مااستفدته من المرأة الانجليزيه***

9) ايه تذكرت حركات حريمنا القديمه بالنفاس سرير ومنسدحه عليه خخخخخخ ومرقوق رايح ومرقوق جاي خخخخخخ واذا خلص النفاس اصبحت بحجم بعائري لا وماتحرك وماتسوي شي قالك نفاس يعني
الحرمه عندهم تشتغل ببيتها بالنفاس عادي واذا خلصت الاربعين تطلع بره وتدف طفلها بعربيه وتسوي رياضه مشي وتسوي رياضيه بالبيت :7_5_122:

والاجسام شي البطن ممسوح والجسم متناسق اما حرمتنا الله يعطيها القوه تجيب مشد مدري شماغ وتستعين بمعاونين كلهم عضل يمكن من شباب الحاره خخخخخ عشان يربطونه على كرشتها باحكام وشوفو المسخره اذا راحت بيتها وظهرت لهوسبندها بملابس النوم بعد نزع البتاع يتدلى الكرش وينزلق للركب :( كل هذا لاننا حريم عجازات مانبي نتعب ولا نسوي رياضه على بالنا المشد سحر اندونيسي خخخخخخخ

10) الحرمه الانجليزيه تظهر حبها لزوجها لهوسبندها وتشكره اذا سوى شي حتى لو بسيط اما حرمتنا زي حالاتي صوتها يشق الجدار وين الاغراض؟ وياله ودينا خخخخخخخ
11) والحرمه الانجليزيه بعد تحترم ورعانها :04: وتكلمهم بادب وكنهم كبار اما حرمتنا ماغير تصفق ولدها بالسوق خليه وخليه وياله امش بسرعه

مره شفت وحده بالمطار طايحه تكفيخ ببنتها الصغيره ياحرام وجت البنت تصيح وهجت الا والام لابسه البنطلون والعبايه واللثمه تركض ورى البنت تبي تشدها بمنظر غبي مافيه بريستج وكانت الام سمينه وتزلق بارضيه المطار يحوووووول:eek: حوبه البنت طاحت الام طيحه بصوت عورتني انا ياللي بس اطالع وفشيله قدام خلق الله

12) ايه في حاجه مهمه المظاهر ماتعني للحرمه الاجنبيه مو لازم تطلع ساحره بمكياج ثقيل:33: وكعب وملابس مدري كيف هناك مهما كانت غنيه فهي تحب البساطه باللبس والشكل ولا في حركاتنا بالعزايم واسرافنا يحطون اكل على قدهم ولا ضيافات نفاس متكلفه وحركاات رنانه

13) الحرمه هناك اقتصاديه وتشوف وش اللي يناسب تجيبه مو تنزل تقش السوق وتكدس بالدواليب
ودايم تحاول تستفيد من أي شى ولا ترميه الا بعد تفكير وسهر ليالي خخخخخخخ
مره اهلنا مرسليلين لنا اغراض شحن بكرتون كبير قمت انا الحرمه قطيت الكرتون بره والا جارتي الشقراويه تدق علي الباب تقول ممكن اخذ الكرتون ياخبله قلت خذيه ياحرمه ولما زرتها بالبيت لقيتها مجلده الكرتون ومغلفته بطريقه حلوه ماعرفت كرتوني وحاطه عليه ملصقات حيوانات ولامه فيه كل العاب اطفالها قمت تحسرت على هبالتي:44: لو شفتوا شكله ماتقولون كرتوني المقطوط

14 )الحرمه هناك دايم معها دفتر نوته فيه كل اشغالها وجدول مرتب حتى لو كانت ربه بيت وفيه تنسيق عشان كذا اغلب شغلها يخلص بوقته مو انا قبل انام اقول بكره بسوي كذا وكذا ولاصحيت ماسوي شي ولارجعت انام الليله اللي وراها اقعد اقول يوووووه انا خبله ضيعت يومي خخخخخ

15 )مو زي اعتقادنا الشائع انهم كلهم ازواجهم يساعدونهم بشغل البيت والطبخ والتنظيف وحاطينها حجتنا لا بعض الازواج الاجانب يرفض ويقول هذه شغله حريم في هذه الحاله الزوجه ماتخليه فاضي زي اللي عندنا شيخ القبيله يدخل ويطلع على فندق لا عليه مهام زي سقايه الزرع يكنس قدام باب البيت يروح لمدارس الاطفال يدرسهم اذا رجعوا تكون هي تطبخ بهالوقت يعني مافي باشا:S_45:


طبعا اكيد عندنا حريم بالسعوديه والخليج والعرب مثال يحتذى به واحسن من الاجانب وغيرهم لانهم زياده على كل هالصفات عندهم الحجاب والعفه والدين اكيد :icon18:

حرررررررررريم هذا الي اتذكره من المزايا مو العيوب واذا تذكرت شي قلته واي حرمه تحاول تخرب والا تغير مسار الموضوع او تسول لها نفسها القيام بمثل هذا العمل تبي تلقى جزاها <<<<<بيان من وزاره الداخليه خخخخخ:42:

ههههههههههههههههه يا زينك ويا زين سوالفك تكفين لا تسكتين
ماشاء الله تبارك الله
شفت اسمك جيت طيراااااااااااااااااااان
والله انك صادقة بكل كلمة قلتيها
ما دمر العالم الا حريم العرب عساهم الهداية

انتى رائعه يارندلى

اهلين رندول
والله في بعض نقول بعض الكلام معك حق
شوفي من ناحيه مايحتاجون شغالات يمكن صح بس ترا رجالهم شقرديه يطبخون وينظفون ويخمون البيت ويساعدونهم
مورجالنا ياكافي حاطين رجل على رجل وهاتي طلبات
ما يمديك تقدين الا مقومينك
وبالنسبه لبزرانهم موكلهم موادبين والله شفنا عندهم بزران صياح ونياح وشيل وحط مثل ذرنا بالظبط بس يختلف اللون واللغه
واكبر دليل سوبر ناني والبزران الي تشوفهم
بعدين الله يعافيك لو تكلمنا عن رحلاتنا قالو هذي شايفه نفسها ماتتكلم الا في رحت وسويت وسافرت
والله ليقعدون يحشون فيني سنه كامله فننطم ونقعد نحش احسن
والباقي ما ازعلك مع حق فيه
ومنوره مثل دايم

مشكورات ياحرررررريم بس اهم شي تستفيدون هههههههه
ياحبيلكم