مافيه حياه وردية خاليه من المشاكل سواء تزوجتي او ماتزوجتي يعني لو ماتزوجتي وحصلتي الوظيفه اللي تبغين ممكن تواجهين مشاكل بالوظيفه او مع اهلك ليش قال الله تعالي في القرآن لقد خلقنا الانسان في كبد دليل ان الحياه شقا وهم ومافيه راحه الا بالجنه ان شاء الله لاتحطين الصور السيئه لزواج في بالك لان الزواج شراكه مو استعباد هذي الحقيقه اللي يجهلها اكثر الرجال والنساء ولو طبقنا هذا المفهوم بالشكل الصحيح كان الحياه الزوجيه بتكون افضل وتقل المشاكل
وانتي ماتدرين الخيره وين في الزواج او في الوظيفه ليش اذا جاك خاطب ماتستخيرين ممكن يكون هالشخص ينسيك هم الوظيفه ويعوضك

اذا جاك رجال زين فكري واستخيري ووافقي بس اشرطي عليه انه ممكن تتوظفي وابحثي عن الوظيفه


الزواج مهما تهربتي منه شر لا بد منه سنه الله ف الحياه
مثل م تفكري الحين بالوظيفه بيجي يوم تفكري بالطفل
الدنيا تتغير اليوم انتي تفكيرك كذا بعد سنه بيتغير
انا معاك الوظيفه حاجه تغنيك عن الناس وعن الرجال بس اذا م تيسرت ايش بتسوي بتضيعي عمرك لا وظيفه ولازوج ولا اطفال
اللي يتيسر لك الان من الرزق اقبليه وربك هو الرزاق ذو القوه المتين م بيخليك باذن الله


واذا ع المنتدى والمشاكل ترى المشاكل بكللللللل البيوت م يخلى بيت من المشاكل حتى الرسول عليه الصلاه والسلام كان بينه وبين زوجاته اختلافات وطبعا اكيد احنا مو احسن منهم هذا حال الدنيا ايش تسوي واقع مو ممكن يتغير


الله يوفقك ويكتبلك الخيييير

لا يا أختي لا تفكرين بهذي السلبيه
بيت زوجك مملكتك مو مثل بيت أهلك


أطفالك بيراعونك بكبرك


الله يرزقك الوظيفه الحكوميه و الزوج الصالح

تقولين اخوانك غسلتي يدك منهم طيب بعد كم سنه بعد عمر طويل لأمك وابوك لو راحوا من بتجلسين عنده هاااا عند اخوانك وزوجاتهم وذلهم لك ولعيالهم تبين كذا!!!!
الازواج مو واحد تزوجي وتوظفي بنفس الوقت وجيبي لك عيال يشيلونك بكره بدل ماتنذلين لزوجات اخوانك بعدين

حبيبتي وجهت نظرك صح ولكن فيها شي من الغلط أولا مو كل الرجال سيئين وثانيا اذا تقدم لك شخص ولد حلال مشهود لدينه واخلاقه حرام يطير من يدك يعني تقدري تتزوجين وتشرطين بعقد الملكه انه مايمنعك من الوظيفه لو حبيتي وخلاص اما انك تجلسين ترفضين تري مو بصالحك ابد بكره الناس بتاخذ فكره عنك ماتبين الزواج وماحد بيطق باب بيتكم واخرتها بتجلسين لين عمر ال35 ويمكن اكثر وحزتها الله يعينك علي العينات الي بيتقدمون لك راجعي نفسك وشوفي مستقبلك لعل الله يرسل لك ولد الحلال الي يعوضك ويكون حنون معاك ولا يحوجك لا لوظيفه ولا لاحد