مااعرف أطلق ولا اخلع أتخلى عن ولدي ولا انذل عند أهلي مشكلتي معقده

مااعرف كيف أبدا معاكم المشكله لانها متشعبه ومعقدة وصعب حلها ...اتزوجت من سنه على واحد مطلق عنده بنت وانا مطلقه وعندي ولد عمره 4 سنين ,شرطي كان انه ولدي يعيش معاي في البدايه كنت أقول هذا زي ابوه اذا ولدي ماسمع كلامي أشتكيه لزوجي فيخاصمه شوي شوي إلا لقيت الموضوع يزيد عن حده وبديت انا وهو نضارب قدام الولد لحد ماولدي كرهه وراح عند امي في المقابل أشوف معاملة زوجي معاي تجاه بنته غريبه في البدايه استحملت وقلت كلها زياره كم ساعه وتروح لحد مازاد عن حده وياما بكاني بسببها هنا صرت أتكلم وصار يقولي تغيري منها لان كان يحرمني ويقول ماعندي فلوس وهو يعطيها بالشهر 700 بزياده ومقصر في بيته وفي وانا ماارضى الظلم على نفسي, بالمقابل انا يعطيني 300 ويقول لو تموتي ماازودها ,في شعبان حملت منه وهو انجن لان لا انا ولا هو نبغى الحمل صار عنيد ولسانه طويل ويضرب وزاد بخل ونتزاعل بالاسابيع وماعنده كلام حلو وصارت أي مشكله يقول مااوديك غير يوم بالأسبوع تشوفي ولدك (عرف نقطه ضعفي) وانا كله إلا التهديد دا وهو كان يوديني 3 مرات عنده اجلس ساعتين وبيت أهلي قريب 5 دقائق وانا عندهم بس عناد في مايبغاني أروح .اي طلب اطلبه على طول يرفض ابغى مثلا أروح الفرح دا يقولي لا ابغى السوق لا يقهرني وماعنده أسباب بس يبغى يثبت رجولته لان أصلا اتربى تربيه قاسيه عند اهله ,في رمضان اتزاعلنا وانا خلاص ماصرت اطيقه جيت بيت أهلي بعد مضاربه معاه ولمن جا يأخذني قالتله امي قولها كلام حلو طبعا اي مضاربه هو يتصل على أهلي وأهله ويقولهم على اللي سار المهم قالتله امي اشتري لها الكريم اللي تبغاه صلح لمبات البيت ولا تهددها كل شويه وهي حامل قام دق علي وهددني وقالي أقولك كلام .....مو كلام حلو انا زعلت ومارحت معاه وآخر رمضان جوا امه وأبوه عندنا أشتكيت له  انه ضربني وعنيد قالي انتي تفتري على ولدي وإنتي كذابه ومو انتي اللي تحطي شروط على ولدي وكمان قلي هو مو غلطان رجال يقولك لا الخرجه يعني لا قلتله وانا مالي اعتبار ولا اقدر اطلبه وانا مابقصر معاه قالي دا واجبك وانا احاسبك لو قصرتي وأمه قالتلي يلا تعالي نوديك للبيت وحاولي أراضيه قلتلهم معليش اصبروا اخلص الوحم وكمان انتوا ما تبغوا تكلموا ولدكم يبطل عناد وضرب ويحس بالمسؤليه خرجوا وهو يقول لامي انا لو بنتي اضربها وارجعها بيت زوجها .المهم امي قالت خلاص انا أدق عليكم وجا العيد وأهلي راحوا ابها ورحت معاهم ولمن رجعنا امي مرضت أسبوعين فجلست عشان انتبه لولدي وبدايه الدراسه اتصلت عليهم قام رسل عمته عندنا اللي كانت الواسطة في الزواج وقالها رجعتي بشروط اول شئ مااروح لولدي غير يوم بالأسبوع والتاني أني مااكلمه على الفلوس الزياده لبنته ,انا هنا انجنيت عشان ولدي ورفضت ،بعد فتره رحنا نأخذ الملابس قال لأبويه ما تأخذ شئ ودف امي من الغرفه وقفل الباب وطرد امي وابويه ومع القهر قله ابويه ارسل ورقه طلاقها قاله طيب وبس هذا الكلام له 3 أسابيع  وماعاد صار شئ ..الشي اللي ابغى اضيفه أني بانذل في بيت أهلي ولا احد يحترمني وأختي اللي في الجامعه تمد يدها علي ولا احد يكلمها غير أنهم بيضربوا ولدي ويحطوا عقلهم بعقله كأنهم أطفال ,أهانه فظيعه من الكل ومني مرتاحه والله أني افكر ارجع لزوجي لمن أتذكر شرطه أتراجع ابغى شقه أعيش فيها اناوولدي من غير احد مايذلني ,قدمت على وظايف وما لقيت صرت اقرأ سوره البقره ادعي واستخير من فتره وأحس انه حياتي بتصعب هنا عند أهلي لدرجه الشارع عندي ارحم ...
ايش الحل الحقوني بيه قربت انجن واعصابي مشدوده غير الم الحمل وغير تعب التفكير لأني اتفقت لمن أولد هو يربي الولد طبعا غصب عني مو بهواي لأني انذليت وانا بأربي ولدي عندهم واتحملوه وبهدلوني بيه كيف اجل التاني وهم أصلا لا يحترموني ولا يساعدوني ان جبته وهو صغير ...