ماادري وش اسوي ابي منكم حلول منطقيه

السلام عليكم ورحمة الله وبركاته
بقولكم قصتي مضيقه خلقي :(
السالفه ياطويلات العمر في اهل زوجي كل فرصة يسافرون اي مكان قبل لما كنت عروس عرضو ع زوجي ياخذني ونروح معاهم انبسطت وجهزت اغراضي وكنت متحمسه
سافرنا وكانت الصدمه ابو زوجي عصبي طول الطريق مايبينا نتكلم يهاوش ويلعن عصبي جداً بالسفر ولازم كلنا نجي على كيفه ومعاه مالنا راي ابد تخيلو ينزل المحطه يجيب مويه وعصير وخرابيط ويقول لعياله شباب وزوجي لاتنزلون وان نزل واحد منهم ياويله ياسواد ليله والله ماابالغ عليكم
معظم أولاده المتزوجين يتحاشون يسافرون معه لان طبعه الله يهديه شوي عصبي ومايسمع من احد
تهاوش هو وزوجي كثير بالسفر الدرجة ابو زوجي شال العقال بيضرب زوجي ووقفته ام زوجي وتهاوشو وقعد يلعن زوجته عندي وعند اولادة وصارت قصه طبعا جداً انصدمت وضاق خلقي بعدها قلت الزوجي خلاص بس تسافر مع اهلك سافر الحالك عشان مايزعل ابوك عليك ومابي أسافر انا قال والله بعذرك اهلي وهم اهلي والله يتضايقون منه بس وش نسوي هذا أبوي ولازم نسايره قلت أكيد بس انا مااتحمل زياده مايبينا نروح انا وزوجي بسياره الحالنا نلحقهم ولا يبينا ناخذ شقه الحالنا ولو اخذنا شقه وحده يكون فيه اخو زوجي بعمر عشرين سنه وبس متغطيه يعني الدعوه ماهي مريحه ابد واكرام النفس هواها زي مايقولو
طبعا انا اتفقت مع زوجي انه اذا طلب ابوه منه يجي يروح وحده ولو قال ليش ماتجي زوجتك تعذر بأي شي والحمدالله لي 3 سنوات متزوجه وأموري تمام ماعمري سافرت معهم وكل مره اعتذر
بس هاالمره عصب وقال ليش ماتجي معنا زوجتك كلمته قلتله ياعم تعب علي معي طفلين تحت السنتين وافضل ياعم اجلس عند اهلي لان اهلي يداومون ومااشوفهم الا بالعطل طبعا هاالكلام قلته الاخت زوجي وهي توصله الابوها عصبت وقالت ليش ماتجي حرام عليك شايب سايريه كلها اسبوع مالك داعي جهزي أغراضك انتي وبناتك وتعالي اليوم بنمشي ان شاءالله ع المغرب قلت صعبه مااستعديت وافضل اروح الاهلي لاتضغطين علي وفهمي تكفين ابو زوجي قالت ماعلي منك انتي خبريه وسكرت مني
كلمت زوجي جوال قال لحظه اختي تدق أدق عليك بعد شوي
رجع من الدوام ولا يتكلم معاي كل اللي قاله تبي تروحي معنا ولا لا قلت صعبه والله مع اطفال مايتحملو اهلك قال يعني تبي تروحي اهلك قلت افضل كذا وداني اهلي ومايتكلم ولا كلمه زعلان مدري وش قالتله اخت زوجي
دقيت عليه بشوف وصلو مايرد دقيت ع اخت زوجي ماترد
ارسلت لها رساله قالت وصلنا بالسلامة وترى فلان اللي هو زوجي
مايرد عليك لانه زعلان وقالنا لاتردون عليها اذا دقت
مدري وش فيه قالب علي قبل السفر بيوم اموره تمام معي وعادي حتى هو قالي مابي اغصبك لأني أعرف طبع أبوي صعب والله حتى اهلي وإخواني مابقا الا يصيحون اذا قال بسفركم
بس مدري وش زعله وتكفوووون ابو زوجي ابي ينسى أني أسافر معاه ومايحن على زوجي ياخذني كل ماجا يسافر لانه صعب جداً والله مااتحمله الله يهديه يارب
والله يعين كل اجازه يسافرون وكل اجازه اصرف والله تعبت نفسيتي لاستانست مع اهلي وبس متنكده وهم اهل زوجي سافري معنا غصب ولا بنزعل والله تعب ام زوجي تقولي بعظمة السانها لو بيدي عرفته ع شيبان يسافرون معه وريحت عمري عمك يتعبنا معاه والله اشيل هم الاجازه اذا جت عشان بيسافر فينا
وبعذرها بكل كلمه تقولها انا مجربه السفر مع ابو زوجي عذاب تقل تجنيد والله
انا الحين ابي حل الموضوع السفر تكفون والله ضايق خلقي ارسلت الزوجي رساله أسأله ليش زعلان مايرد اقوله بنتك تبي تكلمك مايرد تكفووون ابي حل والله مررره خانقتني العبره وضايق خلقي