مابقي عندي حل للتخلص من الحفاض عند الطفل ساعدوني

بنتي عمر سنتين وشهرين وتقريباً من عمر سنة و١١ شهر أحاول معها لنتخلص من الحفاض لكن بلا فائدة جربت نغني ونعمل حركات بالحمام لكنها ترفض أغلب الاوقات تعمل بالحمام وجربنا نعمل بنفس الوقت معها وكتير اوقات ترفض بحجة إنه مافي شي وتصير تبكي جربنا نجيب لعبة وينول منها مي ونضرب اللعبة لأنها عملت نونو وصارت البنت تضرب اللعبة معنا لكن هالشي ما نفع وماتغير شي جربنا نعطيها أكلات تحبها لما تعمل لكن مانفع جربنا نخوفها بالقطة لأنها مرة القطة جرحتها وصرنا نحكي إنه القطة جرحتك عشان مابتعملي النونو بالحمام وكمان مانفع صرت أحطلها حمرة 💄 لون أحمر بالحفاض عشان تفكر مرضت من الحفاضة وتصير تعمل بالحمام استغربت من الموضوع لكن بعدها مباشر صارت تضحك وتاخد الموضوع بلا مبالاة
اغلب الأوقات مابترضى تعمل بالحمام لا على النونية ولا على الأرض يعني ما اتوقع الموضوع خوف من السقوط
ولو عملت شي ممكن تحكيلي بعد ماتخلص وغالباً ماتحكلي لحتى أنا اشوفها
احترت معها وماني عارفة كيف انظفها قبل الشتاء وقبل قدوم البيبي لأني حامل
ولكم الاجر والشكر