ماا احس ان ولدي متعلق فيني ..اهئ اهئ شوفوا الموقف واحكموا !!!

هلا بالكل

انا عندي ولد الله يحفظه عمره ثمان شهور
وهو ماشالله الله عليه يروح للكل عادي ما يصيح اذا احد غريب اخذه وهذا عندي عادي يعني لما اروح لناس اول مرة يشوفهم عادي يطالع فيهم ويتبسم وياخذونه وعادي يلعب معهم
المشكلة مو هنا
المشكلة اني لو اخليه عند احد مثلا بطلع ساعة او ساعتين اجي ارجع له مشتاقة واحضنه وهو عااااااااااااااادي ماكاني غبت عنه يعني استقباله بارد
الموقف اللي صار اني خليته عند حماتي( اخت زوجي) امس وطلعت وتاخرت اربع ساعات وكل شوي اتصل اتطمن وتقول لي عادي جالس مستانس و على نهاية الوقت اتصلت وقالت ابتدا يطفش شكله يمكن يبيك فلما رجعت توقعت انه يكون متلهف علي حتى هي تقول لما تجين ابي اشوف اللقطة كيف يستقبلك
جيت البيت وكانت حاملته وكان داير وجهه على ورا ما يشوفني فقلت انا : حبيبي ماما تعال يا قلبي
هو سمع الصوت ودار وجهه وشافني
ولا كانه شافني عااااااااااااااااااااااادي جدا
اخذته وابوس فيه وهو ولا ابتسامة حتى
انا تضايقت من ردة فعله حتى حماتي تقول لي : الظاهر عنده عادي رحتي والا جيتي ما فرقت معاه :(
عاد انا تضايقت مرة وصرت افكر هل هو يعرفني اصلا ؟؟؟ ويعرف اني امه والا ما يميز والا وش السالفة وهل هذا طبيعي ؟؟؟
مع العلم اني نادرا اذا تركته عند احد فترة طويلة يعني مرة بالشهر ولا هي كل شهر بعد واربع وعشرين ساعة وجهه في وجهي :(

وش رايكم في اللي صار ؟؟