مابين بعينه على كثر ماجاه لاواحسافه ليتني ماعطيته
:32:يااخواتي هذي الحكايه طويله ومحزنه بس راح اختصرها اختي متزوجه من عشر سنين طبعا هي رومنسيه وحساسه وطيبه وحنونه جدا بس فعلا احس مالقت حظها تملكت وجلست سنه مبسوطه مع خطيبها بالرغم انها بدت تتلقى الصدمات الواحده تلو الاخرى بس كانت تعديها يعني فرحانه بحبهم ورمنسيتهم من ظمن الاشياء انه مره قرالها قصيده من تاليفه جميله جدا وطبعا غزل وحب قالت له متى كتبتها على بالها فيها قال من زمان كاتبها قبل ماخطبك طبعا ماله داعي يقوله وبعد الزواج لقت القصيده ومكتوب تحتها الى حبيبتي فلانه ااااه ياالم قلبي المهم تزوجوا راحوا شهر العسل بدت المعفنه خويته على قولتهم تتصل طبعا هو غبي المفروض يراعي مشاعر عروسته لا قالها ردي عليها قلي هذي جوالي واذا سالت عن صاحب الجوال قلي هذا جوالي وفعلا سوت كذا بس البنت باين مومتربيه قاعده تتصل ليل نهار حرقت قلب العروس اللي بس تبكي وفجاه في ليل من الليالي وتصحا اختي الساعه 3من الليل وتلقى زوجها مو جنبها وتروح تدور لقته يكلم تلفون عالثابت غير الموضوع وقفل هي مو غبيه تعدي عليها طلعت الرقم من الكاشف واتصلت بعدين طلع بيت الاخت حبيبته المهم اعتذر واعلن توبته بس بعد ىفتره لقت الرقم في جواله وصارت مشكله واعتذر وسامحته ووتكررت ونفس الشي سامحته وعطته الحب والحنان وفعلا ترك هذي البنت تماما وغبر رقمه طبعا بعد معاناه تقريبا السنتين الاولى من الزواج وطبعا مرت فيه ظروف ماديه صعبه سوى مشروع وباعت اللي معاها من ذهب وساعدته وخسر مشروعه وصبر ت على ديونه واقتصدت لانها بطبيعتها اقتصاديه بس ما حس ولا ثمر فيه بالرغم انها ماتتكلم ولاتحسسه بس فعلا مايستاهل مع مشكله تافهه تلفظ عليها ولعن والديها انهارت وبكت قام مد يده وضربها بالعقال الين طبع في جسمها والله مااعتذر ولا راضاها ولا كانه سوى شي وهي صبرت كل تعبيرها بالبكا ولا تحكي لاحد ابدا الا انا ومتى بعد عشر سنين وصبرت وسامحته ودايما توصيه في اهله وماتذكر له وش يسوون فيها وتسامحه على طولت لسانه طبعا والحمد لله ماعاد مديده ابدا بس يمد لسانه الطويل وكالعاده تبكي وتكتب خواطرها وتسامح جابت الطفل الاول والثاني والرجل صار يبعد اكثر واكثر والله ماعمره تقرب هي اللي دايما تتقرب منه سامحته كثير اتهم اخوها بالسرقه وسامحت لعن اهلها وسامحت جاه مرض السكر وتعبها كثييييييير بنفسه الخايسه وتحملت بالعكس تغيرت صارت تسمع منهنا وتطلع منهنا وتراضيه وتهتم في صحته بس اللي قاهر ويحرق القلب ماعمره مدحها ولاذكرها بخير بالعكس يظهر عيوبها ويحاول يحطمها ويسبها ولاحتى يتغزل تقول ما كانه يشوفها ابد واخر مره سوت له ليله رومانسيه قال ماابغا رومنسيه ولا اعرف ولااحبها حطمها وحطم صبرها وهي ماتقدر على البعد ولا الطلاق عشان عيالها وشلون يتغير هالانسان وشلون يعرف قيمتها وقيمة صبرها
11
1K
يلزم عليك تسجيل الدخول أولًا لكتابة تعليق.
شوشو تموت بالسفر
•
الله يعين علاهادنيا
الله يعين علاهادنياالله يعين علاهادنيا
تبي يتغير ؟؟؟؟؟؟
راح يغيره اللي خلقه،،
راح يقلب قلبه لها حب ومحبة؛؛
راح يكون زي الخاتم باصبعها؛؛؛
هي سوت كل هذا عشان ترضيه؟؟؟
طيب وش سوووووت عشان ترضي رب العالمين؟؟؟
إذا ربي رضى عنها راح يرضى زوجها عليها وراح يحبها
لان ربي راضي عنها،،
والخير اللي سوته لزوجها قبل تبتغي فيه رضى الله وإتباع أوامره
بطاعة الزوج وحسن التبعل؟؟؟؟؟؟
من رأيي تبدا صفحه جديده مع نفسها
تطيع ربها وتسوي الخير لله ولاتنسى الدعاء
بوقت الإجابه وتبتغي رضى اللهبي كل شي
بعد ذللك
حتماً سيرضيها الله
في كل شي//
راح يغيره اللي خلقه،،
راح يقلب قلبه لها حب ومحبة؛؛
راح يكون زي الخاتم باصبعها؛؛؛
هي سوت كل هذا عشان ترضيه؟؟؟
طيب وش سوووووت عشان ترضي رب العالمين؟؟؟
إذا ربي رضى عنها راح يرضى زوجها عليها وراح يحبها
لان ربي راضي عنها،،
والخير اللي سوته لزوجها قبل تبتغي فيه رضى الله وإتباع أوامره
بطاعة الزوج وحسن التبعل؟؟؟؟؟؟
من رأيي تبدا صفحه جديده مع نفسها
تطيع ربها وتسوي الخير لله ولاتنسى الدعاء
بوقت الإجابه وتبتغي رضى اللهبي كل شي
بعد ذللك
حتماً سيرضيها الله
في كل شي//
لاحول ولا قوة الا بالله العلي العظيم ،،،،،نصيحتي لها تكثر من قيام الليل و سورة البقره والاستغفار وتحاول تعطيه واجباته من غير ماتدلعه يعني تكون رسميه معه وبخصوص مشاعرها تستودع الله راحة بالها خليها تنشغل بشيء تقرا كتب او تتابع برامج تحبها او تتصفح النت او تعلم أولادها شيء من قصص الصحابه او تطلع لكم او اي شيء المهم تنشغل عنه وعن مشاعرها معه وخلاص تعامله عادي تخلي حبه في قلبها ليش الدلع الزائد
الصفحة الأخيرة