وجزاكم الله خيراً ...
شيخة المزايين :
أنا رحت للدكتورة : أمل مهنا ( وبصراحة تشعري بأنها مو من أهل الفلوس ، يعني تثقي في كلامها ) .
أما بنوتة زمنها ، فأشكرك على القصة .. أما الكلف فأختي راحت عند د. أمل وادتها أدوية وقالت لها يبغاله فترة قبل لا يروح ، لكن اللي أنا أستغربه هوه ليه بيمدحوها وليه هيه واثقة كدا من نفسها ؟؟

تحياتي للجميع ،،،

أتمنى من اللي تعالجوا عندها أو يعرفوا أحد تعالج عندها يحكينا ...


وشكراً ،،،

بنوتة زمنها .... تصدقي تقريبا اللي صرلك نفسه اللي حصلي من كم سنة رحت لبخش للدكتور السوداني عمر الشيخ نفسه وطلبت علاج لتساقط شعري قاللي مافي شيء اسمه علاج تساقط الشعر ده اسمه دلع روحي كلي كويس وبس واذا ما خف التساقط تكون هذي طبيعة شعرك اتبيها .قلتله طيب على قل أكتبلي فيتامينات شعري حيخلص أو دلني شامبو كويس أو أي شيء وهومو راضي تقولي استاذ وأنا أبغاه يغششني المهم مرة زعلت وخرجت من عنده بوزي شبرين لأن شعري كان معدوم ديك الأيام .
المهم وحده برضه دلتني على دكتور في باب مكة في عمارة قديمة ومرة كبيرة زي حق زمان وماتخليت اني أروحله الا بعد ما حلفتلي انه ما نفع شعرها ومشاكل جلدها غيره.
ورحتله وكتبلي على ابر وشامبو وتونيك للشعر والحمد لله استفاد شعري منها مرة ورجع زي ماكان.
معليش يامايا خرجت من موضوعك لكن حبيت نتشارك تجاربنا مع بعض .
وبالنسبة لأوباجي أنا ما جربته لكن سلفتي راحتلهم علشان تصفي بشرة وجهها وجسمها اللي اعرفه انه وجهها الصلاة على النبي صفي مرة لكن ظهرها تبقع بعد الدوا بالضبط ليه ما أعرفش .

حبيبتي لا تستخدمين اي كريم مصنوع في الصيدليه دايماً نسمع عن مشاكلها و هي تكون خلطه من ارخص المبيضات و كريم لمنع الحساسيه ( كرتيزون او احد مشتقاته ) ومقشر
بالنسبه لكريمات اوباجي يكفي انو مكتوب عليها مكوناتها وماأعتقد فيها غش حرصاً على اسم اوباجي .:26:

جزاكم الله خيراً ..
ولكن ياريت هدي الكريمات رخيصة لكنها زيها زي أوباجي ؟؟!!

شكراً لكم ،،،