مااقدر أعزم احد في بيتي والسبب

يا بنات انا مااقدر أعزم احد في بيتي عفشي قديم الزوليه وربي يشهد مهتريه غرفة عيالي لها ١٤ سنه ومتكسره وصغرت عليهم لأنهم كبرو وغرفة الحريم اشتريت من فلوس حافز طقم كنب قبل ٨ سنين وعلى أساس زوجي يكمل الطاولات والستاره وربي يشهد علي ٨ سنين يقول ماعندي فلوس اكملها


المصيبه الناس صارو يحسبوني ماابغاهم وانا ربي يعلم بحال بيتي وماابغى أدخل احد بيتي ويشوف عفشي ويحطوني ضعيفه ولا ابغى اشتكي لأحد
زوجي فلوسه على قده بس حتى لو جات معاه فلوس آخر همه الاثاث اصلا يعتبره شي تافه
اكثر شي يضايقني اختي وعمتي يجون من برى مدينتنا كل اجازه مااقدر اعزمهم وقلبي يعورني اني مااقدر اناديهم في بيتي وصعب جدا اقولهم السبب
عزمتهم قبل برى بس كل اقاربي يعزمون في بيوتهم
وانا ماعندي دخل اشتري واحط في البيت تعرفون الاثاث مكلف
ودي اعرف كل الرجال زي زوجي آخر همهم البيت والاثاث والا بس اللي عندي كل ما اقوله يقول ماعندي فلوس
ابغى حل تعبت والله اني احيانا ابكيييي عشان موضوع الاثاث