مابين الماضي و حاجته لي

والله مستحيه اقول الموضوع .. بس اني بين نارين ... و طلبتكن يا اخواتي ابي الحل بدون زعل و شوشره ...

ياطويلات العمر أخوي الحين بأول ثانوي ...
قبل سنتين يعني يوم كان ثاني متوسط تحرش ببنتي باول ابتدائي و عزمته ببيتي لحاله و هاوشته وضربته و هددته لأفضحه و انحره قدام الناس اذا قرب لعيالي ... و طول السنتين اتعامل معه برسميه قدام اهلي ، ومن بعدها اخوي يسلم علي اذا زرتهم و يطلع برى البيت ، حتى عيالي مايسلم عليهم ... ( سلامه لي بس عشان اهلي مايحسون بشئ ) وانتهت السالفه ....

مشكلتي الحين ...
اخوي يمر بأزمه نفسيه شاف صديقه يموت قدامه ومن بعدها كره المدرسه و نحف جسمه و صاير عصبي مايتحمل كلمه ويرفض ياكل نهائي و بس يبكي واذا جلس وسطنا مو معنا بس يفكر ، وابوي لاهي مع زوجته الثانيه و اذا جاء بس يهاوشه ، و اذا تكلمت مع أمي عشانه تقول وش اسوي به ، خليه يطلع قلبه و يصير رجال ...

يا اخواتي اخوي بحاجتنا ، اخوي ضايقه فيه الدنيا ، اخوي ماحد يعطيه وجه و خايفه عليه ... غصبن علي هذا اخوي أرحمه ...
بس لما افكر وش سوى بالماضي اغير رأيي . ما ادري تصرفي صح والا لا ؟؟؟ ....
ابي اطلعه من اللي هو فيه ، ما ادري كيف ... و بنتي اخاف تحقد علي اني رحمة اخوي على اللي سواه ...
ما ادري وش الحل . ما ادري وش اسوي ....

رايكن يالحكيمات تكفن طلبتكن 😭😭