ماالعمل مع الملحقيه

اهلا اختي والله مدري وش اقولك بس الحل انه ترفع اوراقه مرة ثانية وتكتب بالخطاب الموجه للملحق وضعها والمصاعب اللي واجهتها عشان الالحاق والجهد اللي بذلته عشان تحصل قبول وانه الحين فيزتها اف ون ولازم تدرس وانه سوت الشي اللي قالوا لها الملحقية ولم يذكروا اي شي عن المدة
لان مالها الاكذا واذا مشرفتها متعاونة ان شا الله بتقدر تساعدها 

مشكورةاختي وماقصرتي.........البنت سألت في الملحقيه عند احد الاشخاص وقالها الحين النظامتغيير ومافيه شئ اسمه مده المبتعث الاساسي...وهي رفعت خطاب وعلى قولهم هما مزحزمين بالنقل ولاعطوها جوواب وهيا موجودة داخل امريكا والدراسه قربت....بصراحة اكتشفت انا ان الملحقيه ماعندها ضمير وخاليه من المسؤليه يعني بعد هذا كله وتغيير الفيزاوالتعب اللي واجهته والله تكسر خاطري سافرت مع 3 اطفال اقل من 4 ستوات لوحدها اكثر من 24 ساعه من مكان الى مكان بس عشان تغير الفيزاوبعدها بسهوله يقولون لها لا وهما اللي طالبن منها تغيير الفيزا..والحين ويقولون رجعي فيزتك الى F-2 عادي بدون ذمهولاضمبر.بس الظالم له يوم

ماكانت حتفرق هالشهرين ..هم نظامهم اساسا ما يلحقون المرافق اذا اللي بقى ببعثة المبتعث الاصلي ما يغطي على الاقل 50% من دراسة المرافق
يعني بكل الحالات الحاقها صعب

اللي يبغى الالحاق المفروض يشتغل على الموضوع من البداية .. مو اذا بقى للمبتعث سمستر ولا اثنين

انا اقول لك قوانين الملحقية اللي ماشيين عليها فقط لا اكثر.

عموما خليها تجرب شخص من اقاربها يروح الوزارة في الرياض مع خطاب هي تكتبه توضح فيه اللي صار بالموضوع من الى.. وتجرب تقدم مرة ثانية

واذا مرررررة ما نفع تستفسر اذا ممكن تدرس سمستر مثلا على حسابها الخاص بعدين تلتحق كطالبة على حسابها

او خلي زوجها يسوي ترقية لبعثته .. ممكن اذا بدأ مرحلة جديدة يصير الموضوع اسهل

والله يعين

حبيبتي عن تجربه شخصيه انا الان ارفقت بالبعثه وماباقي لزوجي الا ترم واحد فقط والله شهيد على كلامي ووافقو علي وهذا انا اكمل الجامعه هم اهم شي عندهم ان مدة دراستك ماتكون طويله يعني بعد زوجك مجرد ترم او سنه على الاكثر هذا كلام المشرف لي بس انتي لما يقرب زوجك يخلص يسوون لك شي اسمه فصل بعثه وخلاص تكملين محد يقددر يمنعك
اخت لا للخلطات الالحاق بالبعثه مو على مزاجنا في شروط لازم نخلصها ومنها انهاء اللغه واحيانا مثل حالتي المبتعث الاساسي درس اللغه بس شهرين ودخل جامعه فشرطهم الاساسي للمرافق انهاء اللغه مع قبول غير مشروط من الجامعه يعني مو سهله المسأله

حبيبتي انت حياتي..مشكورة اختي وماقصرتي على ردك...ومثل ماقلتي الموضوع ابدا مش سهل وصاحبتي صار لها اكثر من 8 اشهر على هالموضوع ومش توها باديه فيه وهي ماجستير وراح تتخرج بعد مايتخرج زوجها بنصف سنه تقريبا اذا سمحوا لها بالدراسه الحين...والله هي مصدومه لانهم شرطوا عليها تغيير الفيزا وقالوا لها راح نصدر لك الضمان المالي مباشرة بس الفيزا طولت والكل يدري ان تغيير الفيزا ماحد يقدر يتحكم فيه كله بايد السفارة الامريكيه ...الله يطمنك دنيا واخرة