وتونه :

في موضوع الضرب والله كانت هذي بالنسبه لي مشكله اكبر من الكبيره كان اسم الضرب يرعبني ويخليني انتفض مثل الكتكوت الي كله مويه تدرون ليش لان زوجي الله يهديه ان شاء الله كان من اول اسبوع زواج يهددني بالضرب << تخيلتو الموقف بس شوفو وشلون الطريقه بعد ما نتصالح من الهوشه كان يقول: والله انك رفعتي ضغطي مره الحمد لله اني صديت عنك ولا كان يمكن جاك كف يمشي 2000او بعد اعظم من كذا الله يصلحك لا ترفعين ضغطي مره ثانيه اذا قلت شي قولي تم وبس انتي دايم تحبين تنكدين علينا وتخربين جونا او تراني حطيت حرتي بالمخده ضربت فيها الين ما قلت بس وبعدها نفس الديباجه الي فوق شفتو كيف الضغط النفسي كان ونفس ذا الموال بالنص والحرف تقريبا يتكرر على اي مشكله حتى لو كانت تافهه طبعا مع تكرار الكلام صرت اخاف انه من جد يضربني وقعدت اتخيل ببالي كيف راح تكون الضربه وطبعا اكيد راح ازعل وراح يمكن اتشوهه من قوي الضربه لا ويمكن بعد تجي الضربه على بطني ولا عاد اقدر احمل <<< شفتو كيف الافكار تودي الوحده من كثر ماكان يخوفني وكانت طريقته توحي انه من جد راح يسويها لا وراح بالي اني راح اروح بيت اهلي واكيد ابوي بيقول طلقها وراح اتطلق واصير مطلقه ومن ذا الكلام الي صراحه كان نتيجة ارهاب نفسي شديد وجته فتره اذا مزح عطاني كف على وجهي خفيف كنت اولع نار بس طبعا ولا كلمة ساكته الين مره قوا الكف شوي وعلى طول ينقلب وجهي وسكت هو << استغربت سكوته قلت ببالي ليش سكت ما جا ابد ببالي انه خاف من ردة فعلي قلت لو سمحت لا عاد تمزح معي ذا المزح لاني المره الثانيه ترا راح ازعل صدق والرسول صلى الله عليه وسلم نهى عن ضرب الوجه وبعدها الحمد لله وقف عن المزح واستمر تهديده لي سنين بالضرب على اي مشكله الين مره طبعا مع التغيير كانت فيه مشكله بيني وبين وحده تقربله جاني يقول لو كنتي مسويه الي قالو انك سويتيه والله كان جيت وضربتك وادبتك والحمد لله تنزل علي قوه من ربي واقوله وصوتي كله حزم شف لو انك ماد ايدك علي والله والي نزل سبع سموات اني ما اقعد لك بالبيت ولا ثانيه مو انا الي انضرب ولا تفكر اني بسمحلك انك تمد ايدك علي انا جايه من بيت عز وابوي الله يرفع قدره عمره ما مد ايده علي ولا راح يسمح او انا اسمح ان اي احد يلمسني ولا تحسب بروح وانا اطالع وراي وش انا خليت لاني اعتبر نفسي وقتها ما خليت اي شي وقمت وطلعت من الغرفه طبعا ماوقف تهديده بس خف وصار اذا بدا يهدد ما اطالع بوجهه بالعكس ادور على الريموت واغير بالقنوات العب مع عيالي او اقوم واطلع من الغرفه او اول ما يبدا على طول اغير الموضوع اسئله عن شي او اقوله موقف يضحك سووه العيال << يعني احاول اشغل نفسي او اشغله باي شي عشان يشوف ان كلامه ما همني ولا حرك فيني شعره ولا حظت ان التهديد خف اكثر الين ما صار موقف قبل فتره ماهي بعيده ارسلي رساله يقول فيها ان كان سكرتي باب السياره مره ثانيه بقوه راح يجيك كف اقوا منه !!!!!!!!! على طول ارسلت لا تهدد بالضرب والحمد لله من وقتها ما عاد قالها مره ثانيه انا ادري طولت عليكم بس حبيت افصل عشان تشوفون ان الموضوع يبغاااااااااااله صـــــــــــــــــــــــــــــــبــــــــــــــــــــــــــــــــر وان شاء الله اكون خفيفه على قلوبكم

في موضوع الضرب والله كانت هذي بالنسبه لي مشكله اكبر من الكبيره كان اسم الضرب يرعبني ويخليني...