السلام عليكم ورحمة الله
معاكم اخت هنووو
اخواتي انا حزينه علشان ولدي ويومي كله مدري كيف :44:
بدخل بالموضوع على طول
اليوم اول ماراحوا عيالي المدرسه رحت لغرفة ولدي
اللي عمره14 وقلت اشوف الايفون اللي اشتراه
له ابوه هو مستعمل وقلت اشوف وش فيه
اول مافتحته ويطلع بوجهي
موقع جنسي وفيه صور متحركه اباحيه
طبعا لو اوصف لكم صدمتي لحظتها
صفحات المنتدى ماتكفيني
مت مت مت بمكاني
قعدت ادور على شي ثاني مالقيت غير اغاني وانا
مفهمتهم حرمتها ومانعتهم عنها يعني مستحيل
يسمعونها قدامي ... وانا افتش رديت للموقع
ومالقيت غير هالصفحه وضغطت اكس واختفت
ورحت المحفوظات ومسحتهم واخذت التليفون والكمبيوتر وشلتهم بغرفتي
لما رجع من المدرسه اسمعه يسال اخوانه وين
كمبيوتري قالوا يمكن عند امي ولما سالتني
قلت له عندي وتليفونك بعد عندي قال ليش؟
قلت انت تعرف ليش وخلني افضى ولي كلام معاك
طلع من غرفتي مستغرب ويسال اخوانه وشفيها امي ؟ وش صاير ؟
ناديته وقلت له اللي شفته وهاوشته طارت عيونه
واستغرب وقعد يحلف ويبكي انه مايدري
عن هالموقع ولا عمره دش النت من التليفون وانه
حده ماسنجر وقلت له يمكن من الماسنجر ويحلف
ويقسم وقال هاتي القران احلف لك اني هالموقع
ماشفته ولا ادري عنه ولما قال وريني ياه
للاسف كنت ماسحته من المحفوظات ومااعرف ارجع له اوريه البلوى اللي شفتها
وقعد عصب وقال انتي تتبلين علي ؟ يمكن لانه
مستعمل اللي قبلي دخل هالمواقع والا انا مادريت عنهم
ولاشفتهم
قلت له يااحمار انا امك شنو اتبلى عليك شنو
حاقده عليك انا والا شنو ؟
قال مادري شنو تفكيرك ؟ وانا ابي اموت احسن
وكله تتهموني مع ان ولا مره اتهمته بشي
ومابي شي خلاص اخذوا التليفون ... الخ
اسلووبه كان بالمره مو زين معاي وكان يبكي ومنحرق قلت روح لغرفتك
ابوه سمعنا وقال اشفيه وقلت له قال بروح اضربه وماخليته لان الطق عمره ماكان حل
ومادري يمكن مظلوم مااااادري ... بس في موقف صار خلاني افتش وراه
اني قبلها بالليل دخلت عليه فجاه وكان ماسك التليفون وحاط السماعات ولما شافني اخترع
يبين على وجهه انه كان يشوف شي او يسمع
شي ماادري بس باين انه تلخبط لما شافني
وسالته تبي اكل قال لا
وبعدها بخمس دقايق دخلت مره ثانيه لقيته شايل التليفون ويلعب بلاي ستيشن
وهالموقف خلاني اروح افتش وراه
والموقع يابنات نط بوجهي يعني تووني مافتحت شي
بس فتحت الجهاز لانه طافي وطلع فجاااه
اللي صار الحين عقب ماشفته يحلف ويبكي
ومنقهر كسر خاطري واخذت التليفون والكمبيوتر
ورحت له لغرفته قلت له تغديت قال ماب
وعيوووونه حمررررر من البكي وقلت هذي اغراضك
وانا من حرصي وخوفي عليك سويت كذا
وعيب تقول تتبلين علي ومادري وش تفكرين
انا امك ومن هالكلام وكان يكتب واجبه ويبكي
ومايرد علي وطلعت وخليته
الحين ياامهات انا مادري ظلمته والا فعلا كان يشوف شي
شلون اتصرف الحين مو عارفه
طبعا الابو لحاله قصه يعني هو يبي اللي يوجهه يعني مستحيييييل اطلب منه مساعده
مايعرف يربي لو مو انا ماسكتهم والا كان صاعوا
بسبب ابوهم اللي همه اكلتوا ونمتوا وماطلعتوا
خلاص هذي التربيه عنده لايسال عن صلاة ولا عن
اصدقا ولا عن دراسه الله يعيني لحالي شايله الحمل
وهو شاطر بالتخريب بس
تكفون ابي حل حكيم منكم لاتخلوني والله مهمومه وماابي ابين لعيالي وزوجي
واهم شي ابي كيف اتعامل معاه مع العلم انه من الموقف نايم للحين
اطنشه والا ارضيه والا وش اسووووووي ؟؟؟؟؟؟؟؟؟؟؟؟؟؟
هنووووو @hnooooo_1
عضوة جديدة
يلزم عليك تسجيل الدخول أولًا لكتابة تعليق.
om\retal
•
حتى لو هو كان حاط على هالموقع شي طبيعي انه ينكر لكن حسسيه بالامان ولا تخلي يقعد على الكمبيوتر في غرفته ولحاله خليه يجلس بالصاله معكم عشان مايفكر في هذي الاشياء ومدام ابوه مو من النوع اللي يهتم وماعنده الا الضرب شوفي اخوانك وخليه يمشي مع احد كبير هوه يحبه عشان يصير له قدوه واهم شي الدعاء ادعيله ان الله يصلحه ويصلح ابناء المسلمين
ولدك في سن حرجه وافضل طريقه هي التفاهم والاقناع اجلسي معاه وقوليله انا ماسويت كذه الا لاني خايفه عليك وخايفه ربي يعاقبني لاني مااحسنت تربيتك وقبل ماتحسب لي احساب ترى فيهمن يشوفك حتى لو انا ماشفتك وطيبي خاطره بكلمتين وقوليله انا اشوفك قدوه لاخوانك وابغاك قد المسوؤليه والله يهديه لك وسخره للخير
الصفحة الأخيرة
وان شاءالله ربي يعينك على تربيت عيالك
وروحى كلمى ولدك بالحكمه والسياسيه وبينى له حبك وخوفك عليه
وكلميه بالدين واثر الاشياء الفاسد على الشخص
وسبحان الله يمكن الكلام ياثر فيه
وادعى دايما ان ربي يصلح عيالك ويهديهم