qolden eye
ياليت تحطي الرابط برسله لبنات متأخرات 

اللهم ارزقنا بالحمل السليم المعافى

انا بشارك في موضوعك بقصص بنات اعرفهم يعني انا الحمدلله أم
الله يرزق كل متأخره
وحده من صديقاتي عندها ولد وبعده ماعاد حملت عندها تكيسات بس هي نحيفه مررره والأطباء علاجهم انها تخفف!!
لها سنين تعالج وتعبت من الابر والحين اخذت ادويه شعبيه الله يرزقها وعادي تروح لمحل الاطفال بس ابتعدت عن التجمعات العائليه والمناسبات من كثر الحريم مايدقونها 
طيب ماحملت وش دخلكم والله عندنا عقليات مدري كيف
حتى كل ليلة عيد تبكي وكل مناسبه كبيره مثل زواج ولشخص قريب منها يعني ضروري تحضره تجلس تبكي لأنها بتتعرض لكلام وتساؤلات
لاحظتها تقربت من الله اكثر وتوظفت عشان تشغل نفسها
وترى الحمل على النفسيه يقولون اللي تبطل تفكير فيه تحمل
ووحده ثانيه عمتي متأخرة عشرة سنين وهي ماخذه ولد عمها متقطع يبي طفل يحلم فيه بس مايبي طول هالسنين يزعلها وهي رافضه انه يتزوج وماخلا مكان الا وداها وسافر فيها تعالج
بس ماالله كتب لها ومستحيل احد يتجرأ يكلمها او يجرحها يعني مجتمعي شوي يحس على دمه وهي عادي تزور وتحب الاطفال
ويوم دخلوا في السنه 11 تزوج عليها زوجها وعطاها رضاوة وطلبت انه مايسوي حفلة زواج وان الحرمه الثانيه ماتحضر اي مناسبه لأهل زوجها او للجماعه لأن الحرمه الثانيه من برا القبيله 
ووافق على شروطها ماشفنا حرمته الثانيه ابد وحملت الثانيه وجالها بنت بس الله يهديها عمتي ماعجبها الوضع اظن انها تعاند الثانيه كل مانسير على بيت عم ابوي نلقى البنيه الصغيره وهي توها بالمهد عمتي تقول لزوجها جب بنتك وامها لاتجي
ونسمع ان تصير مشاكل لأن الثانيه موراضيه ياخذ بنتها لحريم ماتعرفهم وزادت مشاكلهم وطلق الثنتين وترى عمتي شافت زوجته الثانيه بعد ماخصلت الاربعين لأنها وافقت ان الثانيه تدخل بيت اهل زوجها بس جتهم مره وحده وبعده غيرت رايها قالت لاعاد تجيبها
اختي ماخذه اخو زوج عمتي تقول الثانيه صغيره وجميلة جدا وخجوله مررره وتقول كلنا راعينا مشاعر عمتي ماطرنا بالثانيه كلنا كأننا زعلانات حتى ام زوجهم وتقول حتى ماسوينا لها قهوة وشاهي جبنا حقت العصر والحرمه جايتهم بعد المغرب وتقول ماقلنا لها حتى حياك على العشى
والحين نشوف بنته من طليقته تجي بالمناسبات تجنن مره ولافيها شبه من عائلتنا اكيد على امها 

والثالثه وحده من جماعتنا المشكله من زوجها لها عشر سنين وصارت ماتحضر المناسبات واذا حضرت مناسبه اشوفها تصدد عن الاطفال طيب ليه ماعليك من الناس يمكن هي خايفه ان الناس بيخافون من عيونها والله عجيب هالفكر ترى هذي ارزاق وكلن ياخذ نصيبه ووالله ماشفت مثل طيبة ذيك الانسانه الله يرزقها بالذرية الصالحه

انتي لحد الان ماحملتي السبب منك او من زوجك؟؟


مني


تحسي حياتك تعيسه؟؟ لانك ماانجبتي؟؟


لا الحمد لله بس الا مايجي وقت احن و بقوة وتنعفس النفسيه


اذا فكرتي بتأخر الحمل تندمي ع زواجك؟؟


لا ابداً


كم صار لك سنه متاخره؟؟


٧ سنوات


هل اغلب كلامك اليومي عن هذا الانجاب او اي شي 


يتعلق بالانجاب؟؟؟


لا بس حالياً افكر بعلاج وقاعده اتناقش مع زوجي فيه بس عايشه حياتي


اذا رحتي السوق تروحي ع قسم المواليد ولا تطنشي؟؟


لا ما اروح


تستثقلي زيارة الناس لك اذا عندهم صغار مش عشان 


صغارهم ولكن عشان نظرة امهاتهم؟؟


لا ابدددا

المهم انا ولله الحمد راضيه بقسمة ربي وعارفه انه خير
اسأل الله ان يفرح قلبي وكل محرومه بالذريه الصالحه

تجربتي تاخرت خمس سنوات ونص بدون سبب سيحان الله بعدها رحت عمره ودعيت من كل قلبي ان الله يرزقني الذريه الصالحه ويرزقني ولد بعد سنين يكون امام الحرم سبحان الله وكثير دعولي بالحرم يسألوني عندك أطفال لا الله يرزقك وكانت جنبي وحده كبيره دعتلي وكأني بنتها سبحان الله رجعت من العمره استمريت ع الاستغفار يوميا الف وفوق ....الصدقه بشكل يومي لو درهم الدعاء يوميآ بالسجود اللهم يارحيم ازرع في رحمي جنين ولاتكتبني عندك عقيم الحمدلله بعد اقل من شهر طلعت حامل وبعد ست سنين زواج صار عندي ولد الله لايحرمني منه ويرزق كل محرومه مكنت أتضايق أبد رغم بعض المرات كنت اسمع كلام مزعج من الناس بس كان عندي يقين ان الله يختار للعبد ماهو خير والله ما كذب عليكم كانت حتا من تجيني الدوره كنت أقول لعله خير وبشر الصابرين لدرجه الدكتوره كانت تكول لام زوجي احسك مهتمه اكثر من اروح أحلل ميطلع حمل تنقهر اكثر مني كنت اتمنى بس مكنت ماخذه الموضوع بتشائم او ضيق لا اكول تأخير للآجر لاختبار الصبر لدرجه وحده استفزتني بعد ماكلتلها يعني شنو تريدين اعترض ع ربي ان مارزقني وين الصبر وين الإيمان بان الله قسم الأرزاق والله دمعت عينها كالت ماشاء الله دائما نسمعك كلام منشوفك تتاثرين لان عندي يقين بالله وكتبت هذا كله لأجل يصير عدكم أملي المتأخرات أنا عند حسن ظن عبدي بي الحمدلله الله رزقني يابنات الصبر والثقه بالله والاستغفار والصدقه وعدم التفكير بالموضوع 24 ساعه صدقي ان الله احن من الام بولدها