لقيته بمنتدى ثاني قلت لازم اضحك حبيباتي
مأساة أهلي بالحياة هي نومي الثقيل
يعني لدرجة لو تفجر قنابل عندي ما أحس
مرت علي مواقف محرجه كثيره و السبب ثقل نومي
يوم كنت بالثانوي>>> أيام الهستره>> والله لو يدرن طالباتي لأطيح من عينهن
المهم كنت أروح مع الباص أنا و أختي
الوالده الله يطول بعمرها كانت تتعذب مني لأن نومي ثقييييييييييييييييييل
قومتني بيوم وكنت ميته نوم>>> سهرانه أقرى روايه
بعد حرب طاحنه قمت من النوم طبعاً خوفاً من أخوي الكبير>> مسوي لنا رعب
قامت أختكم المصونه و لبست المريول و العباه و العيون مسكره يالله فاتحتها
وكنت ناويه أكمل نومه بالباص>>> ما عندي إشكاليه أنام بإي مكان المهم أنااااااااااااااااااااااام
جلست على درج الحوش و نايمه على كتف أختي
جاء الباص و ركبنا و أنا مسنده على أختي من النوم إلي فيني
ركبت بمكاني المعتاد
جلست جنب خويتي الهلاليه>>> معقدتني من كثر ما تهذره عن الهلال كرهت الكوره و السبه هي
ما وعيت إلا على شهقت هالمرجوجه وهي تهزني
قمت و أنا أفرك عيوني من تحت الغطاء
قلت لها بعصبيه لأنها نكدت نومتي: خير أيش تبين؟؟
قالت بصوت واطي: قومي يا مهبوله جايه المدرسه بزنوبات الحمام " نعول- جزمات"
هنا طار أبو النوم
و خنقتني العبرهدخلت المدرسه و نزلت العباه من راسي بس ما نزلتها خليتها على رجولي علشان ما أحد يشوف نعولي
و فتحت لهم مناحه من الفشيله
رحموا حالي و دقوا على أمي و جابت لي جزماتي
..............
نقلنا من المتوسط للثانوي
طبعاً المريول يتغير بالمتوسط عباره عن بلوزه وتنوره أما الثانوي ثوب
أول يوم دوام
دخلت المدرسه و النوم لاعب فيني
طبعاً ما قمت إلا بعد مذابح
تأخرت على الباص و راح و خلاني
أخذني أخوي للمدرسه و أنا أرجف من الخوف لأنه معصب>>> قلت لكم يخررررررررررررررررررع
كنت أصقع بالبنات من النوم
صرت أمشي مع هلاليه رايحين للطابور
البنات يضحكن ليش ما أدري جت وحده ما أعرفها و قالت: أختي سحاب مريولك مفتوح من ورى
الله لا يوريكم نص ظهري طالع
.................
جت لي بيوم أختي و كانت بتنزل السوق مع "حمولتها">> أهل زوجها
جابت لي ولدها الصغير و قالت أنتبهي له
قلت لها خليه عند الخدامه
قالت أيش؟؟؟؟؟أنا أخاف عليه من الخدم
عاد أنا خنقتني العبره
يا ناس أبي أنااااااااااام أرحموني
لازم أنام
بس حكم القوي على الضعيف
جلست أختي توصيني ساعه على ولدها إلي عمره سنتين و نص
راحت للسوق و أنا أغصب ولدها على النوم>> دفشه ما أعرف أتعامل مع الأطفال
مسكين صار يبكي ما يبغى ينام بس أنا ما رحمته لأني لوما نمت ممكن أسوي فيه جريمه
و بعد ساعه من المضارب نام
و أنا وصيت الشغاله تقومني إذا صاح>> أفلقوني إذا قمت
نمت و الحمد لله
ما صحيت على صلاة المغرب لقيت أختي مع خوات زوجها بالصاله
سلمت عليهم و مسيت أختي بالخير بس ما عطتني وجهه
أستغربت قلت خير أيش فيك
ردت بزعل: هذي وصاتي تسوين بولدي كذا؟؟؟
أنا أكبر علامة أستفهام على راسي
قلت: هذا ولدك بخير
و أشرت عليه
قالت: هذا من فضل ربي و لا أنتي بغيتي تذبحينه
صراحه عصبت خير هذي جزاتي أهتم بولدها>>> أموت بالثقه
قالت بقهر: أيه بلاك ما تحسين بشي لا نمتي.أنا جيت من السوق لقيتك نايمه فوق ولدي وهو يصيح من ثقلك
و إنتي ولا هنا بغى يموت و ساعه أحاول أحركك ما فيه فايده
قالت بفهاوه: كيف ما حسيت تمزحين!!!!!!!!!
قالت: مو مصدقه شوفي كتفك عضيته من القهر و تحركتي فسحبت ولدي من تحتك
ناظرت مكان ما تأشر و فعلاً أثر أسنان فيها
تو أتذكر البنات إلي معنا
لقيتهم ميتات ضحك علي و أنا من الفشله هربت لغرفتي
طبعاً أختي حرمت تخلي
عيالها عندي و زوجها كل ما شافني سألني ما فيه ضحايا جدد لنومي ؟؟
...............
في الثانويه كان على إختبار نهائي
كيمياء و كان الإختبار برمضان
يوه و الله مرت علي أيام الله لا يعيدها
صيام و جوع و حر و إمتحانات
عاد أختكم دافوره
لازم أواصل بالمذاكره و مستحيل أنام
أواصل إلى اليوم الثاني و أرجع البيت أنااااااام لا خلصت الإختبار
الباص ينزلني أخر شيء و أنا ما لي خلق فرفره بالشوارع
فأبشركم أبوي غصب أخوي يجيبني من المدرسه بالإختبارات
عاد نواف أبو النذاله يلطعني ساعه عند الباب ما يحب يوديني أو يأمر عليه أحد
و يرفع الضغط ببروده
و اليوم نفس الحكايه
فتحوا باب المدرسه و طلعن الطالبات
جلست أنا و نوره صديقتي عند الباب نستنى أخوانا
و أنا فيني النوم
نوره تسولف متحمسه ما تدري إني نمت
صحيت على نوره تقول: قومي فيه سياره جايه شكلهم أهلك
فتحت عيوني و شفت سيارة نواف واقفه
قمت معصبه و ودعت نوره
ركبت السياره
و من القهر حذفت الكتاب على نواف و أنا أقول: يا زفت
ليش متأخر خاف ربك أبي أنام بس هين يا نوافوه والله لأعلم أبوي يأخذ منك السيارهما تحرك من مكانه جلست أصارخ: حرك يا ثور
كانت الصدمه لما سمعته يقول: أختي الله يستر عليك أنزلي هذي مو سيارتكم
شهقت بخوف و لفيت عليه يا ويلي من أهلي عز الله مذبوحه هذا مو نواف
تجمدت وهو كان منزل راسه تحت>>> محترم
لما شافني فهيت قال: أختي لو سمحتي إنزلي
نزلت و أنا أركض تخبيت وراء نوره و أنا ميته من البكي و الخوف
جاء الزفت نواف بعد ربع ساعه و ما نطقت بحرف طول اليوم
............
تووووووووووووووووبه أروح مع الباص أستر
وياما مرت علي مواقف و السبب ثقل نومي
أهلي فقدوا الأمل فيني و يخلوني على راحتي لنمت لأنهم عارفين مستحيل أتحرك
أتمنى أكون خفيفه عليكم و رسمت لو إبتسامه على وجيهكم
وموتنسون (شكرا )هههههه
