مابعد ازمته القلبية ايش تصرفي

السلام عليكم
كيف حالكم بنات
زوجي طبيعته غامض مايتكلم مايشكي

ممكن يكون تعبان متدمر من الداخل بس مايقول مايتكلم يحاول يتظاهر انه طبيعي جدا
اخر فترة تعب بحياته
وفاة اعز اصدقائه وفاة ابوه ضغوط عمل واخيرا اخوي
هو واخوي صحبة من ٢٠ سنة ومتشاركين بالعمل مايفترقون عن بعضهم

بقية اخواني علاقته فيهم متوترة الا الاخ هذا
وفاة اخوي كانت صادمة لي وله

بظرف ١٢ يوم بس فقدناه العقل مايستوعبها كان عايش على امل انه اخوي ١٠ ايام ينهي فترة الحجر ويطلع بس اخوي عجل الرحيل

حزنه كان صامت حزن قاتل

بعد وفاة اخوي بكم يوم اخوه خذه معاه عند صديقهم
فجأة هناك جات له حالة غثيان قوية ترافقت مع الم بالصدر ونبضات قلب قوية

حتى بتلك اللحظة كان مسوي نفسه انه طبيعي بس هيهات ماقدر يكمل

طاح وصدمهم شالوه اخوانه وراحو فيه للمستشفى ولي انقذ الموقف اكثر انه كان بينهم دكتور ساعد وانقذ

طلعت ازمة قلبية لكن الحمدلله سليمة خلوه ٤ ايام مرتاح بالمستشفى كان الدكتور بيسوي له قسطرة لكن غير رأيه وقال مايحتاجها

اعطوه نظام صحي يمشي عليه

السبب الوحيد هو الحزن والكبت لي عايشه بدون مايتكلم بحرف
توه شاب عمره ٤١ سنة وعندي منه ٦ اخرهم عمره سنة بس
امانة هو سندي بالحياة من بعد الله هو الامن والامان

كانو عندي ٣
ابوي واخوي
فقدتهم بفارق سنتين فقط

المتبقي هو زوجي فقط وبعده على الدنيا سلام

رجع لحياته الطبيعية بس انا لا الخوف متملكني وثمة شعور اني ممكن افقده عن قريب وتنتهي قصة حب ١٦ سنة