مااعرف انا صح والا غلط

بسم الله الرحمن الرحيم
اتمنى تساعدوني او توجهوني اوتدعولي بالتوفيق

تقدم لخطبتي شخص وهو اخ لااحدى صديقاتي واخويه الكبير تعرف عليه وقال له احاول امهدلك الموضوع مع الوالد بعد اسبوع جاء اخويه وقال لابويه عن الشخص على طول قاله لا اعتذر منه قله اي شي قله مخطوبه اتفاجا اخويه بس على قوله ماله شغل مني بنته عشان يصر على رايه اخويه مارد من الرجال وعادي بعدين عرفت منه الموضوع قلت لازم اكلم ماما واقولها على الاقل اعرف سبب الرفض يعني ابغى افهم ليه لان مجتمعنا مثلا قبلي ومايحب تداخل العائلات ؟ انا في رايي انو الموضوع دا انتهى من زمان وماصار في قبايل وماادري ايش شكله انا كلمت ماما قالتلي في البدايه طيب انا جلست استخير واصلي وحاسه اني مرتاحه له كتير وانا فعلا ابغاه خصوصا اني اعرف قد ايش هو متعلق فيا بعد فتره جات ماما تقول ان ابوك يقول لايمكن انه يوافق قلتلها ليه صارت تجيب لي اعذار مره تقولي خلصي الجامعه اول انتي لسه صغيره وشويه ترجع تقولي من جدك تبغى واحد ماتعرفيه طيب لو درينا كان على الاقل وافقنا على ولد فلان وولد علان انتي تبغى تجيبي شي جديد قلتلها ليه على راسكم ريشه قالت ايوه اصلا الناس دولا شيعه وانا اعرف والله العظيم انه من الناس الملتزمين قلتلها حرام عليك لكنها مصره اهم شي تبعدني عنهم شويه قالت طيب ايشرابك في ولد عمك قلتلها انتى عارفه اني ماابغى من اقاربي خير شر انا اقولها الاكلام وهي تكلم بابا بصراحه استحي منه مااقدر ارفع عيني بعينه وهادي مشكلتي الناس كلمو ماما وقالتلهم الله يحيكم قام بابا قالها ليه ماراح استقبل احد المشكله انهم مو من نفس المدينه يعني جايين من سفر انا انصدمت من التصرف حق ابويه قمت اتصلت في البنت قلتلها ساوي اي شي بس حاولي تخلى اهلك يأجلو الموضوع المهم تاجل الموضوع وكتبت لبابا رساله وطلبت منه الرد لايكون مواجهه لاني مااقدر وقام رد علي رد مااقنعني بالمره وخاصمتني ماما تقول المفروض اني مااتكلم في دي المواضيع وانه عيب قلتلها لازم ادافع عن حقي واللي ساويته مو حرام ومو عيب طنشوني وانا ااجلت الموضوع انا عندي اخوات اكبر مني لكن ولا وحده ساكنه في نفس مدينتنا عشان كدا صعب اكلمهم اخيرا بعد شهر قدرت اكلم اكبر اخت لي وقالتلي انتي صح وهما مالهم حق المفروض على الاقل يسألو عنه وقالت حاولي تكلمي بابا واحنا كلنا راح نوقف معاك انا مااقدر اكلم بابا قالت حاولي بس لما فتحت الموضوع مع ماما تاني قالت افتكرناك نسيتي قلت ولا راح انسى الين تقنعوني بااشياء منطقيه على اساس ديني موقبيل انا صرت اكره القبايل واكره العادات دي الغبيه اللي ماانزل الله بها من سلطان صار عندي ضعف عام حتى الطبيبه اللي اتعالج عندها قالتلي تساقط شعرك نتيجه لضغوط نفسيه او انك تحرقي في نفسك بس ماراح تستجيبي للعلاج الا لما تهدائي .:(

ابغى رايكم هل انا صح اوغلط؟؟
كيف اقدر اتغلب على مشكله الخجل اللي عندي واقدر اواجه بابا؟؟
حاولو تلاقولي اي حل وانا في انتظاركم اعذروني علىى الاطاله بس اعتبركم زي اخواتي و

اختكم : ايومي:06: