ماالهدف من ذهابك للسوق ..؟؟ موضوع طرح للنقاش ..؟؟

والله يا ام ابراهيم كنت اموت بنزلة السوق وما اخلي شيء نفسي فيه وطبعا البسه ما احطه على جنب
بس بالفترة الأخيرة ومع هالأنفتاح الماصخ اللي طب على بناتنا وهالسفور اللي ما قد حصل صرت اكرهه وما انزل الا كني اسرق بسرعة بسرعة ومشي حالك يا بنت لأني اتأثر من هالمناظر
قبل امس كنت نازل وزوجي ايكيا لحاجات معينة وحاسب زوجي وجلست استناه لحد ما يطلع بنتي من الألعاب والقى ذيك ((((((((((((((الأم)))))))))) اللي حسافة عليها كلنة ام كاشفة وعياية كتف فراشة مع بنتها المراهقة وزيها طبعا باللبس والشكل والله انها تتضحك وتسولف بكل قلة حياء مع الكاشيرية وكلهم شباب سعوديين والضحك ما يحتااااج حده
فصرت اكره هالسوق من هالمواقف اللي ما اقدر فيها اغير المنكرات اللي تصير

أنا عن نفسي أموت بنزلة السوق وأشتري بكثره وكل اللي نفسي فيه أشتريه وما أتردد أبد
وخاصه في هذي الأيام أنزل بكثره للاني أجهز لزواجي

ادعوا لي ياأخوات إن الله يوفقني في زواجي وأكون قرة عين له ويكون قرة عين لي

ياربييي...جيتي على الداء اللي مستفحل فيني ..

أنا من يوم التزمت والحمد لله تغيرت فيني اشياء كثيييرة ..الا شئ واحد عجزت اكرهه ..

الا وهو ...السوق وحب التسوق ..حتى لو مااشتري شي ..بس كذا صار عندي روتين اسبوعي ..ان ماطلعت امي وخواتي الثنتين معي وجرجرت بزراني معي ورحنا للمجمع ..

تطلع براسي ستين الف نخلة ..المشكلة امي تقول لي ..خلي هااالنخل يطلع براسك ابرك لنا من الروحة للسوق ..دبلتي كبدنا (( ادري قلة بيفهمون الكلمة ..خخخ)) ..

بس مافيه فايدة ..مشكلتي اني اطفش من القعدة بالبيت طول الاسبوع ..ومااصدق يجي الاربعاء واروح عند اهلي عشان نتمشى ..بس مشكلتنا ان مافيه اماكن سنعة للتمشية غير المجمعات ..
يعني نتفرج على هالبضايع شوي ..لو لقينا شي سنع خذيناه ..نلعب البزران ونتعشى ((بس حاليا مع الريجيم مافيه عشى ))..ثم نرجع للبيت ..

تصدقون ان بيوم عرفة وانا حاجة دعيت ربي من كل قلبي اني اكره الاسواق وانا سالمة ..

قولوا لي وش هو الحل ..؟؟..خاصة اذا ماعندي لا اخوان ولا اخوات متزوجين ..مغير وجهي بوجه امي وخواتي اللي اصغر مني ..ومافيه سوالف ابدا..ابدا..

<<<<<<<<<<<<تموت على الاسواق

احب اروح السووووووووق كثير


خاصة هالفتره

زوجي شوي ويذبحني
والله مل وله الحق

بس بصراحه مضطره برجع ولازم اجيب هدايا للكل
<<<تبرر الموقف

بس اول ايه اروح السوق واحبه
لكن ماروح الا وقت الحاجه
بس عاد
طلعيني اذا دخلت :D

والسبب اني احب التجديد

بحاوب على اسئلتك
انا مدمنه وجدا بس احيانا ادمان من بعيد لبعيد
اذ كنت محتاجه كل يوم -مبالغه ترى- :icon28:
اشتري اللي يعجبني بس متأكده اني بستخدمه
ممكن ااجلها لكن تكبر في راسي وافكر بها داااااااايم
يجذبني الملابس الجديده والعطورات
اصرف على حسب
هاليومين مسويه خلل في الميزانيه


موضوعك حلو يوسع الصدر :39: :30:

تصدقون عاد
نهاية الاسبوع بروح السوق وبس افكر في الروحه وش اجيب وش اشتري
يوميا
وازعج زوجي بالكلام عن اللي محتاجته ومرتبه له
بس مدري عادي الموضوع
والا انا رايحه فيها :D

وهل انتي مدمنة سووق
لا لان محد يطاوعني كان تلقيني يوميا

وكم مره تروحين للسوق
تقريبا مرتين الى ثلاث بالشهر

وهل انتي تشترين الي تبين والا بس تبين تشترين وبس
طبعا اشتري اللي ابيه


وهل فعلا انتي محتاجه لاغراض اللي تشترينه
اكيد

وهل ممكن انك تاجلين الاغراض هذي ليوم ثاني
نعم على حسب الظروف

وايش اكثر شي يجذبك في السوق
والله مافي شي يجذب مع هالغثى اللي يقهرون بس تكوني مضطره تزلي السوق

وكم المبلغ اللي تصرفينه في الشهر في السوق .
على حسب الاغراض

شاكره لك على الموضوع. الحلو

دمتي في رعاية الله