إشطة :

عادي حبيبتي .. ربي يقول (وجعل بينهما مودة ورحمة) المودة والرحمة ما تصير إلا بعد الزواج ,,,, وشلون تبغين تحبين وتحنين وتشتاقين للزواج من قبل !!! أحس البنت مو طبيعية إذا كانت تقول ودها تتزوج ... وين الحياء !! كان يضرب المثل بحياء العذراء في خدرها , بس ألحين على الدنيا السلام ,,, حتى الأطفال تقول الوحدة بأتزوج فلان وفلان حبيبي ومتى أعرس !! حبيبتي أنتي الصح , مكبرة سالفة الزواج لأنك من جد حريصة يعني خايفه ماودك ترتبطي برجل وتفرطي في مسؤوليتك معاه , وهذي ميزه فيك غيرك يطب في الزواج بدون تفكير , والنتيجة زي ما قلتي مشاكل وخلافات أنا شخصياً أحس أن تفكيرك طبيعي لأنك عاقله , وهذا تفكير أي بنت عاقله تحس بهم المسؤولية لدرجة أنها تكره الزواج , وبرضو رعب أو تقزز من العلاقة الخاصة لأنها فعلاً في الواقع مرعبه ومقززة لولا أنها بعد الزواج تتيسر كما تتيسر (المودة والرحمة) بين الزوجين باختصار ... أنا أفهمك لأني كنت زيك بس لما جا النصيب تقدم لي الرجل اللي مالقيت فيه عيب عشان أرفضه والكل مدحه تخيلي وافقت لأن مافي سبب أتحجج به وأرفض , وكنت أقوم أصلي وأبكي طول الليل أن تحاليل الزواج ما تتوافق, أو أن هذا الرجال يتراجع , أو تنشق الأرض وتبلعني , أو يصير عليه حادث يموت ههههه استغفر الله بس أقولها لك صراحة ولله الحمد كان زواجي وحياتي مع زوجي من أحلى مايكون .. ماشاء الله تبارك الله وللآن أقولها لنفسي , لولا احساسي بالخوف والمسؤولية قبل الزواج ماكان قدرت أعيش هذي السعادة ولله الحمد لأن احساسك المبكر بالمسؤولية يخليك (على قد المسؤولية) بعد ما تتزوجين وتديرين بيتك وتربين أطفالك ومقدماً أقول لك ... ألف مبرووووك , لأنك بإذن الله راح تكونين زوجة سعيييييدة شئتِ أم أبيتِ ,, مادامت تلك مشيئة الله أكرهي الزواج , خافي منه , تقززي , عادي جداً دامك بنت ...... بس بشرط إذا جا الرجل المناسب استخيري ووافقي وإياكِ إياكِ ترفضي مادام مافيه عيب ,, وبمجرد ما توقعون على العقد راح تتغير أفكارك 180 درجة قسم بالله راح تحسين كأن البرد والسلام يصب عليك من السماء ... لأن في هذي اللحظة فقط تبدأ بينكم (المودة والرحمة) وبشرينا ....... ولا تنسين تعزمينا ^_^

عادي حبيبتي .. ربي يقول (وجعل بينهما مودة ورحمة) المودة والرحمة ما تصير إلا بعد الزواج ,,,,...