ماادري ليش كذا بس حوبتي انا وعيالي بذمته

مرحبا بنات
والله من امس مو نايمه من الحزن والقهر وكسره النفس انا وعيالي
انا اي ١٥ سنه متزوجه حياتي كلها مع زوج مهمل فيني وبعيالي اول حياتي عايشه بغرفه مع امه واخوانه مافي بنات وهو يشتغل بمنطقه بعيده عننا ولا هو راضي ياخذني. تحملت وصبرت. قلت مع الوقت. يتعلم ويقلد الناس ويتحمل مسؤوليه بس للاسف طلع ضعيف الشخصيه امه مخوفته من ان ياخذني بحجه ان يصيدونه بالطريق السفر ويذبحوني ويخطفوني مرت سنوات وانا صابره. وطلعت ببيت بعد مشاكل كثيره وكبرو عيالي ودخلت بيت بالقوه انه رافضه اطلع والله يابنات حرضت اخوه علشان ياخذ البيت مننا وزعلت وبعد مارحت لاهلي اخذني للبيت واي بيت يعني شاري بيت من الصندوق العقاري يفشل كلمه يفشل شويه صغير وماعليه قلت مايخالف بيت يضفني انا وعيالي بعيد عن المشاكل ودخلته بدون ولا اي اصلي اقسم بجلاله الله حتى غسيل للبيت ماغسله جيت انا وغسلته وحطيت فرش وملابس عيالي باكياس زباله ولا في احد ساعدنا لا من قريب ولا من بعيد وهو يسافر لشغله ويخلينا
المهم يواعد ان الامور تنحل وتزين ويحلف وكلها كذب وكذب تخيلو مانطلع منتزه ولا مطعم انه تزعل
حتى العمره بحياته ماخذني. يواعد. ويخلف
وصلت فيه بحلف على المصحف وكله كذب
عيالي محرومين من كل شي لا عيد يشري ولا حتى ذبحلوهم تمايم ولا واحد من عيالي سوالهم تميمه تخيلو
شنو اسوي معاه
انا افكر اني خلاص بتركه لانه واثق من حاله اني مااقدر اروح لاهلي واهلي كل مره يبوني اتخلص منه طيب عيالي شنو يكون وضعهم
انصحوني يابنات هل هذا انسان عادي مع العلم انه موظف وراتبه فوق ١٢ الف