مابغى اكون جدار ساعدوني

انا اذا بروح لاهل امي انواع السوالف والتنكيت والثقه فل الفل

بس لرحت لاهل ابوي واهل زوجي
ثقتي صفرررررر صفرر معدووومه

ماعرف اسولف اغلب جلساتي معهم اكون صنم
بس ابتسم
واذا سولفته تكون سالفه صغيره وبسرعه اقولها واسكت بعد مو سالفه يسالون عن شي وارد بكلمتين

احسهم تعودو يسولفون ويضحكون ولا كاني موجوده كاني جدار

ينظرون لي على اني ضعيفه وعلى نياتي وماعرف احد

هم سوالفهم عن فلانه وفلانه وناس ماعرفهم

طيب كيف اسولف معهم ماعرفهم


واذا سالوني ارد وانا مرتبكه لاني ماتوقع احد يسالني

ماعرف اخذ واعطي معهم واذا فيه موضوع مثلا اعرف له يكون نادرا وبسرعه ومختصر
ودقاات بهذلوني بدقات
انا على نياتي مافهمها الا لرجعت بيتي

واحيانا افهمها بس عقلي يوقف عن التفكير
ماعرف ارد لاني مو متعوده

اهل امي قلوبهم صافيه ماعندهم هالدقات ولا يعرفونها وبسيطين
عكس الي فوق فششششخره وهياط



طيب ليش ليش انا مو كذا

واكبر دليل لرحت لاهل امي


عطوني حل تعبت من نفسي كذذا

ماعرف اجامل ابد ابد ابد ابد
اذا مارتحت لاحد خلاص. اقطع علاقتي فيه عكسهم يجاملون حتى على حساب نفسهم
لان هالزمن مايمشي الا كذا وهذا المطلوب

ماعليكم من المجامله

ودي اسولف واقوي ثقتي قدامهم مايغى اكون جدار