مشاء الله ما قصرتو في الردود....

وبينتو ان اهم شي على الوحده الكرامه وهذا الشي واضح من كلامكم ......

بس فيه نقطه ما عالجتوها اذا الرجال بايعها مع زوجته ومبين لها انها ولا شي في حسابته

انا ما انكر ان كل الرجال ما فيهم ولا حسنه لكن البعض صفاته السئه تغطي على الجوانب الحسنه فيه,......

طيب اذا كان كذا وش الحل في نظركم ...... الطلااق::::::::::::

لا تقولن جربو معه كل الطرق ليجاد الحل

والله يا اخوات اني اتكلم والي اقصده وحده اعرفها هي كبيره يعني فوق 40من عمرها
ما تجيب عيال والسبب منه مهو منها...

هي تقول مهو زين وفوق هذا راعي سفرياات خارج المملكه

وهي في بلد لا فيه اهلها وا اهله

طيب زي حالته وش يصبرها معه ووين تروح

وهي لاشهاده ولا سند لا ابؤ ولا ام تقول وين اروح عند حريم خواني تقول اصبر على ناره ولا جنة اخواني وحريمهم.......

يمكن غلطتهاا انها من البدايه صبرت عليه وعودته

والله اني الأحظ ان اغلب الرجال اذا شافو الحرمه تلصق فيه وتدور رضاه دايم انه يستهين فيها

<<<<< ان اسميه تلصق اذا كان يهينها و هي تزين اخلاقها له وتدور رضاه

برغم اني اخاف من الله على الكلمه هذي والله من الي اشوفه من الرجال مع حريمهم اذا

زعلها وجات بكل وجه طلق رازه خشتها عنده و تضحك وتسؤلف يعني كنه تقول ما همني انك زعلتني

انا ما قول اعصيه ولا تكوننين غير رضيه بس بحدود ما يتجاوزها يعني اذا غلط ازعل

واذا طق اوقفه عند حده بعدة طرق المره الأولى ما كلمه واذا عاده اخليه يتفاهم مع اهلي

وابين له بعد انه ما همني وني اقدر اعيش حياتي بدونه

فيه بعض الرجال حاطها قاعده في راسه ان الوحده ما تقدر تعيش بدون رجال وخاصه اذا معها

عيال

المهم هذا الدنيا ما تجي على كيف الواحد

والوحده لازم تصبر وتحط ببالها ان مافي رجال كامل والسعاده الحقيقيه في الجنه

عسى الله لايحرمنا منها

والله يام الخمائل اني مارد الا بالشديد القوي او اذا قال ساكته تدري انها مخطيئه ولا عندها رد انقهر وارد عليه اقوله لا عندي رد بس ابيك تخلص وبالي قدامه يضربني ويكب المويه البارده علي ولو تشوفين ظهري من دفه لي على الباب وانا كنت مستحيه اطلع قدام عيالي والشغاله وانا كل ملابسي مويه وشكلي بابن اني مضروبه كنت ابي انتظر شوي وبعدين اطلع وطلعني حسبي الله عليه وعيالي يناظرون وانا بقمة الفشيله

جزاك الله كل خير ياأم الخمايل
بستشيرك في حاجة
الحمدلله مزوجة من عشر سنين وبيني وبين زوجي احترام كبير
بس من فترة تقريبا ثلاث شهور حسيت زوجي اتغير
يعني مرة حصل بيننا خلاف وقام قلي انقلعي وهذي كانت اول مرة من زواجنا يقولي كلمة زي كذا
طبعا زعلت بعدها بثلاث ايام اعتذر واتأسف وانه مايكررها وانه زعل من كلامي لما قلتله انا مالي شغل بيك وبخلافاتك(زوجي لما يزعل من ناس يمنعني اني اروح ليهم)
الين ثاني العيد صارت مشكلة معاه عشاني اتضايقت من سؤاله عن وحده وانا نزلت موضوعي هنا استشير البنات المهم قالي انقلعي ثاني مرة
وبعدها قلي روحي لأهلك انا ماأحتاجك
مع ان الموقف كله ماكان مستدعي هالزعل وكان نقاشي معاه بهدوء
طبعا مااعتذر وشاف اني غلطت اني شكيت فيه وزوجي لازعل يطنش يعني ولاكأني موجوده
ماقدرت اتحمل روحت ابغا اتكلم بعدها بيومين معاه مارضي سكت وبعدها بأربع ايام انا اللي برضه رحت اتكلم معاه طبعا اتكلم معاه اتناقش مو اعتذر
فمادري تصرفي صح اني انا اللي بدأت بالكلام
اخاف انه خلاص اتعود وخاصة اني انا اللي مرتين رحت اتكلم معاه
وانا مااقدر اطنش كثير صراحة احس مالي داعي لااتكلم معاه ولااعرف عنه شي ويدش ويطلع ولاكأني موجودة وهذا يجنني بزيادة
المهم قوليلي لو صار لاسمح الله وقال كلام كبير زي كذا ايش تكون رده فعلي
وكمان حاجة ثانية زوجي وقت الزعل ممكن انه يجيني بس مايعتبر انه اعتذار واعطيه حقه بتطنيش وبعده نرجع لزعلنا هل هالشي صحيح ولا لو بغى اتهرب منه في هالشي

بنات انا بقولكم على موقف صارلي قبل سنة تقريبا
تهاوشت انا وزوجي على موضوع وجيت بروح لغرفتي ( لاني ساكنه عند حمولة ......ادعولي يابنات اني اطلع لبيت مستقل عاجلا غير اجل ) المهم ويهاوشني ويصرخ علي قدام اهله
وهذيك الفتره مادري وش فيه عصبي وطول الوقت يهاوش وحسيت انها خلاص وصلت معي فرحت دقيت على اهلي وقلت تعالوا خذوني ورحت لبيت اهلي
تركني شهر واهله هم الي رجعوني
وهو معتبر اني انا الغلطانه طيب انت مالك حق تصرخ على قدام احد يقول عادي هذي الشي
اقوله اذا في شي بيني وبينك مو قدام اهلك
وامه بعد تقول عادي يصرخ عليك قدامنا احنا مو غريبين ولا اعداء
واساسا هو ابوه يصرخ على امه قدامنا عادي عندهم ويوم كانوا اصغر كان يضربها مع انه يحبها بس هو عصبي .......يعني العائله كلهم كذا يشوفونه شي عادي واكيد ولدهم بيطلع زيهم
بس للامانه عشان ربي يحاسبني على الكلام الي اكتبه هم طيبين معي ولا عمرهم وقفوا ضدي غير هذا الموقف

داخلة ادعي لك خموله ان ربي يسعدك ويوفقك والله العظيم ما انسى وقفتك معايا في عز أزمتي وكيف تغيرت حياتي كلها على ايدك الله يوفقك دنيا وآخرة ويخلي لك اولادك ويعوضك في بنتك ويسخر لك زوجك .