السلام عليكم
بنات والله ترددت كثير في كتابت موضوعي الشخصي
انا من النوع اللي اعرف احل مشاكلي الزوجيه بنفسي وعندي حيل وذكاء وحمدلله امشي حياتي
مثل ماابي بس لين جاتني هالمصيبه اللي بالمره ماعرفت اتعامل معاها لانها شي غريب اول مره يمر علي
شي كذا
اولا بتكلم لكم عن زوجي هو انسان يصلي فروضه في وقتها ويزعل علي لااخرت فرض
يقرا اذكاره دايما حريص على طلعاتي ويخاف علي لين هنا مافي مشاكل
المشكله يابنات والله غريبه من فتره تعرف على واحد معه فالدوام اصغر منه ومب متزوج
لاحظت انه مهتم في هذا الشخص كثير لدرجه شكيت انه بنت
لين مره فتحت رسايله معاه وشفتهم يتكلمون عن الشغل تاكدت انه واحد
بنات هالواحد كلا يرسله اشعار حب وانه مايبي يكون اي حد في حياته الله ياخذه ان شا الله شكله فيه نقص
اللي قاهرني ان زوجي يرد عليه بس مب كلام حلو بس دايما يسالون عن بعض يعني طول اليوم ع البي بي
وينك شتسوي وين رحت وين جيت لين يرقد احس مبالغ فيه مب صداقه هذي وشمعنا هالشخص بذات من بين اصحابه هو اللي طول اليوم متواصل معاه ولا يكلمه تلفون قدامي
والله بنات اني مصدوووومه وكلا ابكي بس ماابين له بالمره تعرفون الرجال اذا درا بيقول تفتشين وراي ويقلبون السالفه على الوحده بدون نتيجه
الحين بنات ايش رايكم اكلمه والا ايش اسوي بالضبط ضايقه فيني الدنيا حسبي الله على صاحبه
شلون اواجهه واذا قالي شدراك اقوله وشو اووووف والله مب مصدقه زوجي المصلي المهتدي يضحك عليه هالشيطان
تكفون اللي ماعندها حل تدعي ان الله يبعد عنه هالصاحب ويكرهه فيه يااااارب يااااارب
والحكيمه ياليت توجهني هل هذا شي عادي وانا مكبره الموضوع:(
+عيوني حزينه+ @aayony_hzynh_11
عضوة جديدة
يلزم عليك تسجيل الدخول أولًا لكتابة تعليق.
َأُحَبٌــ mo0ot ـك
•
أنتظري شوي لحد ماتتأكدين زين من علاقتهم.. ودام زوجك ملتزم تعاليه من باب التخويف من عقاب اللي قاعد يسويه وأنو هذا شي مو هين ابدأ وعقابه في الاخره وقولي انك واثقه منه بس البلا من صاحبه والله يهديه ان شاء الله
ROZLIND
•
انا اشوف لو تتصلين من رقم مايعرفه زوجك وتشوفين ذا الصاحب اللي طالعلكم فجأه ودايم رددي اللهم اكفني فيه بما شئت
الصفحة الأخيرة