ماباقي الا يصرحون ويقولوا ماتعرفي تربي

السلام عليكم ورحمة الله
أيش رأيكم بلي يتدخل في تربية أطفالك ويحسسك ويلمح انو انتي ماتعرفي تربي مع انو أطفالك جداً عاديين وانا حريصه أنو مايأذوا أحد وأحياننناً ماروح زيارات عشانهم ماابغى أحد يصرخ عليهم ولا أبغى أكون ضيفه ثقيله طبعاً انا بتكلم عن أخوات زوجي صراحه قمة في الوقاحه وقلة الأدب مره واقفين لاولادي بكل كلمه تحسينهم مو عمات أبد وأولادي صغار ووراء بعض يعني مايستحقون المعامله هذه ابد أعوذ بالله ياصغر عقلهم المشكله كل ماأروح المدينه اللي فيها أهل زوجي وأهلي اقعد عند اهلي بالشهورماسووا كذا وهذولا كم يوم يبغوني أسلمهم أولادي يربونهم على كيفهم انا لو شيء يستحق عادي بس بأسلوب زي معاملة أخواتي لاولادي لكن هم لااا الأيبغون يحسسونك انهم افهم وادا كلمتي الوحده تقولك عمته هه طبعاً بنبره حاده انو مستعده اتمشكل معاكي كم مره احتاج انو يمسكوا اولادي يقولوا مالنا دخل يوم تبغى الوحده تسوي نفسها شخصية تسلط على أولادي تعرف أنها عمتو هذا غير انهم يدورون الزله عشان يتمشكلوا معاي انا محترمه نفسي معاهم ومازلت لكن كان بيننا ميانه وصارت مشكلة قلبت الميانه رسميات من جهتي لأنهم أذوني
برأيكم أيش التصرف الصحيح مع ذي الأشكال وكيف اتصرف إذا قاموا على أولادي وسووا فيها؟