قبل كل شي اشكر الله سبحانه وتعالى ثم اشكر اختي العزيزة (وتونة) الله يوفقها ويسعدها ويجعل لها بكل حرف كتبته حسنات مضاعفة..والله اني اكبرت فيك حرصك على اخواتك ومحبتك الخير لهم ومثلك في هالزمن قليل الله يبارك في كل ما رزقك....ويسخر لك زوجك وابناءك ويوفقك دناي وآخرة....:26::26:

فعلا يا بنات وش رايكم باللي يصالح بالجنس يعني إذا نام معاك او لمح لهالشي معناه خلاص تصالحنا ولا تتكلمين في المشكله كيف ممكن اخليه يبطل هالعاده ويدري ان الجنس بعد الزعل بدون ما نحكي في المشكله ما له داعي

بعدين يا ام الخمايل ابقولك على طبع خايس في زوجي وهو الزعل لأيام متواصله صراحه انا جربت التطنيش بس ما نفع معاه تخيلي انه من ثاني العيد ماد بوزه على سالفه سخيفه والى اليوم زعلان ولو ان شكله وده يفكها شوي وانا اعتذرت من البدايه بس ما رضي كيف اتصرف معاه في المرات الجايه

اشكر اختى العزيزه ام الخمائل موضوعك جدا رائع لماذا ؟لانك الاروع
والله اقول لكل اخت هنا في المنتدى الله يوفقكم يارب ويعينكم على الطاعه وحسن العباده
التوفيق اولا من الله ثم انتى قولي لنفسك انتى قويه شخصيتك قويه
ثانيا التزمى الصمت
ثالثا الابتعاد حتى تهدا الامور
رابعا لاتلجئين الى البكاء والشكوى لغير الله
خامسا اكثري الاستغفار
سادسا اكثري الدعاء ان يسخر زوجك ولا تدعين عليه ابد لان زوجك وابو عيالك حتى لو انك زعلانه
حاولى جاهده ان يرضيك بكلمه حلوه باعتذار هديه اي شى حتى لو طالت المده امسكي نفسك
سابعا فترة الزعل البسى تعدلى لنفسك مو له العبي مع اطفالك حتى يحس ان لك قيمه موهو اللى يقدر يكدر خاطرك وانك قويه تقدرين تعيشين رغم الالم والمراره وانك دايمة العطاء والحنان والحب مو تجلسين مبوزه كاره عمرك تعصبين على عيالك والشغاله وهلم جراوالشعر منفوش والحاله رايح فيها لكن هو ماتضحكين ولا تكلمينه ولكن اذا طلب نفذى من غير الابتسامه وخليك رقيقه واذا انتى مو رقيقه تصنعي حتى يندم على فعلته طبعا هذا علاج الهوشه اللى بالكلام فقط اما الضرب حاله ثانيه الله يبعدا عنا وعنكم يارب:):)

وتونة مشكورة حبيبتي بحاول جاهدة اني اطبق طريقتك
والله مدري وش اقولك اللي كان يصير معك نسخه طبق الاصل من حياتي الان
زوجك نفس شخصية واسلوب زوجي بالظبط ماكنت اعتقد ان مثله احد
اهم نقطة انك صدقتي في ان الوحده لازم ماتخليله شي يمسكه عليها
والله اعطيتيني امل بانه يتغير
كنت مآيسة بالمرة
الله يجزاك الخير ويجعله في ميزان حسناتك
الله يسخره لك ويزيدك من السعادة والحب

:)

في نقطه احب اضيفها واعتقد انها وايد مهمه

لا تسمحين لزوجج انه يهين او يجرح اهلج حتى لو بالكلام بينج وبينه
لأن كرامة اهلج من كرامتج ومهما كان لازم يعرف انج ما ترضين احد يمسهم بكلمه حتى لو غلطوا عليج يبقون اهلج وسندج

حسسيه ان لج اهل تقدرين تلجئين لهم وقت الشده وانهم يحبونج ويخافون عليج
لأن الزوج اذا حس ان اهل زوجته علاقتهم قويه معاها وما يرضون احد يمسها بكلمه حتى لو كان زوجها ساعتها راح يحسب لها الف حساب ويثمن كلامه :)