وتونه يا قلبي الله يعينك العصبي كانه انسان مريض في البيت يبغى مداراة ولابد الوحدة تمر بوقت تنهار فيه لكن يقدر لها هالشي لما يكون نادر.......

وتونه........صرقوعة........سما الشرقية..............

مشكورات على التفاعل وردوكم رائعة وهذي المعلومات يمكن تخليكم تعيدون النظر في الموضوع........

أختنا(س) ردت علينا بهذا الرد .......

جزاك الله خير وكثر الله من امثالك انتي والاخوات اللي شوفت ردودهم
وراح اقولكم التفاصيل
سبق وتكلمت معه وقلتله عن فصل مشاكلنا في الغرفه عن العايله بس اللي فيه طبع ما يخليه وصرت اتحاشى اكون في المكان اللي يتواجد فيف مع اهله ادا كنا متزاعلين
وبالنسبه لي هو يصير من العايله من بعيد وهو اللي جاء وتقدم لي ولا احد فرضني عليه ولا شي وهو الثاني بين اخوانه واقواهم شخصيه وعصبي في امور وبارد حد البلاده في امور وابوه متوفي قبل لا اتزوجه وبالنسبه ليه سكنت عند اهله مع ان عندهم عيال غيره لان امه تحبه وتبيه يحل محل ابوه وكانوا هداك الوقت اخوانه صغار والحين ما شالله اصغرهم بيروح الجامعه و3منهم رجال في سن الزواج
والبنات انا الحمد لله علاقتي فيهم زينه وحده منهم كنها اختي والثانيه احس فيها حركات مراهقه و اطنشها بمزاجي او ارد عليها باسلوب عيارة اما المتزوجات علاقتي فيهم كويسه واحترام متبادل وحده منهم ودها تحرش وانا اتحاشاها
وامه والله اني احترمها وعمري ما ردت عليها حتى لو غلطت علي واحاول اعتبرها مثل امي بس ما اقدر بسبب تصرفاتها معي
لدرجة اني كنت اسوي الشاهي العصر واقعد معها بس جتها فتره تتهرب مني وتقول انها تبي تسمع الرادو وان طلعت لغرفتي نزلت هي وتقهوت قلت في نفسي مايبيلها مفهوميه ولا عاد حولت عليها العصر الا للضروره
وانا اللي قايمه بشغل البيت من طبخ اما البيت فيه شغاله وانا جامعيه بس بدون وظيفه وماعندي اولاد دكور
وابوي الله يخليه لي ماعنده مانع يكلمه وسبق انه عرض علي انه يكلمه وانا قلت اصبر شوي لعل وعسى
ورده فعل اهله لو بنطلع بالعكس بيستانسون عشان ياخدون راحتهم والدليل ان اخوهم الكبير طلع من البيت وعادي ما قالوا شي هالكلام طبعا قبل لا اتزوج
وبناتي راح يلقون من يهتم فيهم لانهم في الدبره وصغار اكبرهم 6سنوات بس انا الله يصبرني على فرقاهم
ومره حصل خلاف بين زوجي وامه بسبب بناتي وسمعتها تقول ان مرتك ما تبينا واللي ما يبينا ما نبيه
عاد هو قال من قالك انها ما تبيكم وش سوت
قالت لانها تروح وتنام عند اهلها ؟؟؟؟؟؟؟؟؟
وانا ما انام عند اهلي الا ادا كان رايح للبر او مسافر او نايم بالعمل
يعني هي ودها اننا نطلع بس مهيب قايله عشان ما يقولون الناس عنها طردت ولدها
وهو في نفس الوقت وده يطلع ةلا هوب قايل عشان ما يقولون الناس ترك امه
وعلاقتي العاطفيه لاباس الحمدلله ومن ناحية فيه ود او لا ساعات اقول انه يقدرني وحريص على احترامي وساعات اقول انا عنده مثل دم ضروسه
بس اللي يخليني اقول انه يقدرني اشوفه لما نسافر لحالنا ياخد ويعطي معي ويتغير عن البيت 180 درجه ويشاورني ويستشيرني اما ان كنا في الرياض كنه واحد ثاني !!!!
فيه نقطه ابي اوضحها وهي انه كان متزوج بنت عمه وطلقها وقال سبب الطلاق عدم التوفيق وانه ما حبها لانه من ثاني يوم اخدها راح للشغل ولا ودها شهر عسل ولا شي وما قعدت معاه غير شهرين
وبعد اخوه راح يتزوج وحده من قرايبهم بس هم ما علموا ويم واجهته انكر هالكلام عاد انا قلتله سواء هالكلام صدق ولا مو صدق مصيره بيتزوج ووين بيسكن ؟؟؟ خل اهلك يجربون حضهم مع وحده ثانيه
ومن الناحيه الماديه هو الحمد لله ماعليه ووظيفته كويسه ودخل في الاسهم حاله حالغيره وصار له ما صا ر لهم بس الحمدلله على كل حال وانا مو اول مره اطلب منه بيت سبق وطلبت قبل كم سنه بس اللي خلاني ازيد العيار عليه لاني اسمعه يسولف بالتلفون عن اراضي يشتريها عشان كدا قلت الحمدلله الوضع بدا يتعدل
وكل ما سالته وش السبب اللي ما يخليه يطلعنا ما يعطيني سبب مقنع او بالاحري يسكتني على طول ويهوش ويصرخ ولا اطلع بنتيجه والحين حاط عدره الاسهم
وبالنسبه لي مرات اقول بصمد وش باخسر وان فكرت بالبنات ضاق صدري وخنقتني العبره

اعدروني كلامي ملخبط شوي والله يجزاكم خير ويفرجها لكم ولا تنسوني من الدعاء

شموخ: بانتظار عودتك...........



لي عودة باذن الله بس الاتصال مسوي معي مشكلة كبيرة هاليومين......

الله يجزاك خير ياام الخمائل مواضيعك دايم روعه والمشاكل اللي اعاني منها خارجه يمكن عن موضوعك بس اثق في رايك كثير وانا صراحه ماقريت كل الردود بسبب ضيق وقتي اااااهم مشااااكلي الماضي بالنسبه لي سيء جدا وادري انك بتقولين انسي مااقدر الماضي لو نسيته فيه اشياء تذكرك فيه خصوصا الناس اللي عارفين كل شي ومواقف كثيره كيد اني ماشرحت لك زين بس شسوي ماقدر

هلهووووووووووووووب
ولي عوده