الله يكفيك شر كل من فيه شر
1- ضروري شيخ يدخل بيتكم ويقرا فيه لعله يعرف العله من وين هو ابخص
وأطلعيه على كل الحوادث بالتفاصيل اللي قلتيها او دقي على الشيخ ابراهيم الرويس اي شيخ . ولا تطلعين الا لين يقولك الشيخ اطلعي من البيت هو له حكمه في ذلك .
2- شغالتك اذا بتفتشينها رسليها لجيرانكم ولا لقرايبك وبعدين فتشي اغراضها
لانه يمكن تكونين ظلمتيها وبعدين تنتقم وانتي مو ناقصه.
3-زوجك خوفيه بأنهم بيضرون عيالك لا سمح الله وانه لو صار لهم شي تراه هو المسؤول امام الله وامام الناس وقولي له تراني بريّه قدام الله عن اهمالك لعيالك.

ضروووري الان تتواصلين مع شيخ دقي او سجلي بمنتدى الشيوخ وكلمي واحد منهم مثلا عبدالله الخليفه موقعه ممتاز
عشان يكون علاجك صح وتشفين باذن الله
الله معك ..

بالعكس زميلتي ملتزمه وعسل ونفسها طيبه بالمررره وبحالها والحاله هذي ماعمرها جتني الا با لبيت حتى انا لي من شهر  عند اهلي الحمد لله ماشفت شي ورااااحه نفسيه اول قسم بالله بالبيت تحسين احد معك يشوفك ويراقبك والشغاله ماادري مافتشتها بس هي الحين معي مااشوف شي من الي كنت اشوفه

نزلي ايه الكرسي من النت مكررة وشغليها على طول والاذان اثرها عجيب عليهم
وتاكدي ان الخدامة مالها يد ولو تغيرينها احسن
وياليت يااختي تدخلي مواقع الرقية الشرعية هناك شيوخ بيفدونك اكثر مثل موقع الخير للرقية الشرعية ممتاز جدا
ومالك الا المقاومة الين يطفشون ويهجون مادام ماتقدري تنقلي من بيتك
اما زوجك تقدري تليني راسه بالدعاء خصوصا اخر الليل وراح يمشي معك باذن الله
الله يحفظك وعيالك آمين