مااساة حياتي

السلام عليكم ورحمة **** خواتي في الله


اكتب لكن قصتي بعد ماتعبت من الحياه انا تزوجت وعمري 13 سنه سكنت مع اهله وحريم اخوانه كان متزوج


قبلي وحده وقبل لايكمل سنه من زواجه اخذني كان عمر ه 18 سنه كنت صغيره مااعرف امسك يوميه مثل حريم اخوانه


وزوجته كان عمرها 27 يعني تعرف تطبخ انايتيمه ومحد علمني الطبخ كنت اناظر لامه وحريم خوانه شلون يطبخن كان بس


يسافر وانا متاكده انه يخوني جبت منه عيال وبنات كنت انمرض مايوديني عيالي ينمرضون مايوديهم مدارس انا اساجلهم انا اتواصل مع المدارس


عيال وبنات كنت احرم نفسي واعطيهم مابغى الي مر علي يمر عليهم كنت اسهر واتعب وذاكرلهم يدخلون المستشفى


يتنومون عمره مازارهم ولا كانهم عياله وصبرت شفت مكالمات لحريم بجواله شفت صور حريم معه وصبرت كنت اموت بليوم


100 مره كنت اقول وين اروح لا اب ولا اخ بكرا يعوضوني عيالي لااروح ولا اجي عيالي ملقف ومحد يتحملهم قاطعت الناس


كلها علشان محد يضايق عيالي او يضربهم كنت انا المسوله عن البيت عن العيال هو مايقصر يعطينى فلوس بس


ماعمر ركبت سياره معه يطلع من الصباح مايجي الا وقت النوم مايتصل ولا يسال عن البيت والعيال اذ قلتله نفسي اطلع


ودني انا والعيال نتمشى او اطلع انا وانت الا يسوي هوشه ويطلع عيالي انا اوديهم محل الخياطه الرجاليه وافصلهم


يبون اغراض من المكتبه انا اوديهم ولدي الصغير عمره 12 سنه يقول مااحس عندنا ابو تحملت وربيتهم بعيوني


ماخليت شي ينقصهم الان البنت والولد بلجامعه والي بثنوي والي بلمتوسط والي بالابتدائي مايسمعون كلامي


ويغلطون علي وانا كنت اقول مافي ام برحمي وحناني عليهم ابوهم مهو محسسني باني زوجه ويطلعني


اهم شي اهله وربعه انا طز فيني كنت اقول الله يعوضني عن اليتم والزوج بعيالي بس طلعو عيالي مثل طبع ابوهم


والله ياخواتي اني تعبانه ويجيني يقول بيجوني اضيوف واقوم واطبخ واحط واجيب ولا يبين في عينه لاقام وش طول


لسانه مايحترمني يكب الشاي علي قدام عيالي قدام الشغالات وش طول لسانه علي يبيني بس جالسه واربي


واطبخ تعبت كرهة حياتي معه لمى اشوفه احتقر نفسي اقول لنفسي ليش عايشه معه لا زوج صالح ولا عيال من


اقوم الين انام وانا ناشف حلقي على العيال محد يسمع كلامي هو الان مسافر وكلمته وتهاوشة معه وطلبت الطلاق


وطلقني بلجوال وانا حامل الان لي 7 شهور ونفس الوقت احبه واغار عليه رغم كل الي سواه فيني ماادري لان كنت


يتيمه وطلعت عليه ومرات اكرهه ماابغى اشوف وجه انا قررت اطلع من البيت واستاجر شقه واخذ الصغار واحده عمره


5 سنوات واحد عمره 2 ونص حتى شغالاته مابيهن طمعهن فيني الوحده وش طول لسانه




امانه يااخواتي ابغى ترشدني وش اسوي لاتقولن اصبري 23 سنه وانا صابره واخاف اذ كملت معه انتحر لان نفسيتي


دمااار وين مالف وجهي مسكره بوجهي لا اهل ولا زوج وين اروح مادري والله ماعمري بحياتي ذريت او ظلمت احد


يالله ياكريم ريحني من هم ارهقني