موضوعي اليومي يابنات عن بشرتنا
من فينا ماتحلم تكون بشرتها روعه
من فينا ماتحب تسمع كلمات المدح ونظرات الأعجاب
من فينا ماتعشق تكون أنثى فعلآ قلبآ وقالبآ
كل شي نحلم فيه ونتمناه لازم نسعى نبنيه ونجعله في حياتنا حقيقه وواقع
رآح احكي لكم هنا كيف تكونين جميله وفاتنه في عيون الناس من خلال تجربتي ومن خلال الأمور اللي مرت علي
اول شي لازم تعرفين ان جمال البشره ونضارتها يعطي رونق وجاذبيه ويفتح العيون عليك ويبرز جمالك
كثير بنات حلويين ولكن كل هالشي محجوب بسبب مشاكل بشرتها واللي تعانيه _
اول شي حبايبي بتكلم عن التغذيه لأنها هي اساس التغيير
ودائما الأمور الداخليه اللي فينا تنعكس على الخارج
ممكن نعيش وقفه شوي وكل وحده في خاطرها تفكر على ايش تتغذى وعلى ايش جسمها ينبني ويحيآ ؟
معظمنا للأسف اكله غير صحي من مقليات ومشروبات غازيه ومواد حافظه ومعلبه وشوكلاته بأفراط وانواع الكوفي
ظلم لجسمك من الداخل انه يعيش على شي يخليه للأسوأ سواء بشره او جسم او شعر
اذا انتي فعلآ تحبين نفسك غذيها بأفضل شي تحتاجه واهتمي بالغذاء الصحي والفواكه خصوصا البرتقال والخضروات
كل هذا رآح يساعدك من كل النواحي واولها خطوتنا الأولى لجمال بشرتك
وماننسى قوله تعالى سبحانه ( وجعلنا من الماء كل شي حي )
هذي الآيه فيها اجابه على تساؤلاتنا وألغازنا ..
ليه بشرتي ميته ؟
ليه مليانه شحوب ؟
ليه خافته ؟
راح اقولك بعض الأعراض التي تدل على حاجة جسمك لطرد السموم المتراكمه من داخلك بسبب التغذيه السيئه :
*- الإعياء والشعور بالإجهاد
*- الإمساك وسوء الهضم
*- رائحة النفـَس الكريهة
*- حب الشباب
*- الرشح المتكرر
*- آلام المفاصل
*- كثرة الإصابة بالشد العضلي
*- الصداع
اي وحده شافت فيها ولو عارض واحد تعرف انها محتاجه تمارس هالبرنامج حتى يتحسن وضعها
وهنا البرنامج لمدة يوم واحد ، يعمل تصفيه لجسمك من السموم الداخليه :
اشربي كوب الى كوبين ماء دافئ معصور فيه نصف ليمونه
فاكهة مقطعة أو مهروسة ( التفاح أو العنب أو الكيوي أو المانجو أو الكمثرى ) كلي حتى تشبعين .
شاي أعشاب مثل البابونج أو النعناع .
سلطة خضار مثل الخس والملفوف والجزر سلطة خضار – وسلطة فواكه المشار إليها أعلاه .
شاي أعشاب (مثل البابونج أو النعناع) .
نجي للعنايه الخارجيه /
راح اشرحها لكم ولكن بطريقه مختلفه وبأشياء جديده علينا وواقعيه وصارت لكثيير من البنات
يمكن البعض يعرفها ويمكن البعض جديده عليه ..
قيام الليل هو اول وسيله لجمالك
وربي يابنات من تجربة بنات اعرفهم شخصيآ
بذكر لكم مثال /
وحده ملامحها عاديه جدآ جدآ ولكن فيها سر عجيب وجاذبيه تلفت الانظار
ماتدرين وشو بالضبط / كل اللي قدامك من ملامحها بسيط واقل من بسيط
وبحكم انها قريبه مني سألتها ايش اللي متغير عليك وايش الجديد اللي مدخلته بحياتك
ماشالله طالعه حليآنه كثير ووجهك منوور حيل
قالت لي بابتساامه وبرضا : لي اسبوعين مستمره على قيام الليل وادعي ربي
( يآرب تجعلني اجمل الجميلات في عيون من يشوفني )
ووحده ثآنيه ماتهتم ولاتعبر هالأمور وتصلي الليل بس عشانها تتمنى من رب السموات يرزقها الحكمه والفصاحه
وحقق لها ربي مناها ومع ذلك زادها جمال ونور في بشرتها
والبنت ماشالله فعلآ بعد شهر جلست معها وكانت محط الانظار في الجلسه بكلامها واسلوبها
خصوصا البنات المهتمين بالستايل واللوك كانوا منجذبين للنضاره في بشرتها
مع انسجامهم في كلامها ..
تقول الحكي وتتكلمه والكل متأثر ومنجذب خارجيآ وداخليآ
ولما جلسنا بشكل خاص انا وهي قالت لي : كنت اتكلم مدري من وين يطلع هالكلام مني احسه مو مني كأني ماقلته مدري كيف طلع كل هالحكي هي نفسها متعجبه ..
سبحان الله وربي انه فعلآ سر عجيب اغلبنا وانا معكم غافلين ومتكاسلين عنه
الشي الثاني يابنات الصدقه
ايوا ياقلبي مثل ماتتصدقين عن نفسك ودفعة بلاء عن حياتك واهلك
تصدقي بعد لبشرتك ولو بريال وادعي ربك انه يجعلها في وضع اجمل وأروع
الشي الثالث مع كل خلطه تسوينها او برنامج تمشين عليه او عيادة تجميل تدخلينها
او مشغل ناويه تسوين تغييرات فيه لاتنسين شي صغير
( دعوه لرب السموات والأرض انه يجملك من الداخل والخارج )
الشي الرابع اهتمي بأخلاقك وتعلمي فن التعامل مع الناس
وكسب محبتهم والتعامل بذوق وأدب ومحبه وعاطفه
تذكري ان كل انسان بهالحياة يخوض معركه صعبه في حياته
ولحظات سيئه تمر عليه
خلي نفسك باب الفرح له وبسمة السعاده عليه
يعني حتى لو كنتي توب في طلتك بيبقى فيه شي ناقص وهو اللي بيكملك
اسلوبك وطبعك وكلماتك اللي تصدر منك للناس
واكيد لاحظتي ياما ناس في حياتنا يعتنون ويهتمون ويتأنقون وبشرتهم مثاليه وشعرهم روعه
ومع ذلك مالهم انجذاب ولاقبول ولافيهم ذرة جمال بالنسبه لمنظورنا الشخصي
بهالتفاصيل الصغيره راح تكوني انتي الجميله
وبأذن ربي جمالك راح يدوم ومايتغير
الشي الآخير _ من تجربتي واهتمامي في عالم توحيد البشره والخلطات
لقيت ان ماء الورد هو افضل مفتح ومورد للبشره اللي لون علبته خضراء
أزال اثار الحبوب من وجهي وتغير لوني من حنطي غامق على قمحي مورد
وربي يابنات اني الحمدلله مستمتعه بهالطريقه السهله والغير مكلفه
وحبيتكم تستفيدون مثلي
بسيطه طريقتها / حطيها بعلبه بخاخ وبخي وجهك ورقبتك واتركيه لحد مايجف
وارجعي بخي في كل وقت تشوفين نفسك فاضيه وضروري تستمرين يوميآ ..
الحاجه الاخيره / استخدمت ماسكات كثيره للوجه سواء من الصيدليه او طبيعه اسويها في البيت
ولقيت الأفضل والأروع والاحسن هو الزبادي /
معظم البشرآت تتناسب معها واستثني البشره الحساسه بعضهم ينفع وبعضهم لآ
وكل واحد وتجربته
القناع اللي مداومه عليه / الزبادي وشوية حلبه مطحوونه
ووه ادري بنات ريحة مره مقرفه وتصير بغرفتي حالة طواريء لما احطه
لأني متعوده زبادي لوحده بس وربي ماندمت اني خلطته مع شوية حلبه
لما تستمرين عليه وفي كل مره تغسلين وجهك مع القناع بتذكرين الله على هالتغيير اللي تلاحظينه بتدرج
ومن بغى الزين لازم يتحمل
وبكذآ حبايبي اتمنى اكون اضفت لكم مثل ماكل انثى هنا اضافت لي بكلمه او برد او بموضوع
ومثل ماناخذ لازم نعطي
في النهايه ابي طلب منكم صغير
تدعوا لي ان ربي يلهمني الخشوع في الصلاة
وربي يحقق اماني الجميع
منقول للأمانه:39::39: